真係好睇個司機係咪突然玩守則。
講吓上車，最常見啲人車尾死追爛追追到去車門或車頭老遠咁跑緊去，有啲司機會停俾你上去，有啲唔會停照開車。
以前好似有單新聞有條友上唔到車，衝出路企係車頭唔俾開車發窮惡。
呢單只係係車內。
我都有次司機冇埋站就駛開左，我落到去雖然冇好似片中女仔咁失控咁鬧，但都有問司機點解飛站。佢話佢唔算飛站wo, 聲稱自己有慢駛，又反問我點解唔一早落黎等，又話我唔禁鐘仔。其實我係上層好後面，搖住架車咁行去禁鐘，個鐘都有段距離。有時真係唔知佢地咁趕做乜。
2個讚
睇吓你有冇全力追車囉
認真…司機睇完有冇車就會轉出去
如果又比人上車，佢又要再睇多次
甚至已經轉緊出去第二條線，更加唔會開門
巴士唔係應該係巴士站上落客? 我反而想知邊條例話巴士可隨處上落客?
2個讚
唔一定架車行緊架，可以向停燈位嘅時候，或者上一個車站停嘅時候，就落定樓下準備落車
如果真係咁趕時間，點解仲要坐到last minute先準備呢，後生細女，早少少落定去，企一陣都得掛
4個讚
如果個司機飛站、無理唔比人落車，可以投訴佢，甚至即時報警處理
但係咁樣爆粗鬧個司機，拍塊玻璃，騷擾個司機開車，有機會干犯道路交通規則，盞自己唔著數
我唔清楚有無明文禁止，一般而言只要唔係上落禁區就可以停車上落，當然如果司機好人嘅話都可以偷雞，假設喺慢線幾秒鐘唔會有大問題？
我淨係知綠色小巴係可以沿線上落車，如果有法例規定巴士只可以巴士站上落客，咁就要真係研究個巴士司機係咪真係有飛站先判定到件事對錯了
或者如果有意外先可以站外上落嘅話，咁呢單又算唔算意外呢
如果司機飛站，返工時間應該唔止一個人去鬧佢。
睇片似係個女人遲了一步去下層，司機關門開車了
佢原本下車位置係油麻地消防局，下一站都係係油麻地勞資審裁處位置，其實行十分鐘路程。
同埋佢罵個司機下一站咁X遠，但站頭又唔係司機訂，呢點有點無理取鬧。
1個讚
鬧人就咁好氣,十分鐘路都行唔到冇腳架
巴士唔可以係唔係站嘅位置試落客，因為保險問題，如果司村偷雞，有咩事發生，保險唔包，司機要自己負責
佢呢D唔係公主病,係好嚴重情緒病,要睇醫生架喎 
1個讚
香港地一個站又幾遠呀… 自己遲咗落車怪得邊個啫, 司機唔通個個站停車上落都等多半分鐘咩… 香港遲一步都俾人小啦… 呢位小姐, 大吵大鬧有失斯文啦…對件事又無幫助… 俾全世界知佢咁咪仲有排煩…
1個讚
呢位小姐似有情緒病
趕時間唔好搭巴士啦 
佢把聲好很煩
2個讚
我想講 呢個女人咁似我油麻地見到果個
話說我琴日同朋友係油麻地諗住行去旺角
大家都好正常向前行（包括其他途人）
突然有把女聲好尖好大聲：行開啦！阻住曬！
跟住係我同朋友中間插入去（條路好多位）
我同朋友都打咗個突 嚇咗一跳
個女人衣著身型同片中女人完全符合
4個讚
著到斯斯文文，粗口仲流利過地盤佬…
其實好聲好氣，司機有機會開門俾你落車，但咁鬧個司機，有失斯文呢⋯⋯
其實佢返到做嘢嘅地方，佢啲同事會唔會掩住嘴笑佢？
1個讚
之前公司附近整路，本身嘅巴士站向前移左幾十米，我被連續兩架巴士飛站，嬲到即刻打電話去熱線投訴
巴士公司一個星期後覆返我，話提醒左司機，而整路嗰段時間都再無巴士飛站。
被人拍片放上網咪仲樣衰，何必呢⋯
2個讚
一定係港女錯，司機其實可以告返轉頭話港女影響駕駛中嘅司機，自己行得慢，就早一個站落樓下等落車，好多時都係玩電話唔記得落車。
個樣斯斯文文又睇唔出粗口咁流利喎