但我聽過有d更過份係，個女未嫁，就想趕佢走，留返間屋俾個仔
死唔走囉…咁點唧
一係就脫離關係囉…
開呢個鋪就係想各位有兄弟、娘家有層樓嘅女人警惕，我唔講身邊兩三個女性朋友係完全冇諗過，屋企仲話借錢佢哋買樓
家用就比足，仲要比大份嗰隻，父母有病有痛就只會搵佢哋唔會搵啲阿哥同細佬
而家佢哋會賴死唔走，自己買樓唔出聲
4個讚
係咪仲有人覺得…阿媽真係會幫佢儲錢…
又或者自己要做工蟻, 無條件咁付出…
唔係話唔比家用, 但唔好自己冇曬back up…攪到真係失業就冇飯開…問返屋企又比人西面…
1個讚
識有人幫手供娘家層樓，佢話有份供，有份分；賣咗就係，但佢父母同兄嫂住緊。
都識有人留兩層樓俾個未婚嘅女，叫仔同心抱出去租樓買樓（萬中無一）
3個讚
我又記得，我個女仔朋友未婚，個細佬想quit工去外國讀master 兩年唔比家用，父母就好支持，仲問佢夠唔夠錢使
但我呢個朋友想轉工都被父母鬧到鬼殺咁嘈話佢不負責任
我就係因為聽到佢咁講，啲蛛絲馬跡令我提醒佢呢啲父母一定留樓比佢細佬
我都唔知有冇做錯到，因為佢哋發現之後好頹，對屋企多好多戒心，我好似好殘忍咁
3個讚
當年見唔少係，仔女出身，公屋富戶轉居屋…父母首期，仔女供. …
咁就…
1個讚
不過如果已經嫁咗有頭家，又冇得賴死唔走，都要焗住接受
但我就建議多為自己打算，家用呀照顧呀留比啲兄弟做囉
2個讚
唔係㗎，公屋都可以爭，父母免稅額又可以爭
2個讚
我老公屋企掉轉，奶奶已講明層樓會留俾個女，因為佢哋無儲蓄，覺得我哋搞得掂自己。
我老公無諗住爭，我無資格出聲。
不過奶奶姑奶都好錫我同兩個女，姑奶又無仔女，老公話第日咪又係留番俾我哋。
唔係你殘忍. 係你朋友既父母殘忍. 佢地早啲知道, 早啲做好心理/財務準備, 係好事.
1個讚
無論幾多歲，華人思想都係封建。可能DNA 問題 
同我老公一樣，屋企係調轉。老爺奶奶間公屋（已買）話明比個女，d 錢就比我老公。
佢地覺得個女，30+仲未有拖拍未結婚，冇人冇物冇錢冇能力（仲要破過產）。心態係扶助冇能力嗰個。
好在我同老公已置業
娘家的物業我又分唔到。同大部分人一樣，父母一早講明比我細佬s
我同我老公都睇得好開，都係命苦靠自己。我們2個都係大家姐阿哥嘛。至於照顧父母就當係還返比佢地的養育之恩。
4個讚
冇錯，先為自己打算啦
1個讚
樓留比仔，乜唔係公開嘅定律黎咩？
估唔到仲有咁多天真嬌！
我識一對姊弟，家姐都錫細佬架，同盡責孝順父母，比家用。
個pk細佬平時無野，一講到錢呢，叫個家姐轉工都唔可以減家用（工作壓力太大要轉，但根本無諗過減），唔好要父母動用左手上果幾層樓嘅老本，因為啲樓將來全部都係留比仔（細佬自己），唔想因為家姐轉工而令自己遺產分少左喎！
除左Pk唔識形容佢！細佬自己本身當然無比家用。
5個讚
我老豆立咗平安紙，層樓俾我媽同我，共同管業，我哥無份
原因係怕我媽為個仔賣咗層樓，連屋都無得住
5個讚
嫁咗就自己有頭家
家用我覺得不嬲量力而為
響呢個廿年起薪點都冇乜點加過嘅年頭
畢業幾年都係揾萬幾兩萬，要迫仔女負擔市值租金嘅父母，不如分租間房比人算
九代單傳架，幾層樓都冇一間係家姐？
早D準備總好過到時突然跌入個窿
咁又唔知係咪單傳，可能父母覺得家姐有能力買樓啦（已買）
2個讚