咁鬼似我朋友又係咁講， 究竟點樣先至叫有心?
請教究竟點樣訓練出來?
1個讚
細心即係要訓練自己由detail著手，望、觀察、記實、回想、聯想
將佢變成習慣，冇話唔得
3個讚
知!
謝謝你的提點!
我改到我嘅臭脾氣(唔計間唔中火山爆發)，迫自己臨發前深呼吸五下，真係唔會發㗎 
工作。
不停有人訓練我、之後我去訓練人，就變成一個習慣
1個讚
好， 我要做細心人
你哋都好有心回， 萍水相逢， 金石良言，常記於心
1個讚
嘩咪咁客氣丫
我之前喺前公司經常俾人話大意, 唔細心, 年尾appraisal都俾上司講, 又話升唔到職都因為咁, 講到懷疑人生, 究竟咩係細心?
最後, 嚟咗個新人, 佢個情況同我差唔多, 我就開始明咩叫唔細心, 其實係做嘢諗多一兩步, 瞻前顧後多D…etc,我同佢互相提點吓, 又幫大家補吓位, 勁合拍, 依家仲係勁fd
1個讚
我由細到大都係唔細心既人，老師家人都係咁comment，仲好鬼“哩啡”，d野好隨心隨意，又唔理周邊發生既事。
到大個出黎做野就開始成日甩漏瀨野，以前d舊老闆好多都話我做野無心裝在／組織力弱，但其實我係有比心機但硬係唔知點解會咁。
其中一個比較好心既老闆叫我乜都要寫低，唔好靠個腦記，記唔到咁多野，試下幫助自己。
細心我覺得有大部分天生性格，我地唔細心既好多時係專注力弱／諗野唔深入／性格比較簡單。後天訓練唔係唔得，成年人就難d，進度會慢，始終我地面對好多壓力，會影響結果
反而小朋友階段訓練就容易好多
1個讚
我細個到剛出嚟做嘢，都係唔細心求求其，但個人好勝心比較大，俾人話過幾次就唔想再俾人話，之後就盡量細心，之後習慣咗後做任何事都細心，同埋留意到好多人留意唔到嘅嘢，觀察亦細心入微好多，連認住見過一面嘅人都快入腦。之後自己做任何事都較吹毛求疵，某啲人都唔會頂得順。自己見到人地做嘢求其，亦都睇唔順眼。
但出嚟搵食或創業，細心總好過求其。個人多年工作經驗，對過好多唔同國家嘅人，最頂唔順就係某國人，把口就話細心，對產品服務自我要求高，其實要求標準根本都唔入流。亞洲日本及新加坡叫做高，台灣模仿日本模式，但都比唔上香港，但當然比某國已經好好多。
自己做嘢會盡量先諗、對方所處位置及感受，比較識得照顧人、及家人，尤其老人家。
依家人大咗，如果唔涉及利益，只係生活上交際，我就會放鬆細心度，好多嘢得過且過，大家開心就算，唔好令大家太繃緊 ! 但工作上就大致不變，否則一放鬆就會有利益損失。
有d難度… 由細到大冇細心過gg
我相信係可以訓練到，但好難
細心背後意義係留意埋微細事項。
如果係一啲重複動作同某一類sense，係可以後天train的。
例如湊仔，換片時有冇留意埋Bb patpat 皮膚狀況、便便狀況、Bb反應、抹嘅程序、包得靚唔靚⋯⋯呢啲，如果你比個新手爸爸做，一定乜都唔識，換完就算，包到下轉漏哂屎尿，媽媽一定會鬧個老公「乜你咁唔細心架！」
但其實如果每個程序都有番個SOP (step of processes)，好清晰咁話比你個男人知要留意咩，下次佢就可以「細心」比你睇。
而有啲人係天生就有能力寫呢個SOP，咁就係天生細心。
1個讚
我覺得後天train出來嘅細心, 點都唔及天生細心,
我係天生多甩漏嘅人, 我嗰行要好細心, 無錯我係被訓練出細心,
但睇返我班junior, 甚至係fresh grad, 都明顯分到邊D係天生, 自問有時佢地比我更細心
2個讚
天生細心各方面都會好好多
睇返自己同屋企人，覺得先天最少佔70%，後天就睇你自己啦！
先天多
我由細到大都好大意
功課考試成日漏野
成日諗住A就會錯B……
大左都係咁
工作上做多d crosscheck
預多d時間比自己、因為一催我一緊張又會錯
一有野disturb我又錯
我見公司班fresh grad就算能力差唔多, 但細心真係事半功倍,
天生唔夠細心嗰幾個就算抄晒notes, 都仲係會有甩漏, 又或者佢地要用更多時間去執自己嘅甩漏,
近排佢地開始轉工, 多甩漏嗰兩個一個轉左去細公司, 另一個轉行,
而天生細心嗰個人工加得唔錯, 部門主管好滿意佢, 暫時唔似會走, 但就算要走亦應該唔憂做,
我唔知呢D算唔算性格決定命運
所以細心係好緊要