我朋友有濕疹。（即你面已經見到果啲）他好像第1針都好像感冒咁。
1個讚
我都有敏感
而家調理身體先，做定兩手準備
我打咗
一來我覺得疫苗有潛在副作用但中咗武肺都可能有，例如好返嘅過多幾年可能肺功能退化，行路都氣喘
二來我有台灣同事，之前大爆發嘅時候有個同事同我講都係慶幸我打咗疫苗，當時無疫苗想打都無得打，呢種恐懼其實好大
既然依家仲係德國製造，我信德國疫苗無中國製病毒咁危險
當然其實打完疫苗之後一兩日副作用都好大，大家唔好覺得因為無副作用所以就去打
3個讚
全世界都谷針、趁有得揀打左先
我地就係存在響呢個兩難
2個讚
唔明點解你會驚中武肺，香港人經歷已經話俾大家知，勤洗手戴口罩，已經係足夠保護
而家周圍都用行政手段迫針，先係最令人憂慮
2個讚
其實條街都有好多人唔戴口罩，或者唔戴好口罩，例如唔蓋住個鼻
舉個例，我成日經過上環永安百貨對面，個報紙檔呀叔每一日都唔戴口罩，如果我攞住食物嘅話應該會兜路行
同埋我覺得久守必失，台灣就係好例子
又舉個例，如果出街食飯，廚師中咗招，大部份廚師開工果陣其實都唔戴口罩，呢個情況下我自己戴口罩唔會保護到自己，除非我永遠唔出街食飯
至於行政手段，政治原因等等，我覺得肯定有（例如科興已經係），但睇吓其他西方國家，民選政府都咁做，我覺得係有原因嘅，我心目中嘅原因係肯定有人唔適合打疫苗（例如老人家），要做到群體免疫，咁唯有我呢啲後生嘅打疫苗幫手，保護返佢地
4個讚
我只能夠表示理解，但唔認同，尊重你個人意見
5個讚
唔好講到咁大仁大義, 自欺欺人, 接種率達80%的以色列爆緊啦, 咩鬼久守必失純搵笨, 咁打疫苗都係必失啦, 根據cdc數據同以色列情況, 證明疫苗係防唔到傳播
4個讚
第一，台灣的而且確係久守必失，而且亦一路採購同研發緊疫苗，唔明點解你要否認呢個事實
其次 biontech 的確可以減少重症病人，唔嚴重嘅自己留喺屋企隔離，起碼唔使佔用呼吸機同床位先，醫療系統唔會咁易爆煲
我唔認同「打完疫苗就可以唔戴口罩」呢個做法，打完疫苗都大爆發通常係呢個情況
1個讚
參考英國情況，打針只係for減重症&死亡率，確診數字仍然唔低，真係當流感去處理
1個讚
係呀, 所以唔好再用群體免疫去呃人, 仲要講到自己好偉大咁, 好令人反感
8個讚
我幾時有講到自己好偉大？一個有公德心嘅人做事就應該用公眾利益行先，何必咁樣人身攻擊？
呢個係公民責任，2019 年起反送中大家付出咁多都係公眾利益行先，唔係講到自己好偉大為由
另外我減少重症病人呢個論點一樣成立
咁不如返返去最初，我開post個問題
堅持唔打針的話，整個社會要點走落去？
問題係打針唔代表整個社會就可以走落去？自己睇數據自行判斷, 打唔打真係自己思考, 個人行為, 但話自己打疫苗係保護他人, 我真係覺得好反感
11個讚
你講其他既原因我都明白，不過同樣地覺得呢段會令人反感。因為咁講好似影射左唔打針既人冇公民責任咁，但數據反影左群體免疫效果極低，英國打左近9成針依然每日幾萬確診，仲未講極大可能變種。
我覺得打針原因好個人，就係防重症，只要人對奶嘢會有重症既恐懼>未來副作用既擔心，咁就值得打。但同保唔保護他人/社會責任完全無關。
12個讚
我唔會一刀切逼人打針，不過我覺得要做好個人衛生，減低自己變重症病人（甚至只係普通中招）機會，打針只係其中一個途徑
舉個極端例子，例如如果有人一個月淨係出一次街，其他時候又 wfh，就算買餸都只係網上買完速遞，咁佢唔打針變重症病人機會甚至會細過我
我覺得除咗實際行動之外，「防疫意識」都重要
1個讚
唔打針都可走落去，呢個世界仲有藥物可醫好呢個病的。
奇怪在冇人記得其他病都係靠「經過安全測試後」既疫苗 + 藥物 + 自身免疫力去對抗病毒。
而家各國政府只著眼叫人打一支「未完成測試」既疫苗，忽略左藥物+ 自身抵抗力。
7個讚
其實係冇哂辦法，只能當流感處理
因為不停變種，傳染力強嘅變種會成為主流
原本疫苗都防到吓，依家又防護力下降
佢啲graph 用死亡數字/感染數字解釋咗武肺同流感嘅差異
3個讚
認同呀
可惜現實係，迫針越嚟越緊
開關=打針 變咗世界“共識” 
2個讚