我停一停諗緊邊個老胡
我仔7歲，我一家從未去過迪士尼（爸爸唔鐘意去主題樂園），偏偏佢好同學有年卡，逢假期就去。佢都成日扭我去迪士尼，咁我叫佢自己讀書賺入場費（我家有閱讀獎勵計劃），佢即收咗皮。
2個讚
其實理由係貴定係爸爸唔去？
如果只因為爸爸唔去會令小朋友對爸爸有唔好嘅印象。其實可以用生日或考試高分嘅理由，達到目標同佢去一次。旅行啲app的飛會平啲。大個仔可以同媽媽一個去。
我覺得啲嘢七歲以上啱玩，太細去真係無乜意義。
1個讚
所以其實小朋友好細個都一樣會有比較既心，雖然話唔好教到仔女眼中只有錢，但係而家呢代物質豐富，人有自己冇真係會唔開心。
1個讚
出街食嘢一定係。
爸爸唔玩機動遊戲，怕熱，我哋去東京都無去廸士尼呀～
我有同仔去其他親子活動，但迪士尼我自己都無興趣，一來貴，二來怕排隊，三來唔太喜歡廸士尼啲公仔～
好彩佢其他同學都唔常去廸士尼，反而一齊去人哋屋企playdates，去踩車嗰啲我一定奉陪
好彩我仔份人樂天，請佢食雪糕就乜都可以忘記
2個讚
我先生都係咁…有次去沙灘，不高興咁收場。我先生都係去過兩次，迪士尼之後我就申請年票自己同小朋友去。海洋公園都係自己帶。迪士尼酒店年年都住兩次，佢基本上只有食同打機。
不過我啲係女仔。去公園（細個嗰陣）、夏天去泳池游水、冬天踩單車可以。我哋無其他家庭同小朋友聚會
所以除了去主題樂園同飲飲食食就好少活動
如果屋企Afford 到，我會同佢哋去，唔止去玩咁簡單，佢哋會記得㗎！久唔久就會攞出嚟大家傾下開心下，畢竟童年只有一次。
1個讚
嘩~阿仔好生性 
我都同意宜家童年生活"物質化"
係因為宜家小朋友好易受朋輩影響或者會有比較
因為細個家境問題
對我黎講
搭飛機去旅行係奢侈既事
從來無人帶過我去搭飛機
出黎做野搵到錢先會開始去旅行。
另外我亦唔覺得一定要去外遊先等於有休息過
但係身邊有子女既同事
都話有買迪士尼年票
以前未肺炎, 都係一年去兩三次旅行既。
好似身邊既小朋友都係用呢個"模式"
有種人有我有既感覺, 無去過反而係異類
1個讚
認同
其實年代唔同左，正如樓上講好多小朋友都坐過飛機，先唔理一年坐幾多次！但同以前年代比（可能出黎做野先同朋友坐過）完全唔同！
家長要平衡，怕小朋友心中自卑（點解人人都有得去我冇？）大家傾計突然講起，小朋友又會點諗？（講大話好定講冇去過可能比人笑）
做父母好難啊
1個讚
係啦~
我果代既中學同學
好多都係住公屋架咋
中學都未搭過飛機真係好閒
但宜家d 小朋友幾歲可能已去過幾次旅行
反而佢地同同學講未搭過飛機可能俾人笑
1個讚
以前未有social media, 窮嘅一堆，富嘅一堆，大家都響唔同嘅世界生活
到而家就知得太多了
4個讚
飛機係普及咗就真嘅
2個讚
講得太好~ 
social media 係令宜家既人多左比較生活上既享樂。
唔知由幾時開始
去旅行係一定要fb 打卡
當佢想買game/laptop時就唔係咁生性
同埋資訊發達咗
以前就叫 “沒有比較沒有傷害”
1個讚
講得好，好認同，最怕啲人自己afford 唔到，就覺得其他人咁做都係奢侈。每個人嘅環境同價值觀都唔同。
好似去開街市嘅人買餸，就覺得去超級市場買餸嘅人奢侈。但食開罐頭嘅，又會覺得去街市買餸嘅奢侈。
我自己日日都搭的士 Uber 返工，因為我覺得平過養車，同埋時間對我來講好重要。不過都有啲唔識趣嘅人覺得我奢侈。但對我嚟講，我多出嚟嘅時間令我搵到更加多嘅錢，唔通又要同人講咩。
我覺得與其覺得人哋奢侈，不如自己盡量開源，改善生活質素。
而相對起我自己，我正正afford 唔起養車， 所以對我自己嚟講就係奢侈。
6個讚
的士係用錢買時間，我自己覺得唔算