呢排放假有時宅响屋企,一家五口,日頭响屋企各據山頭,開足四部冷氣,我覺得好奢侈
2個讚
香港都係咁上下
自己細個冇嘢玩，唔多唔少都係追返自己想要嘅嘢不自知
同時覺得自己比嘅嘢係好正，細路一定要鐘意
1個讚
其實我真係知，不過d 細路多咗選擇，父母又afford 得起，咪去多咗用錢嘅地方。
我唔係話一定要去迪士尼、staycation 先係快樂童年，只係依家香港小朋友嘅童年都係咁過。
3個讚
個個都去迪士尼，自己乜都未見過，難免失望架啦
我地果輩大家都梅dump dump 好地地
2個讚
我心態係，唔係老奉有，但希望佢知呢啲係咩一回事，正如自助餐，一年可能去一二次，佢地其實淨係去食下生果朱古力噴泉，但希望佢地知下食自助餐有咩禮儀，我覺得呢啲生活體驗無得係書學。
當然平野去得更密，科學館，博物館，公園，歷奇都有去
2個讚
都係嘅
我個姨生自己亂按youtube 見到環球片場都話要去，佢只係3歲…
我話我都想去，LOL
1個讚
細個去過一次hi洋公園，已經好心足，唔會成日扭去
大咗都有同friend去一兩次
當去行吓，幾百蚊又唔係好好玩
3個讚
而家物質水平要求高左
其實都好睇性格，對呢d嘢嘅追求
我識到幾十歲都好多追求物質生活
3個讚
其實係屋企陪小朋友玩，小朋友已經會好開心
當然小朋友同大人一樣，越大會越物質
但親子關係好壞，絕對唔住靠物質
4個讚
其實根本係父母自己想去體驗
唔同小朋友去staycation，佢哋根本唔知呢樣嘢嘅存在
小朋友有得玩就會開心，係5星級酒店泳池玩水，或者係d政府場玩，for小朋友根本無分別。係大人覺得有分別
8個讚
不過泳池喺服務、有咩人用等等，又真係有分別嘅。但總唔能夠成日去酒店游，啲酒店好多都要book時間，限一房一晚一次，咁公眾泳池自由度大啲。
我覺得做父母要同細路享樂無可厚非，始終生活壓力大，不過要訓練小朋友唔好以金錢去衡量快樂，呢樣要父母本身唔係咁衡量先得
有乜快樂過父母喺身邊陪住成長？但好多小朋友覺得係必然
4個讚
再次回覆上面咁多位，我唔係想拗父母嘅陪伴定去邊到重要，身為阿媽嘅我緊係明白父母嘅對待點影響個小朋友。
我只係想話依家呢一代嘅小朋友（包括自己嗰個）嘅童年都係比以前使更多錢。去旅行又好去迪士尼好去住酒店食大餐好⋯⋯就好似我哋上一代嘅人成日話我哋幸福年年去旅行，佢哋要等仔女出哂身先有得飛。
一代比一代幸福係無錯、係事實，做父母都想佢哋開心d 幸福d，你陪佢喺屋企睇書、去公園吹泡、去公眾泳池玩水已經好開心，當然我都明，但依家基本上大部分小朋友都係搭過飛機、一年總有機會去主題公園，係小朋友想去又好父母自己想帶佢哋去又好啦，的確係依一代嘅小朋友童年回憶。
7個讚
我純粹覺得：父母自己首先唔好只用錢解決所有問題，咁仔女先唔會覺得錢=快樂
希望大家唔會覺得唔啱聽
3個讚
凍飲加3蚊
2個讚
同小朋友一齊享樂嘅同時要灌輸正確價值觀
14歲仔上星期同朋友去Ocean公園,同行一同學家長比咗3k個仔,最終個仔用2.5k掟哂公仔,仲 call uber返屋企
而我個仔嫌樂園入面D野食貴,乜都冇食只係嘟咗3支野飲,好彩當日我煮咗個好豐富嘅早餐比佢食咗先出去
我都未教育到個仔應洗得洗,但好彩佢唔係敗家仔
3個讚
其實我都唔明，
叫兜古lu肉同叫碟炒菜咁咁少錢。
佢屋企印銀紙㗎
我覺得無必要奢求一個細路don’t take it for granted呢種想法,
況且我覺得正常為人父母伴侶仔女成長, 係最基本最基本天性,
父母陪仔女成長一定係必然, 如果咁都做唔到真係唔好生
(講緊現代父母)