係呀，除非係理性嘅唔適合而分開，咁小朋友就比較難理解，有時大人都未必明，但如果係日日打打鬧鬧家嘈屋閉，真係唔好以為d細路傻，冇人鍾意留喺一個冇愛冇存在感嘅地方，逃避係人嘅天性，趁仲細唔帶佢走教佢正確面對，再大d反叛期仲有排煩
4個讚
而家呢個年代，好多開心嘅單親家庭
你以為小朋友會因為「冇完整家庭」唔開心
但其實冇嘢會失望過發現屋企唔係一個安全嘅地方
好多大個少少就唔願返屋企
個心理陰影真係一世
2個讚
你而家一定係好無助，但唔駛驚唔駛怕醜，搵人幫手。
快D搵社工先，好多機構都有，甚至女女學校都一定有社工，佢地可以俾到更專業既意見你 。
2個讚
為咗個女一定唔可以忍落去, 成世陰影。
建議同娘家講清楚件事, 你同女係受害者, 或者佢地俾到支援你。
搵社工幫手, 你個情況有可能安排臨時住所, 排公屋, 女返暫託班, 你返工, 從頭開始。
1個讚
認同呀、路不轉，就人轉
2個讚
同意呀，細個老豆打人、反枱、用刀劈房門，我大個都諗點解呀媽唔早啲帶我走…
呀媽永遠都係怕無錢養大仔女
但年代唔同啦，而家有好多機構幫忙
唔好忍!
3個讚
大家觀念更新一吓，如一方有不合理行為，單方面離婚不需分居2年，近年好多案例都係用不合理行為嚟申請的。
一段婚姻經已破裂至無可挽救之地步，可以係因為配偶一連串難以容忍的行為或一個極嚴重的行為；
不合理行為包括婚外情、對你和家庭漠不關心、對你或子女施以身體或語言暴力等…
小小分享
2個讚
因為我係新手，有限制回覆，所以我喺度統一回覆大家。
好多謝大家比我既建議，分享，鼓勵，每一個回覆我都有睇，真心多謝大家！因為覺得自己好無助，唔知應該點做好，又唔敢搵親人同朋友傾訴，覺得自己好似無路行咁，而我又無膽行出第一步，好驚連累到個女，比唔到最好既野佢
而我係有諗過申請公屋，但我唔想放棄我隻狗，我當左佢係我親人，而狗仔都好依賴我，我唔想扔低佢喺呢個屋企比佢地照顧，所以我知道公屋條路係無可能，我只可以儲錢去租樓
黎緊我會尋求機構睇下有D咩可以幫到我，睇下會唔會幫我開file記錄低我既檔案，將來有D咩事都會用得著。
真心多謝大家，你地D鼓勵同加油，令我感到好窩心。
7個讚
嫖賭飲吹…不分先後
樓主, 或是趁佢清醒時大家4466講一次, 佢再酗酒你為左個女會離婚搬走, 佢唔聽無改善你有咩事要報警, 因為我擔心你99會同佢夾埋, 同你爭個女撫養權, 99始終會幫自己個仔
1個讚