眼見好多朋友食飯時唔會拎起個碗，成個人爬係抬咁食，我覺得好肉酸。
1個讚
揸得正唔正宗，同有無了黎了去係兩回事喎！
我都係揸筆咁夾，我99都有話過我唔正宗，話我一定要點點點渣先得呀…但佢又證明唔到點解佢嘅方法先係正宗，所以我都係唔理佢。
無飛象過河就得啦！
2個讚
出鏡你見佢d手指一舊咁樣，唔好睇
打曬交叉
揸筷子，都算係香港文化之一
就算自己唔識，都要比小朋友學正宗揸法
（佢學唔學得識係另一回事吖）
1個讚
其實自己唔識，好難教到小朋友揸得岩
1個讚
而家有youtube 自己學下先
1個讚
感覺好 …好礙眼
的確是
係!呢樣好緊要!
我好記得出到嚟做嘢
第一次同啲同事去酒樓飲茶 同事第一句就話我"你唔識得揸筷子"
之後用咗一個星期時間學識揸筷子
我自小都被教導你以上好多野 一樣係無教點揸筷子
但係真心好奇想問:
湯還湯, 飯還飯… 咁點面對湯飯 
D餸唔可以額外加調味料… 咁一D真係會連調味料上嘅餸咁點? 例如: 片皮鴨, 乳鴿, 白切雞 etc (我爸自己都係乜都唔點, 但就唔會唔俾人嘅 
)
講得好呀,D唔識揸筷子嘅人成日話"夾到咪得囉",但見佢哋夾一樣嘢跌3次4次真係好火滾…
2個讚
叫佢用手食啦
以前嗰個年代唔似而家咁成日都出街食飯，以前向街外都無湯飯食架
湯還湯，飯還飯，講嘅係阿媽煲嘅老火湯，好多細路唔鍾意食白飯，就會撈啲湯落飯度，啲飯有味又濕濕哋，就肯食飯
而家諗返都啱嘅，阿媽煲嘅老火湯真係落足料又煲足火喉，但係就攞嚟做配角撈飯食，真係有啲嘥晒阿媽啲心機
仲有啲餸唔可以加調味料，都係講緊屋企煮嗰啲，阿媽煮餸調好晒味，所以唔應該再加調味料，如果攞啲調味料出嚟加，就即係話阿媽煮啲嘢唔好食，我阿爸覺得咁樣係好唔尊重煮嘢食嗰個人。
細個去同學屋企食飯，見到同學仔食飯前會準備枝美極向枱面，我係有少少o咀架，我屋企從來都唔會放調味料向枱面，原來其他人屋企係可以嘅
1個讚
但湯飯好好味，細個會食多d 飯。
其實最後飲多咗湯食多咗飯無咩所謂，好過迫個細路飲多碗湯。
我覺得無乜所謂，個個人屋企食飯規矩都唔一樣
仲有食完飯𢴇碗原來都個個家庭唔一樣
我屋企係一家人「所有人」都食完飯，先可以𢴇碗（我同家姐一齊𢴇），然後先可以離開餐枱
我阿爸話，人哋仲食緊飯就行開好無禮貌，應該係一家人一齊食完先可以離枱
有啲家庭係食完先就可以𢴇自己碗筷入廚房，然後就離枱。我屋企就一定要等所有人食完飯先可以一次過𢴇枱，如果淨係𢴇自己碗筷，就好似催人哋食得慢咁，同埋𢴇咗自己碗筷就走人，意味住淨返向枱面嘅碗碟都唔會幫手𢴇
諗諗吓我屋企真係好多規矩
1個讚
天份嘅嘢
父母學唔識，唔代表仔女學唔識
就係自己唔識，根本唔會要求佢地要揸得好
所以我女揸得最岩係細個用學習筷子果時
點豉油又算唔算呢？
學咗一世有用
我係未食完，我阿媽就開始清場
或者我仲未食完飯，就打算響我個碗加湯…