長期空白期/無業/基層員工/被炒(已經感覺到俾人嫌棄 就算對方冇講到出口都feel到)
咁老人家、學生、細路仔、全職媽媽 又邊一層？
邊個睇唔起邊個？
係你睇唔起自己咋
2個讚
你幾歲？年紀輕就進修，就算年紀大，我識朋友s都係無啦啦先去讀書。做人最緊要有目標。無目標都唔緊要去搵興趣。
冇食物鏈最低層呢回事，人唔係以工作define自己，就算做低層員工又點？努力為生活已經抬得起頭做人
被炒，空白期咪檢討下，休息後再出發囉，如果移民好多人多年工作經驗同學歷都係被當廢紙，但係咪真係代表你廢？冇咁嘅事
呢個世界上只有自己放棄自己，冇其他人會做到
3個讚
啱啊
放負從來都唔係問題 無限放負先會惹批評
嘗試多啲放低成見 聽下其他人意見
你要繼續鑽牛角尖嘅話 無人幫到你架
7個讚
人生嘅目標唔一定喺工作同事業上
嘗試唔好將面對嘅困難無限放大
老土啲講句 辦法總比困難多
跌低咗 要企返起身先會見到更大嘅世界
4個讚
你需要嘅唔係圍爐
係要睇心理醫生
（無惡意的，只係覺得會幫到你）
2個讚
100% 中
記得bk有個差不多的人, loop來loop去都係蠢呢個topic, 如果果個唔係樓主, 樓主可以去搵下, 可能可以搵到個知己圍爐
好有用喎
呢位樓主既標準答案成日都係頭盔我唔係想分化唔好屈我，呢度只準一種聲音同北韓有咩分別。
到有網友提出有營養既回覆又唔見佢引申討論，成日開左個題就由佢爛。
睇都睇到悶
1個讚
每個人都唔容易，但係19年之後，我唔會覺得自己日子艱苦，只會係自己嘅位置做應該做嘅事。
好多黃店主要係餐廳都有請人，一樣未有工返，就算想搵返自己果行，起碼做D part time都好啊，一方面有D收入，一方面亦都係等黃店多D人手，係非常有意義嘅事。
至於你介意係唔係食物鏈底層，視乎你想追求咩。起碼一個普通嘅黃店店員，大家心目中已經比食物鏈高層嘅林太值得尊敬好多
5個讚
依個真
可憐的人必有可恨之處（依句我係baby condom學返黎既）
2個讚
如果樓主有需要搵下醫生傾傾啦。我都知同個抑鬱既人講你睇開d la好廢。自己選擇放棄治療人地又點同到你溝通？
3個讚
你都識講你冇連登ac啦，咁你點知自己喺果邊開post一定會得到你想要嘅回覆呀。我都有睇連登，好多時d人諗住開post圍爐，最後係俾人x到反艇添。
同樓上好多人嘅諗法都一樣，建議去睇睇醫生好d。
2個讚
因為有search開呢類post+當中有唔少人講得中我想表達既野
(雖然有人會x到反艇 但同時有人理解/講野中肯/講中重點 起碼算有唔同聲音+唔似香討/babycondom咁一面倒先)
咁既然係咁，你睇左果d post應該會息懷，唔需要繼續喺呢到睇一d唔岩自己心意嘅野，免得自己愈來愈不忿，又多一個鬱結
我已經睇到一睇內容就知邊個開 post 
我自己幾個forum 都有睇，呢度已經係最中肯，同埋好多人願意打好多字去回覆交流。
如果你真係覺得係度痛苦，去睇返連登啲post啦，上網都係一個發泄途徑，何苦搵個睇完更痛苦嘅地方？
你以為係嗰邊登記到，出到post 就開心？其實你心態唔轉變，到時一樣痛苦
避開負面的行為和想法是人的天性，本能。