好多人好愛香港但被迫離開
好多人當香港係一個賺錢嘅地方，講唔上愛但留係度
走唔走同愛唔愛都無關係
3個讚
其實80% 都土生土長，可能想走又走唔到，響度硬食教唔奇
同返工一樣，好愛份工咩，又唔係
自己在外留過學5年
感受很深
唔想離開香港尼個地方
因為要走嘅唔應該係我地
4個讚
其實可以叫少米線㗎，仲減一蚊tim.
我反而覺得太多餸…同埋都覺得墨丸冇乜特別但貴一蚊…
講起譚仔令我記起有同事話譚仔好平，成日同另一半食。話個另一半好好，唔介意食。但我想講一碗譚仔兩餸最平都要38蚊，叫多杯嘢飲加9蚊。埋單47蚊。
一碗米線嚟講，我真係唔見得有幾平。我寧願去茶記食碟show me your love，或者30蚊兩餸飯，起碼有飯落肚先。
利申: 窮開。注定同家人親身見證香港大陸化，一潭死水
反正食大陸嘢，我就一定只食四川人雲南人重慶人等開嘅米線店，譚仔完全唔係我心目中嘅米線
我好記得走果刻都覺得好唔真實，確實係有種被迫要走嘅感覺，感情上係好唔捨得香港，就算到呢刻都仲係，但係每當睇完新聞，理智又將我拉回現實，香港已經唔係以前嘅香港，亦好難再返番轉頭，有小朋友嘅點都應該走
off topic香港仲有無？記得細個係九龍城食過橋米線，上菜係拎一大碗清湯上面有層油，再即場加米線、配料同蛋落去，而家d米線好似車仔麵咁，唔知邊度食得返
1個讚
呢度既留言，真係睇到眼濕濕，好唏噓。
我都唔明幾時開始譚仔變左香港口味、見到人話移民會掛住同要整黎食好有代溝、我會食只因爲平囉…
係囉，呢隻先係真過橋米線
之前響九龍城廣場有間係咁
見到佢sell本土就煩
我唔知而家90後係食呢d嘢大，去到外國就miss譚仔
1個讚
乜"退化"到咁 ?
我嗰區有啊，冇我寧願唔食
1個讚
有頭髮邊個想做光頭佬。
怕講或唔識英文已經唔係一個問題。
唔通為咗小朋友就算身家得十萬都走? 唔通為咗小朋友，明明冇BNO，冇學歷拎owp去加拿大，冇錢去加拿大讀書拎pr，冇錢投資移民都唔理，游水過去都要走? 要知道香港好多人冇樓(冇得賣樓套現拎一筆資金走)亦唔係專業人士，更加唔好提同另一半意見不合。
我唔係話打沉其他人。不過每次見到有人話"有小朋友嘅點都要走"，其實都幾心up。 好似冇走到嘅父母係罪人，要落地獄。。但其實有苦自己知。
利申: 我好似太敏感。呢段時間真係好壓迫。想走又走唔到，睇到啲新聞嘅同時見到我小朋友天真無邪嘅笑容，就好嬲自己咁廢帶唔到佢走，係就算離婚都帶唔到小朋友走。
11個讚
移民係重大決定，會影響成家人以後生活，唔好比周遭氣氛同人地說話影響，自己睇自己盤數做決定。走定唔走，幾時要走，點樣走，唔好衝動，要諗清諗楚。不過同時要有兩手準備，計劃幾時走係一件事；但中間變數太大，如果發生乜嘢事要提早走呢，咁又係另一件事，要準備到萬一情況有變，你都可以隨時走人。移民真係唔係靠果道氣做決定架，所以唔好比人影響到，亦唔需要因為依家未走到而自責。
6個讚
我都想食返真正既過橋米線
第一次見人叫真係成頭問號、叫雜錦米線就差不多、當然明要睇餸食飯啦、又唔想成日做講古佬
1個讚
我明。但我嘅情況係根本走唔到，係就算同老公離婚都帶唔到小朋友走。
怪自己當年冇好好讀書，冇BNO，要走只能靠老公。因為老公有能力拎owp但佢唔肯。我仲可以點?
唔好咁灰, 天無絕人之路, 個心都如果都係想走點都搵到方法, 但如果覺得香港仲可以安身立命咪留低, 搵錢儲錢增值自己, 將來局勢點講唔埋, 早作安排, 去留肝膽兩崑崙
如果根本冇BNO條路揀，咁就唔洗諗咁多，計劃下響香港最差情況會係點，以此做準備。我身邊有唔同朋友都有唔同情況，有人好有錢但選擇唔走，有人自己走唔到但開始計劃送仔女出去讀書，例如台灣，岩岩公佈果個高中計劃猶如金露，本來要送兩個仔女去澳洲，估計加按層樓都未必夠，依家可以去台灣真係財政壓力大減。
好多時移民決定大部份為仔女，你都可以諗下，一家人齊齊整整係最好，但到最壞情況發生事，係咪有方法送仔女走先？如果咁揀，要點安排？
如果現階段條條路都看似唔通，咁其實唔洗煩，因為你可以專心儲錢，等自己有條件時再揀。
8個讚
岩，個個條件都唔同，但無論點，盡力響自己控制到範圍內去做好計劃就夠，唔好因為眼下條件不許可就放棄思考同計劃。