我覺得係comfort zone 問題
大家眼見到唔順眼嘅事，但有幾大勇氣出走？好睇個人對錢/生活嘅要求，如果要香港嘅生活水平，忍耐力驚人，真係唔願走…
但我無咁強耐力，好不安，所以我要走
所以唔係有咩值得留戀，係有幾頂唔住
11個讚
香港既名牌外國買唔算貴，同埋外國個個都名牌上身，好似我奶奶係外國都用名牌袋。
呢個就係一個問題。全部都係套餐，有辣有唔辣.，睇你點選擇。
其他地方生活質素高但係稅務比較重，所以好多人搬咗去香港。
外國好多時對名牌嘅觀念冇咁重。咁如果你去到紐約咁當然另一個世界。但如果你去三藩市，你驚乜嘢嘢都冇人理你。去到巴黎如果你拎住LV, 調返轉可能會俾人白眼…
我有兩個澳洲朋友，一個五十左右，一個未到三十，佢哋鍾意香港鍾意到發燒，當然都知道而家香港轉差
我都要成日同佢哋傾住，提醒自己香港有幾好
但外國人睇香港當然好，我有外國護照隨時走得，我都會prefer香港啦 
4個讚
Me too 
同埋香港真係好多機會搵錢。
但以前租屋無呢家咁癲。呢家返番黎香港又無地方住要租，都幾難捱。
1個讚
同收入比例呢？我覺得亞洲人好似鐘意名牌多d
1個讚
我都覺得佢地causal d咁，當然高級地方一樣有人拎名牌
有時係自己唔珍惜，我一向愛香港，但有好灰心好睇唔起自己城市嘅時候
每次外國朋友講香港好，我都會珍惜返
又有個日本朋友，有個新加坡街坊(唔熟)話香港人好幸福，我就即刻諗：係喎
以上全部係留守嘅動力，不過同時都知道而家行緊死路一條
2個讚
X2
其實未必係人，係個環境
性格問題，年輕時適應力低，依靠慣⋯⋯中年後推都唔郁。開口埋口羨慕別人或踩別人。
多啲欣賞自己擁有嘅嘢 
1個讚
係啊，不過佢哋珍惜嘅就係而家褪色緊嘅嘢，唉
2個讚
除左家人朋友之外係無！
錢搵得多又點，係個無希望地方生活都唔會開心
2個讚
我擔心自己離開左個痛苦都係跟住自己. 當你在外國見到呢啲新聞, 你會一模一樣地感到痛苦. 唔會因為自己去左外國而唔再痛苦.
我而家係放唔低父母, 但我過多幾年都會走, 我希望圓自己的移民夢.
1個讚
試過係外國好home sick, 當時好desperately 想食媽媽既雲吞，但無廚房可煮。到最後任何Asian food都ok, 食好貴但好fusion ge壽司頂住，周圍搵杯面（要出前一丁個個面款）食住先。
所以如果我移民，一定要識煮d家鄉菜
真實情況係：你去到外國後因為需要融入當地生活，所以會多左留意當地新聞同時事。咁樣反而係會令自己對香港所發生既事冇咁上心，可以當俾自己空間休息同平復下。
5個讚
又可能你講先係真實情況. 就好似我以前唔開心就自己去旅行, 掛住揾路跟行程而忘記左唔開心.