扮工室之cheap人cheap事

[ocelotofun]

家人以前有個同事，唔知做乜鬼一齊食飯但唔即刻找數，要家人畀住先，但佢唔一定係月尾出糧找，佢係無定向突然找，但未必次次找得齊整，會一兩日咁，但家人又覺得唔好意思追數，始終呢個同事低級啲人工少一截。嗰陣未有 whatsapp 嗰啲，家人係寫低簿仔集數。呢個同事有時候都會借啲意攞公司 pantry 啲零食返屋企。

呢個同事二三十年前已經阿伯一名，仔大女大，唔係等錢洗，所以完全理解唔到呢個人嘅思維。

[WKFC]

曾經做過一間公司，老闆年尾為咗穩定軍心等啲人唔好唔信謠言而轉工，同所有同事講 公司發展得好好，今年仲同個客續約嘅時候，加價個percentage 好大，所以今年公司收入都會高咗好多。但係半個月之後嘅Annual dinner, 大獎係$1000 Dinning coupon, 8號獎係 $20 六合彩飛，然後自 High覺得自己買六合彩飛做獎品好聰明，啲同事一定好開心。

幾個月之後嘅加人工season, 就出封公司email話公司生意差，市道唔好，所以咁個個都冇人工加，除非某幾位升職嗰啲。

個個都心諗，你真係當我哋唔記得咗幾個月前你同我哋講公司賺好多，跟住幾十個同事辭職走咗。 (我哋呢行揾工 同加人工都好易)

[Mkka]

有一年去完台灣旅行買咗啲手信。
放係經理房同啲同事講：可以攞嚟食。
即時聽到阿姐a係到講：
佢會有禁好死，唔知有冇落毒添。
你去唔去攞？
阿姐b:我先唔會拎。
我心諗：咁你可以唔拎家嘛。
結果第一日派第二日無曬，
佢哋有無拎就唔知，
其他同事都有講多謝。
本來無諗過要派，
但家姐話要打好人際關係。
我決定派一次。