我都完全冇諗過自己有日要全職湊仔
其實享受嘅、但又好矛盾咁期待有日可以再過返工生活
2個讚
人係咁，無個樣諗個樣
1個讚
夾同唔夾咁大落差
一場賭博嚟
又咁講，夾既話苦中一點甜係大甜，而且多，唔夾既話就唔甜，但如果父母本身又好鍾意小朋友包容性好高耐性好強好樂觀既，就唔覺有問題。
有小朋友細個時候成日會因為一啲唔同育兒方式同老公炒大鑊，
最厲害一星期內三四日都係到嗌緊交。
當時有後悔結婚，
有諗過離開。
但一諗到離婚，個仔好似波比人踢來踢去太可憐。
如果老公再婚後母對佢唔好果啲問題。
就算了，無離開。
點解呢？
same same
籠統d講『自由無價』
壞角度去講『我任性，自我，唔鐘意管束，唔想樣樣野都要同人交代』
2個讚
閃！好想大叫 我都係人地個女！真係想喊
3個讚
係幾大開始會吵到咁？跟功課？
唔係我小朋友1歲之前，
成日嗌，
Bb生日果日因為我幫bb佈置，
剪刀放係桌上，
Bb係床上面，
拍左啲佈置既片，
Send 左去家庭群組。
99睇到話左佢幾句，
話剪刀一定要放喺廚房，
佢果晚就發曬脾氣咁鬧我。
講左啲好難聽說話。
我就走左出街食晚飯。
1個讚
無論發生咩事都好，講呢啲說話都只係傷人，冇必要，亦幫唔到件事。
有，結得太快，每次同老公嗌交都閃一閃，心太累，好想走左去。
好想可以好好享受下家庭樂，享受有小朋友既樂趣，宜家小朋友歲半，真係仲未調適到，咩都可以鬧交，唉。
2個讚
抱抱你
我個仔都係歲半
我成日都有唔知自己點解搞成咁嘅感覺
我好唔鍾意嗌交但偏偏成日有嘢嗌
心好攰
好後悔又好內疚生仔
我自己未走得到出呢個情緒
不過我覺得小朋友大個左會好啲
大家加油
1個讚
係呀，我都係咁，前兩日嘈完，果一刻真係諗住抱埋bb出去冷靜下，之後一直心諗第二日點樣計劃出去冷靜幾日，最後同朋友傾完，都係想咁做，但最後做唔到。
每次嘈交真係心很累，我都唔明點解會變成咁？可以點算好？
大家湊仔方向唔一致，佢成日覺得我太緊張，太保護。
有，有陣時真係好後悔，但望望身邊嘅小朋友就會覺得唔後悔結婚唔會後悔生左佢出黎。
但可惜嘅係，有左小朋友之後真係乜都唔同曬，好想帶住小朋友一走了之。
已經唔會想同佢嘈同嗌交，淨係好想走。
我知道佢都好愛小朋友同我，但係真心忍受唔到佢啲冷暴力
1個讚
你小朋友幾大呀？我自己有朋友分享要8年先無嘈得咁緊要。佢之前都成日嘈到想分開。
有小朋友之後真係磨擦好多好多，真係想知大家係點走過黎既？真係好攰，每次嘈都要忍住將最難聽，或者唔講得既吞返落肚，因為有d野講完返唔到轉頭，或者傷害好大。但係我老公成日出口傷人，有d說話真係太傷我心。哭。。。
點解結婚一個月未夠已經會想走？同之前好大分別？
我完全冇後悔過結婚
同老公同居咗八年先結婚，要嘈嘅交同居開頭已經嘈得七七八八，
本身以為結婚都係簽張紙，但唔知點解簽完張紙我地比以前更sweet。
有咗之後老公對我更溫柔體貼，
生咗BB出嚟 so far見到佢好盡責同好錫個仔嘅一面，
湊仔的確係少咗好多自由，但見住仔仔好可愛又同自己講，
兩母子會咁親密嘅時間其實好短暫，活在當下盡量享受。
3個讚
歲半未夠
我依家已經去到唔想同佢嘈，見佢發晦氣說話就當聽唔到，但個心好難受。最難受嘅係見到佢好惡咁對個仔