冇，可能冇細路
因為我做女嗰陣唔係好幸福，所以好難有呢個感覺
不過而家就算結咗婚我隨時都可以話放假就放假，唔使湊女又唔使理個老公自己走去玩，好似仲開心過以前做女嗰陣⋯⋯
2個讚
本來我都有人幫手湊仔，但突然間起哂我飛腳…我開始覺得人生好絕望…
想變返單身
冇後悔結婚同生小朋友
反而如果冇嫁依個老公成家立室就會好後悔
因為搵到個發生咩事都拍硬檔坐同一條船既teammate感覺好不枉此生
佢近一年發現健康有幾樣小問題要做手術
好驚佢會離開我，但就算佢只陪伴我幾年我都記一世同埋多謝佢比左兩個精靈可愛既女我
做人好多時都好難
但唔代表難就要quit
最緊要覺得值得
同埋我成日掛係咀邊：勿忘初心
11個讚
我係男，我後悔生咗小朋友，未生之前係2人世界，同對方父母唔會成日見，一年最多幾次。
而家生咗小朋友，所有時間差唔多要招呼對方父母，當返到屋企後好似唔係自己屋企咁，日日都會見到佢哋，而且我已有請工人姐姐，佢地都會日日上嚟，鎖匙又要攞。
咁我辛苦買樓成家立室搬出去住做乜。
ps: 我好愛小朋友同老婆㗎。
10個讚
我好明你仲感覺，其實我都好愛我老公同個仔…
無後悔仲嫌結得太遲，因為好想有小朋友
我地兩邊家長都因為我地結婚而開心咗好多
老公就好似世界上嘅另一個我一樣，同步率100%，比起單身時面對問題輕鬆一倍
9個讚
我初頭結婚都係咁嘅感覺
覺得開心嘅上限唔係100，而係200…生完個仔都好開心架，兩公婆初時比2人世界更開心…但隨住問題一個又一個過黎，真係好煩，煩到想令人逃避…（個仔好乖，唔係太關佢事，而係其他家庭問題…）
我明呀
婚後最唔慣係要應酬兩邊屋企(我同老公同原生家庭關係都一般)，去完男家去女家，明明想兩公婆weekend出去食下好西
不過我冇小朋友, 亦唔會生
2個讚
明既！有時我哋有呢啲諗法唔係代表我哋唔愛伴侶唔愛小朋友，但現實要我哋低頭姐！
2個讚
簽紙前一刻已經唔想簽，我懷疑自己有婚前恐懼症
但搞咁大龍鳳，全村親友望住唔簽，兩家長老顏面何存。
婚後又要返工，又要湊小朋友，所有家中鎖碎事，四大長老家中鎖碎事都係我處理，後悔都不能形容，係好想逃跑，等小朋友上中學，我好想過返為自己而活的生活，婚後很攰。
6個讚
可唔可以扮換鎖，趁機兩邊都收返鎖匙？
你哋有工人，工人可以開門比長老，唔使比鎖匙佢哋。
利申：長老都會每日嚟睇孫，但通常喺我哋放工返到屋企前就已經走咗。
1個讚
我覺得唔關結婚事。
以上的勞心勞力跟是否決意改變生活方式有關。
做女可以只顧自己
而當你想改變，如找人同居，找好姊妹分租姑婆屋，生仔…
這一切改變令自己唔可再任性同只顧自己。
5個讚
結婚就唔會覺得後悔嘅～
但真係唔會再想生小朋友lor
唔敢諗
如果有一日香港進入共慘集中型社會。
我會好後悔帶咗個黑暗經驗俾小朋友。
1個讚
我都有依個感覺，好amazing
2個讚
婚姻是一座圍城，城外的人想進去，城裏的人想出來。
——錢鍾書 《圍城》
5個讚
結婚以後的蜜月旅行是次序顛倒的，應該先旅行一個月，一個月舟車僕僕以後，雙方還沒有彼此看破，彼此厭惡，還沒有吵嘴翻臉，還要維持原來的婚約，這種夫婦保證不會離婚。
——錢鍾書 《圍城》
5個讚
唔知應唔應該另開一個topic講…
自從知道有咗，到而家小朋友差唔多1歲，都冇性生活…
我想，但係老公唔想…
佢唔似外遇，感覺似佢係想逃避呢樣嘢…
難免會諗：咁點解要結婚生仔呢…
利申：都係好愛老公同個仔