其實係唔係你兩公婆都無BNO？
如果你兩公婆其中一個嘅父母有BNO，
都嘗試了解一下，可唔可以用 父母 嘅BNO 申請 你兩公婆其中一個嘅 BNO。
有朋友以student visa 過加國，攞到mpf，手上得mpf 嘅錢
佢讀嘅係認可課程，之後會好大機會批 working visa / PR
但暫時唔係100% 攞到PR，見步行步
佢都有BNO，但明知BNO 攞唔到 (or 好難)mpf，所以選擇加國
3個讚
我同你情況差唔多，2公婆，賣晒樓約有300-400萬，不過無小朋友。我地都無bno, 如果唔係都想走
去加拿大讀書
3個讚
如果冇小朋友，反而冇咩所謂
就係有小朋友先會諗
共勉之
好多謝各位落力解答
我地父母都冇bno
加拿大都會研究一吓，粗略睇過除咗投資移民，都要考法文
加拿大你用stream a 行study permit,你老公同仔/女可一齊去，你可做part time weekday 可做20小時，weekend 無限時 , 你仔/女可申請public school, 你老公可申請工作簽證，唔一定投資移民
咩省份都得，你搵agent 比少少錢申請學簽寫study plan 就得
3個讚
可唔可以PM講邊間拎MPF？窮學生想拎MPF移民
以我睇資料了解，加拿大得一個地方要考法文，其他地方唔使
可以行Stream A，即報讀認可學院讀兩年diploma ，畢業後可申請PR，要入藉就5年之中住夠3年。讀diploma要考雅思，如果英文唔pass，都可以讀英文課程，再入讀Diploma。伴侶可申請working permit 去找工作。
你可以了解下自己想讀乜嘢，再找有開課程的學校。
Join 下diy 移居加拿大的fb group，可了解多啲。
5個讚
其實我都唔知邊間，而且d人成日覺得唔係真嘅，所以，自己試啦
你如果有好幾間MPF 有錢，先放埋一齊，辦齊所需文件，試下申請
1個讚
因為好多都地下mode
冇話一定得
潛咗水一排，多謝大家回覆
最近第5波又多了朋友走，今次仲有個best frd。。
望住個女，我真係好想離開去英國，但冇bno咩都做唔到，自然地喊咗出嚟
其他地方暫時唔考慮喇，英文又唔係叻，英國始終有熟人可以有照應
Sorry喺度放負
1個讚
咁都叫無錢
最重要係冇bno
新加坡會唔會諗？小朋友用student visa 讀書，讀私校或者考AEIS 讀公立學校，媽媽陪讀身份申請long term visitor pass，不過爸爸無份。. 一年後媽媽再申請工作簽証，用工作簽証申請PR. 不過PR 批定唔批由政府決定，有人一兩年批，有人十年都唔批，而且男仔要服兵役。
當然如果父母直接揾到新加坡工作就用Employment Pass 申請PR 最直接，不過小朋友如果想讀公立學校就要考AEIS, 自己考入去，否則讀私校或國際，而國際學校有平有貴，最平約九萬港紙一年。
我都知唔多人喜歡去新加坡，不過比你參考下。
1個讚
上面咪好多人叫你去加拿大囉，報個course攞學簽，老公跟著你攞配偶工簽去做野，小朋友又可以免費讀書，再行攞省提名申請pr，其實好多diy谷有人分享，亦好易搞，呢個po已經係舊年，如果你的起心肝搞，今年就來走得啦，使乜係度怨啫，冇bno唔代表冇得移民，移民亦唔一定去英國，你個d所謂熟人有幾熟先，如果只係朋友好難幫你好多，英國咁大大家又未必住同一個市，唔通下下摣車搵佢，亦未必照顧到你啦，移民首先係諗靠自己唔係靠人，你成日怨都冇用，英文唔好咪去學囉，你估去英國就可以唔使識英文咩，有個熟人你就乜唔使理咩
8個讚
要走點講都會走
唔走點講都唔走
1個讚
其實睇咁耐，你似係有BNO過到英國都係搞唔掂。熟人係咪會養你一世？
唔好亂試，一衰咗就再無機會。要試揀間成數最高嘅
其實呢個熟人係親人，我老公最親嘅人，個個都有難念的經，而家都過唔到唔駛擔心照顧唔到自己啦，只係想去英國又有咩問題？
今日收到消息最好朋友去英國，想去英國又有咩問題？
點都好，我非常感謝之前比建議嘅網友