結婚前佢每3日發一次, 我無鬱埋, 每次都會鬧返佢轉頭, 關係勁差。為改善關係, 我由一個同佢EQ差不多嘅人改到依家咁, 就係想感染佢, 的確頭幾年佢有改善, 所以先肯嫁俾佢。點知佢一開公司就打回原型。
不過要多謝佢, 喺佢身上我見到我以前低EQ係幾咁討厭, 所以的起心肝去改, 就算佢唔識珍惜今日嘅我, 我都已經令自己變好咗。
[/quote]
感覺似死症，如果仲有感情既，就再練埋無視佢既發脾氣。。。
不過咁消磨法，幾好感情都唔掂。
明白了
唉…
呢段關係，難聽d講係你老公食住你
你性格+佢性格，依家掉返轉要你去食返佢轉頭，就算人地肯教，你都未必會跟住做
為保自己 —》捱少d鬧，你只係可以忍/無視…
其實你可能找到問題嘅解決方法
但你唔肯做
我地做人要改變自己，先係最難
你變唔到，你老公都係一樣
1個讚
所以你好幸福, 你老公語氣差d 你都剷到佢上天, 根本唔駛改變自己去形合對方
我覺得對付呢種人，最好嘅方法係表現出死心 / 完全冷淡
例如有一日佢態度差喺度發癲，你直接黑面唔出聲放低啲嘢出門口走。如果再過分啲，你直接語氣冷淡咁講一句，我需要尊重，你冷靜完先再講，跟住先走。
唔需要話佢態度差或者喺度話佢邊度唔啱，亦都唔需要逼佢道歉。唔好期望呢啲嘢，因為佢嘅性格就係你越逼佢你越想佢做嘅嘢，佢睇得穿佢就要同你鬥氣。
所以你 poker face 唔好expect太多就算
6個讚
如果我老公同我嘅關係係未結婚前係好似你同你老公咁，我根本唔會同佢結婚，甚至拍緊拖都應該好快分開。
所以… 各有前因莫羨人
我同你嘅分別係我無打老公工，可能你唔再幫老公做嘢，可以減少磨擦
由一個低EQ嘅我, 改到依家咁, 其實已經好辛苦。再要改到完全忍氣吞聲或嗲聲嗲氣, 自問真係"俾我走吧啦"。
佢成日都話自己依家好少發皮4, 可能喺佢心目中, 的確改咗好多, 要佢再發少d, 可能同樣對佢好辛苦。
兩公婆相處，點會唔使改變呀
我都學習緊唔好要求太高
是鬼但就算
你地結婚幾耐，有無小朋友？
其實我強烈建議你去學紫微斗數，大概1.5年左右可以學曬，應該可以令你睇開好多嘢
試過唔講佢態度差, 齋poker face, 佢真係唔知自己衰咩, 仲反嬲我"無端端"黑面, 嬲咗我幾日。
亦試過走, 佢更嬲, 話我郁d 就走咗去。之前試過走咗幾日返娘家。係我返去拎野時同佢講"你明知係自己錯, 但為咗面子, 寧願犧牲依段婚姻都唔氹我返嚟", 佢先肯氹返我。可惜又再loop… 好攰…
咁咪等佢嬲飽佢囉，
同埋你要表現到俾佢更嬲 (其實都唔係要你黑面，而係冇表情咁樣做自己嘅嘢)
你唔需要喺果段期間同佢解釋或者逼佢同你道歉
你可以喺果段時間自己出多啲去行街或者約朋友食飯，去剪頭髮去 gel甲 去 shopping
唔好俾佢覺得你喺度等緊佢氹咁
1個讚
依個可以試下, 感謝!
1個讚
你返咗去娘家幾日，就唔好再返去執嘢啦
返屋企去執嘢，就唔好出聲，執完就走啦
你去到講完之後，就算佢係氹你，佢都係覺得你次次嘈親交佢玩你心情幾日之後氹吓你就得。所以咪次次嗌交佢都唔驚你囉。唔好做個咁易俾人估到嘅女人。
3個讚
的確有網友話過我太易氹…
你係太容易俾人估到…佢知道點樣令到你好唔開心，玩你幾日之後先氹番你你即刻好感動。
所以佢心情唔好就會玩呢啲遊戲。
記住poker face，同埋搵返自己嘅生活興趣同埋朋友，過返啲有自信嘅生活，等佢覺得你唔同咗，唔再係成日圍繞著佢轉，又或者佢對你好唔好就等於你生命嘅全部。
要比佢覺得就算佢對你唔好，其實你都已經唔會再開心唔開心，因為你係出面嘅世界搵到興趣。
5個讚
任何人對自己朋友好過另一半都唔應該結婚
4個讚
我老公無朋友的
咁都唔錯丫，你做你老公朋友咪得囉
無得揀之下唯有咁
我老公之所以係咁，其實係因為覺得其他人唔配做佢朋友，係咪好驚嚇呢⋯⋯
呢個秘密，連佢自己都唔知，但我知
1個讚