真係唔知原來會咁危險!!
2個讚
過咗一陣，姑娘就攞咗杯鉀水俾我飲，佢問我之前有冇飲過？我就答佢未飲過，第一次飲。飲之前姑娘就好認真咁同我講，啲鉀水真係好難飲，叫我一定要一啖過咁飲曬佢。吓！好難飲？有幾難飲呀？係咪要‘快吞轟’先得呢？咁我再問姑娘，飲完會唔會嘔㗎？姑娘話有可能，所以要一口氣一次過飲，一定唔可以分幾啖幾次咁飲。
唉，唔理咁多我就合埋眼123吞咗落去！嘩！啲鉀水真係堅難飲，入口已經即刻想嘔，救命呀！我好想嘔呀！（保錡’快呑轟’無用喎）
飲完啲鉀水都未回魂，病房入邊部電視就夠鐘比姑娘熄左，跟住房燈又熄埋。唉，慢慢長夜有排捱呀！要分散注意力就唯有去打機，打下打下坐下坐下，唔覺唔覺就瞓著咗。點不知，過咗無耐隔離床突然間穿咗水，要即刻推佢去生（佢本來预算朝早8點開刀生，但係阿B等唔切要出世，趕著出嚟啦）
其實住大房，我預咗會好嘈同驚瞓唔到，所以我帶咗耳塞瞓，本來係乜都聽唔到，但係啲姑娘同埋啲推床姐姐幫佢換手術衫同執拾細軟時成日撞到我張床，甚至推開我張床，攪到我成個人突然間醒哂！唉，唔醒由至可，一醒咗就記得想嘔！之後我就瞓唔到啦，眼光光坐天光！
到咗朝早6點幾，所有燈都開哂，我由半夜3點幾比佢哋嘈醒之後，打到手機無哂電，都瞓唔返，好似仲越打越精神，唉！
待續……
4個讚
一開燈，姑娘就走嚟同每位準媽媽量血壓同埋check bb心跳，不過唔知係咪太早，姑娘check咗有心跳聲就去咗隔離床繼續check（乜孖B唔係要聽哂2個心跳先㗎咩？聽到有心跳聲就得㗎喇？好彩隔離床都係孖胎，於是我就八卦，望吓佢係咪又係聽一個心跳聲就算。不過，佢又同隔離床check兩個心跳聲喎）於是我就問姑娘點解我淨係聽一個心跳而隔離床要聽兩個？姑娘開頭都大大聲咁話我：人哋陀孖嘅當然係聽兩個心跳聲啦！跟著我就同姑娘講，我都係陀孖胎喎！之後姑娘就話我：你早唔講？等陳我再過嚟再check多次。（吓？我床頭塊板好似已經寫咗我係孖胎，原來我自己都仲要‘提早掦聲’㗎？咁點解隔離床又唔使早講呀？唉，算吧啦！唯有自己每次都講：我係孖胎呀！）轉個頭另外一位姑娘又攞咗一拃針筒嚟預備抽血，姑娘問我之前又冇落過豆？我話冇喎，點解咁問呀？姑娘話因為都要抽成5、6筒血，如果有粒豆就方便好多。吓？又要抽咁多筒？唉！冇眼睇！抽完血啱啱好就派早餐，反正都瞓唔到，食返個早餐再瞓過。
食完個早餐都係7:30左右，又係時候要眠一眠，瞓左唔夠一個鐘，又到咗醫生巡房。又要起身見醫生。醫生一見到我就問有冇邊度唔舒服？（其實我除左想嘔之外就冇其他唔舒服）個驗血報告顯示個肝酵素仍然係好高…有63！而個鉀就升返上去警界線附近
，雖然個鉀升返上去，不過都要繼續飲鉀水，睇吓聽日會唔會再有改善！（吓醫生！仲要飲吖？咁即係今日唔出得院囉！我幾時先出得院返屋企呀？）你個肝酵素太高啦，你入院前抽血檢驗個肝酵素係89，而正常孕婦個肝酵素應該係個位數字，雖然你今日個肝酵素落返去63，不過都仲係好高。我哋已經將你個case send 咗去內科去跟進，佢哋應該會安排你照肝同其他嘅檢查，所以要等幾耐，同幾時先可以出院我真係答你唔到喇！
待續……
5個讚
媽媽，你真係好厲害！
1個讚
我好多謝你share 你既經驗,我上星期第5次抽卵，全部唔熟, 全部長我慢,去到第6日,得一部送得出去做pgd, 個部重要係異常 2.1pn… 我咁耐以黎除左小產個次,我做咁耐ivf無喊過,今次第 一次爆喊。。我睇完你既經歷,我決定再努力過,起碼唔會令自己後悔先丫。。。by the way, 我都係嚮馬拉做架。
1個讚
你好，多謝你無私的分享。你可否PM 馬來西亞做IVF information 我呀? 謝謝你。
1個讚
我之前都有個2.1嘅胚胎，驗完pgs 都係正常㗎 
醫生話只要pgs正常就可以做移植了，所以我覺得好嘅醫生、診所同個lab係好重要。
你喺邊間做？
我嚮 Alpha 做架 ,你嚮邊間做架?
繼續追⋯⋯
1個讚
我可能仲係新member ，仲未可以喺呢度pm到你，不如你比個email address 我哋聯絡你吖 
Hello , 睇到你最後成功左好鼓舞，我自己係仁安做左兩次，兩次都係day 3雪胎，第一次成功左，但係Week7胎停，第二次就無著床，好唔開心，依家排緊威爾斯。
請問可唔可以比馬來西亞個醫生個資料我
唔該晒
Email : madebyreneesmee
佢唔比我加email 連結
我呢個係gmail，唔好意思，要麻煩你係個名後面加@gmail . com
想請問可以介紹中醫嗎？
而家COVID冇得去外國做IVF, 都唔知要等到幾時 
馬來西亞嘅Update ：嚟緊4月1號開始唔使再隔離亦都唔使再申請medical visa（EAL）可以自由出入境馬來西亞啦！
1/4開始去馬來西亞唔使隔離唔使等啦 
Me 2
我個中醫師係喺天水圍㗎
Email : ihyltwinsbb
佢唔比我加email 連結，之前個回覆被人刪咗
我呢個係outlook，可能要麻煩你喺後面嗰度加@outlook . com
謝謝，請問有醫生嘅中文名嗎？
hello,好羨慕你喺馬來西亞揾到適合嘅醫生🥹🥹🥹
唔知你方唔方便pm我有關資料呢
1個讚
我可能仲係新會員，我pm唔到你
不如DM我吖。
Email : ihyltwinsbb
佢唔比我加email 連結，之前試過被人刪咗
我呢個係outlook，可能要麻煩你喺後面嗰度加@outlook . com