哎呀，尋日見到依個post去左hktvmall睇野，買左但無入code 
依家再見到依個post先記得自己笨左 
我知呀我無買到，但我知佢呢排話蝕做都要頂hktvmall
$200自取都可以減得$50就一定要買哈哈
應該隨機?
有個戶口長期用住都收到，另一個新開用左1次express咋，都收到code
1個讚
我個vip戶口收唔到,老公果個普通戶口收到呀
我都係vip 但收唔到，所以想問下係咩門檻
我買過2次都收到
即刻去睇,但無收到
應該係隨機,上次我都抽得中
寫下財經文先，等大家可以有嘢睇下，懷念
財經。
中資City Super、深紅基一田、深藍恆基嘅千色同UNY，佢地都好難可以贏返HKTV嘅，因為成本唔同。
無大陸人來，justify唔到商場貴租。呢堆地產商炒起香港商場同舖位，壟斷土地，令小店絕跡，依家其實網購對佢地來講係釜底抽薪。外國同大陸一定程度上網購已經令商鋪租金有下行壓力，香港係個唔正常嘅market，因為香港舖位唔係賣嘢比香港人。
唔講顏色，從商人角度來講，Wiki有一種上個世紀香港企業家果種拼搏、不服輸、自力更生嘅精神，而呢D係香港地產壟斷，靠收租已經肥死之後，D地產商一早已經無曬嘅精神。佢地只係想通過權貴交易、囤地收地、侵佔農地等等，維持鞏固壟斷地位。炒地皮好搵過Wiki搞個網購N倍，而且穩陣。Wiki搞左咁多年，前期年年貼錢，仲唔知有無希望，呢D吃力不討好嘅生意，佢地都無興趣搞。
印象中佢自電視牌照不獲發之後搞網購，果幾年貼左大半副身家入去（數據not FC）。作為一個白手起家（誠哥當初都有舅父幫過一D）賺左十億計嘅有錢人來講，孤注一擲需要嘅唔止係少少勇氣。佢貼錢果幾年，其實炒下農地、買下工廈、抽下IPO，先係大部分有錢人會做嘅嘢。
某次港台訪問Wiki，佢話當年搞電視係因為政府通訊局邀請佢搞，結果所有嘢準備好，因為一男子因素拎唔到牌。呢樣好多人都覺得已經係死刑，佢仲要行一條無人睇好嘅死路。香港網購市場大部分人唔睇好，原因好簡單，因為香港方便，落街買嘢容易。如果唔係，當初無論係大陸淘寶、京東、天貓，定係外國Amazon等等，靠補貼搶佔下市場根本唔難，只係一個細得來感覺無咩前途嘅市場，佢地都興趣不大——亦都係點解淘寶連免運費都唔做，由你地自己集運。
呢個係當年香港網購市場背景，而Wiki亦無能力好似阿里巴巴同Amazon咁樣補貼。
佢後來講過，周圍地區零售市場高速發展。香港如果無跟上，網購呢塊遲早都係被納入版圖。呢樣其實係早幾年開始多人買淘寶都可以睇到，如果佢無搞HKTV，可能最終哪怕網上超市我地好唔想用，都被逼買京東同天貓，因為佢地可以平好多，就好似難以戒淘寶。
但係當天貓今年先開始想搞網購果陣，HKTV已經到收成期。天貓呢D年輕人想上位踢走收成期嘅old seafood，邊有咁容易，哪怕佢老豆係馬雲都好。
當初呢條路係Wiki自己行出來嘅，而傳統嘅獅子山精神，本身就係靠自己雙手苦幹殺出一條血路（但係當年誠哥講呢句好難有說服力，因為佢自己果陣都係靠收租），只係自從有地產霸權之後，呢類故仔買少見少。好難得近年可以有一個故仔，有時會同其他地方例如台灣人分享。
1個讚
常用 vip acc + 上個月新開acc ：收到
2個常用長者acc、3個少用 acc (3年內只買過1次)： 收唔到
買左罐奶粉，好抵！
該主題在最後一個回覆創建後7天后自動關閉。不再允許新的回覆。