但政府啲消費券，七月未發放喎。
原來要8月先有，無留意，咁我delete佢先！
佢七月有七折。咁到八月如果可以用政府消費券，去o2o店正價買現金卷，咁咪可以喺佢app到落單同送上門？
有人知道嗎? 點解HKTVMall 7折 7月開始?
你上網搜尋「hktvmall 現金卷」睇吓，詳情我不清楚。
前排見話HKTV遲下四間消費券供應商都會可以用來網購，不過未見detail。
hktv 夥拍I.T 
然後IT個網上平台名叫：EESE
所謂合作只係佢sell服務賺IT錢，個人認為我地唔買呢個EESE就得，等IT比完錢起網站無生意。調轉Nancy同中立人去網上買IT仲要比HKTV抽佣。
本身HKTV上面都有藍店存在，佢嘅角色係取代地產商，which就算唔係深藍，都好難唔親政府。所以先經常有商場逼走黃店，而香港租金占好高成本，好多時候就算幫襯黃店，都被藍地產商吸走一層。
所以藍店係HKTV上面其實等於交租，而之所以有藍店存在，因為Nancy都一樣會係HKTV買嘢，而佢地買藍店比HKTV抽commission，rather than我地平時買黃店都要交租比地產商。
起碼係依家係局勢下，佢作為呢個規模嘅公司，仲有好多深黃小店，同埋可以比三中書店買到更多圖書（唔開名啦，自己search/歡迎PM），算係咁啦。2019年撤回大台廣告之後，至今都無再落過廣告，錢無流去藍圈資助紅媒。相比之下，連誠哥旗下百佳、HGC、豐澤等等都係大台長期廣告商。
至於要唔賺藍圈錢，呢樣真心唔容易（個人認為亦無必要，藍圈錢唔流出來，咪永遠留係藍圈？），或者一D小店可以做到。
咁HKTV都肯定唔係傳統黃店（阿布泰/光時/三十士多⋯⋯），呢個都毋庸置疑嘅，佢只係係一堆唔中立嘅地產商裡面，比較中立。對於小店來講，佢比起好多商場容易生存好多，因為同樣面向全港消費者。而大部分商場只有連鎖店先生存到。如果因為佢賺一單IT錢，哪怕仲有好多黃店開係上面，就歸咎於此，咁樣只係當初龍門/膳心等等鬥黃事件（雖然佢唔算黃）。
經常會同周圍人講，行有不得反求諸己，感覺上黃圈好多時容易覺得其他人做得唔夠（which maybe true），但我一直以來都希望由自己做起，見到其他人幫襯藍店，嘗試努力讓佢地改變。就好似如果藍店都無消費者，HKTV上面嘅藍店都唔會開到落去。
不過幫襯與否都係個人決定，無論「夠唔夠黃」或者「好唔好食」都一樣，只係覺得賺IT錢未至於跌到「罷藍」。
8個讚
宜家連係街市買餸都do到8達通，早、午幫襯茶餐廳大快活又do到，應該好快洗晒。
提提大家tag n go 實體卡用唔到消費券
4個讚
咁係咪就咁用電話app好似apple pay咁就得?
係呀，我打過去問
只係匆然覺得佢又 IT，又 wechat、又支付寶，感覺上藍好多 
都係想賺到盡。我一路都用hktvmall,都心郁郁全部洗晒喺上面，但又想儲埋一次過年尾book酒店過年。
1個讚
咁佢從來都唔係阿布泰之類嘅黃店，佢亦無意亦唔會敢表態做黃店。
如果話WeChat Pay、支付寶，佢其實係呢堆大型超市裡面，已經係最尾一間用，而且今次點解要用都帶著被逼成分。
CitySuper、Aeon、惠康、759、日本城、Sogo、Muji、價真棧、大生，呢堆一早就用緊WeChat Pay，上面呢堆基本上Alipay都有（無逐間check），再加上百佳（誠哥無用WeChat Pay，因為Alipay佢有份投資）
所以比較起上來，反而覺得HKTV已經係大型超市百貨裡面，少數留到依家先用。而且呢兩個錢包，對佢來講比其他超市更加有用，因為HKTV門市全部唔收現金，只收八達通同信用卡。咁樣嘅誘因，係2016年來都係依家先收Alipay同WeChat Pay（而且唔係一開始有消費券就出來講，反而好多人係FB留言叫佢收先）
鍾意與否都唔緊要，每個人都會有比較鍾意嘅商店嘅。希望係依家嘅時勢下，相互體諒啦，因為做咩都唔容易。比你睇下佢呢兩日外賣速遞嘅海報，會唔會覺得黃返少少：
茶星人、神石燒、光榮、Bulldog、別天神、Milksha為黃，Coffee Academic為藍，牛角、溫野菜為綠，其餘無顏色。
3個讚
外賣速遞反而我無睇，我區應該係荒島黎，乜都唔送 
呢個係全港嘅海報來，不過佢無花咁多錢周圍賣外賣廣告嘖。
起碼係HKTV仲可以見到介紹元朗嘅圖書，唔覺得可以係同樣規模嘅百貨超市見到。
只係希望自己人唔好因為D小事覺得失望嘖，我地已經無左好多野，要珍惜剩返哪怕做過少少嘅人。
4個讚
Up吓先，依家海外嘅朋友應該用得著
該主題在最後一個回覆創建後7天后自動關閉。不再允許新的回覆。