我女學校考試都難架,所以唔好只睇分數
我細個都係咁!嗰個年代唔興乜讀寫障礙,諗返係我個腦未開竅!或者教佢答題技巧同記乜
ps由小一尾幾考到小5,6 頭3!
2個讚
好視乎你幼稚園邊度，小一個range實在相差太遠，唔需要灰心，盡力就好，有需要就搵補習睇睇，仲有同學校老師合作傾傾咩問題
我細仔嗰時去博思會評估咗先(英文)，再上住堂，再繼續排政府，因為可以check埋有無其他問題(e.g. 專注力，大小肌肉，等等）有報告就copy俾小學, 小二開始有調適，功課輔導等，教育心理學家定時評估跟進
我覺得最難係：
1、初初要默書時，阿仔真係一溫書就喊，我都覺得佢好慘，試咗好多方法，但無一樣佢記得住, 極痛苦
2、學校嘅讀障支援得中文，英文讀障要出面，平嘅好早已full, 剩返貴嘅或者唔就腳，上咗幾年，係好咗少少，但成效不大
咁你又真係好勁，拍得住“巴基之星”…
2個讚
係腦開竅咋 
講真,我都蠢嗰堆!小時了了,大未必佳!我都覺細個叻唔代表大個掂!但好現實,香港讀書就係睇考試成績~
全部唔合格,我覺係唔慣懶事,真係腦未開竅同埋唔識答題技巧多 d
我分享吓自己經驗。 我女今年9月升中了。 回想佢1年級剛入學初期 ， 班主任同我講我個小朋友應該係ADHD, 所以叫我去check, 因為我女係2歲時係確定言語障礙，所以健康院寫紙俾我去排政府嘅兒童發展治療中心check言語治療。正因為有record係中心， 所以當班主任同我咁講時， 我即刻打去中心要求幫我女做評估（ADHD only）, 好快地做了評估及出了report俾我， 到1年級下學期，學校又話我女成績跟唔到， 又懷疑小朋友係學障，又叫我返去中心check, 嗰時排咗3個月，係6月中做了2次評估， confirm我女學障屬於 擲界，但不是最嚴重，之後我攞了呢2份report俾小學（ADHD & 學障）， 學校好好， 在上2年級時，安排了學習支援小組俾有學障嘅小朋友，而且學校有教育心理學家見家長及小朋友， 睇吓有咩資源可以幫到小朋友。
教育局有指引給學校。 平日的功課， 學校要作出相對調整， 如抄字，正常小朋友要抄5次， 我女抄3次， 如果小朋友都 抗拒 ， 可再跟老師反映再抄少啲， 默書範圍也要作出調整， 如正常小朋友默詞語10個， 學障小朋友可以少默2~3個詞語， 而默課文也需作出調整。 在考試安排，ADHA學生可在考試中途由老師帶小朋友行開5分鐘， 等小朋友可以活動一下，但考試時間沒有延長。 學障的調適是 1/加長考試時間 2/試卷print印為A3 size (文字加大) 3/老師可讀字 （不包括閱讀理解題目） 4/可以要求2張書枱 。就如我女有2個問題， 但就只可選擇其一 ， 所以我選了學障的調適。
如果學校有資源，可以安排到小班教學就最好啦！ 我女係升3年級時，學校就安排小班教學給成績追唔上嘅小朋友。
但最緊要係家長的心態， 唔好同正常小朋友比較成績， 我自己係睇佢有無努力做功課，溫書， 考試做晒全份卷， 唔合格都唔緊要， 而不是鬥成績， 所以如果家長可以經常鼓勵小朋友有的是努力及進步， 唔care成績， 小朋友自信心自然會增強。 又再講，我比較著重小朋友嘅品德， 幸好我女派到一間有愛心又體諒呢類小朋友嘅宗教學校， 培育品德比鬥成績梗為重要。
ps. 有些非牟利機構， 如小童群益會， 協康會， 會有學障課程，建議可以報名， 而家長可以報讀一些如何學幫助學障兒童學習的課程，從而用不同方式幫助小朋友學習
5個讚
再講多啲， 學障嘅小朋友係會有鏡字出現的（即左右對換）， 如果你嘅小朋友寫字時出現鏡字，多數都係學障而不是懶， 家長最好係做評估前多留意小朋友寫的字，我女到依家都會將b寫成d, B寫成D, F寫成E, 中文好多時也會調轉寫㗎。
我深信”天生我材必有用"， 我只求她有品德有良心就夠了。
3個讚
我都識一個女女係有呢個情況，都係 ADHD，但三年級因為家庭問題，搞到情緒病，成績仲差，尤其英文。佢學術情況應該係留班會好啲，但評估過佢情緒方面唔適合留班。
佢好彩搵到個經驗嘅中文補習同埋有 heart 嘅英文補習（唔好問我～我冇導師 contact），加上學校老師都肯幫手，結果成績有進步，唔合格變合格，肯主動睇下中英文書。聽到都覺得開心。
呢間小學真係好好，值得開名贊佢
或者可以check埋係咪有其他心理問題
同我小朋友一樣
多謝你