我反而覺得係司機駕駛態度問題，今次睇埋cam，白車條線係祇准左轉，但白車竟然係無睇燈嘅情況下直行。
唔熟路更加要留意條路點行。
就算前面架黑車點錯，最大責任一定係白車
學車師父都有講，前面架車睇到乜唔代表你睇到乜
白私家車係睇交通燈唔係前面架車
隔離線的紅車都差D fake 到啦
2個讚
黑色私家車女司機去咗自首
條女司機已經保釋出返尼，係香港拿車殺人仲輕過叫句口號
去外國我會，但冇乜必要我都盡量痴住公共交通工具算
撞車個後果太嚴重，難聽啲講：死到反而好，死唔到係會醫一世 
1個讚
做乘客同司機都控制唔到其他人，所以就話戴安全帶，上面有人話安全帶冇用丫嘛
落車後完全係無理過架小巴係點情況
法律問題：假如最後證實小巴係超速而且司機冇帶安全帶，白車司機有冇機會減刑甚至打甩？
係嘅就真係cls
香港嘅乘客安全意識真係好低，帶BB坐車就咁抱住就得，如果今次㗎小巴上有BB就大鑊啦
喺外國， BB安全座椅好嚴格，而且就算你uber，冇car seat 個司機根本唔會載個bb因為犯法
正常無，
今次意外係白車錯誤而令件事發生，
唔係超速令件事發生。
香港真係要改車禍嘅刑罰，依家太太太低啦！
1個讚
香港有條法例係道路使用者要確保自己駕駛車輛要控制到，而不會引致令其他行人和其他駕駛者受傷或死亡，所以女司機係一定會有刑責。
點解我知因為我曾經過馬路被車撞，對方冇得唔認，唔認只會更麻煩，因為當時有晒証據，我律師有講我知告佢邊條法例。
至於保險方面我唔係從業員不識答。
有時會見到幾歲小朋友唔用car seat, 仲要坐車頭, 撞起上黎個小朋友一定受傷, 都唔明D家長點解唔顧小朋友安全.
手推車係路中間行嗰啲係唔怕死嘅，以前我見過 BMW boot 手推車，個手推車伯伯X 返個司機，話有種就車過來，幾十歲人仲咁辛苦不如一嘢車死我唔使做。
如果幼童唔係車主仔女，又冇理由要車主/父母準備car seat,
但起碼一定唔可以比幼童坐車頭，成人抱住坐車頭/後坐一樣離譜
試過喺星加坡坐uber，有一個司機唔肯載我哋，佢話我哋有小朋友，佢冇小朋友car seat
手推車響正路中心你都叫見到避到，有d 單車/電單車捐窿捐la，真係好難察覺。有時停燈位開車時佢哋會突然攝出嚟，真係未必睇到佢哋
1個讚
睇見留言非常恐怖
鬼叫香港嘅法例3歲就可以唔駛car seat坐副駕位咩, d 家長見唔犯法就無理安唔安全 (甚至有d 人覺得法例話ok 就等於安全…)
其實法例上電單車唔可以喺車之間攝位, 一定要同私家車一樣跟車尾排隊, 但佢哋咁攝法差d 撞, 你缽佢仲俾隻中指你呀
尋日坐803，同一路段方向，小巴司機每停一站都同新上車嘅乘客講：麻煩新上車嘅乘客扣好安全帶！
俾佢講一講，有種無形壓力感，話哂我係長期坐開呢條線嘅人
我估司機自己都有d陰影
回程打的，的士司機到嗰個路口都講咗幾句…