唔識睇就唔好自己嚇自己啦
生離死別邊有有咁易俾你睇到
其實有無可能可以改變, 即係唔同呢一TYPE既男人結婚, 定係一定只可認命
唔好怪呢type男人
係你自己條命
就好似d男人如果娶到「剋夫」老婆，其實唔關個老婆事，而係自己條命水娶唔到「旺夫」嘅女人
調返轉，你老公嘅夫妻宮（顯示到你），都未必係好
大家都係咁高咁大，唔好嫌棄對方啦
1個讚
你自己忍下…
一隻手掌拍唔響
其實邊有夫妻唔會鬧交呀
個個都鬧㗎啦
有d人鬧鬧下就一世
有d人唔鬧交都可以分開
無話邊樣好d
1個讚
重申，命盤要好多嘢一齊睇，尤其睇兩公婆關係
一定係夫妻兩個都一齊睇
網上睇果D解釋都係寫巨門夫妻宮, 加D咩咩煞星就主分離, 刑克, 分居, 離異, 聚少離多, 生離死別咁樣 
所以就想問, 有無可能唔認命
可以唔認命㗎
但你離婚就係應咗個命盤
忍落去先係唔認命
有d人會越嫁越好，但未必係你
講開呢樣, 我都有睇過老公個夫妻宮, 網上check d解釋好似幾好咁…
佢係太陰廟, 仲有文曲, 化權
你擺明係妻奪夫權啦
佢矛盾㗎，尊重你但又唔想樣樣比妳話事
佢認命
以後唔再逆你意就會好d （即係佢做小男人）佢娶唔到小鳥依人type㗎
係咁解既咩? 點解會係咁 
但我老公成日好惡鬧我同發脾氣
唔知你點排命盤
我照一個宮咁up
要準d點無可能只睇你up嗰幾樣
發你脾氣應該有原因，可能係你好煩？ or覺得你唔尊重佢？
除非佢係精神有問題，否則發脾氣一定係大家有d原因
或者咁講
佢好命娶到你
你唔好彩嫁比佢⋯⋯
但你就算再嫁都未會好
如果你真係好信命盤，就正正經經去比人去批命，唔好自己估下估下，你咁多問題，等人地比下大方向你都好呀
PS我無推介無介紹，不用PM我
佢個人不嬲都脾氣差, 少少野就觸動到佢
正正經經搵人批, 都唔知搵邊個好, 又唔知搵果個係咪真係有料
其實可以用太歲入卦法睇
即係用對方天干放入命主嘅盤睇
你會唔會幫佢睇下？
No
其實你都好犀利, 大部份都講得好準, 中左我心入面諗既野
你係跟人學過? 你介唔介意我比八字你幫我睇睇, 如果唔得都唔緊要, 謝謝你
唔啦
睇人命盤好大責任
我地討論dd就算啦
我無跟人學過，好多嘢都係自學，夠了解自己同身邊人就夠用
可能比較有慧根，我買樓都係睇自己睇風水，so far買過兩次樓，都算ok自己睇慳唔少
自學好勁 
, 我之前都有去睇下D紫微斗數既書, 真係好複雜