Hello，你依家係懷孕中？蕁麻疹比較尷，因為本質上佢都屬於係過敏反應，如果真係發作時可以食敏感藥控制，supplement就基本冇邊啲係好有實證可以處理到，最多係洋蔥素呢類「天然嘅抗敏藥」，但如果你懷孕我都唔會recommend你試（真係有需要用藥好過 
）
另外就係好似你咁keep住補搽潤膚、盡量唔好挍（痕就搽cream、食藥、冷敷下）、同埋留意下會唔會有邊啲possible致敏原（例如會唔會食咗啲咩之後會特別易發），反而更加重要
我33歲，已備孕2年多都未有消息，本身有多囊但月經算準時，老公畸形率不達標(吃過富精多都無法改善)。最近的起心肝到廣華做ivf, 已有4粒囊胚, 準備放胎。請問我宜家應該繼續食fertilaid, 還是襯放胎前改食elevit (因bingo咗都應該要轉食elevit)?
Hello，Fertilaid入邊嘅成分（例如vitex）主要係幫助調節經期規律同荷爾蒙balance，所以如果放胎階段已經可以用elevit 
你好呀，想問下我一直有食開洋蔥素(quercetin) 同綠茶素，想問確認懷孕之後可唔可以繼續吃？是否對bb出世後免疫都會好d? 另外我而家都有食緊低劑量類固醇同阿士匹靈，謝謝
洋蔥素同綠茶素對孕婦就係屬於「暫時未見到有咩副作用，但係同時安全性數據又唔多」嘅成分，變相就係媽媽自己做咗白老鼠嘅感覺，所以我都唔係咁建議懷孕期間食呢兩種supplements 
依家懷孕8w,7w既時候先知道有左，之前有一個星期食2-3日400mcg gnc 既葉酸同維他命d3, 請問我依家應該食咩supplement?有無牌子推介？應該分開買定買綜合維他命好啊？
Ps. 子宮有一粒肌瘤
Hi victor, 唔好意思，想再問清楚少少，依家8w, 諗住開始食：
Elevit 1號粉紅色+攝達鈣+D(一日2粒，使唔使分早午食？）+materna DHA藻油
- Elevit 已經有維他命D, 咁加埋攝達鈣會唔會太多？定係淨係買鈣？
- Materna DHA 藻油依家要開始食定之後先食？
- 以上supplement 係咪已經夠啦？
- Ps. 有一粒4cm肌瘤係子宮，食左/唔食會唔會有咩影響？
Thanks!!!
你依家呢幾隻ok啊！最緊要你本身未懷孕前有食開葉酸，打好咗個底，Elevit繼續提供足夠葉酸+碘，另外加埋攝達鈣+D每日2粒都係大概600IU維他命D同around 700-800mg鈣，又唔會話太多（不過攝達鈣就每日分2次食會好啲，因為佢一粒係三百幾毫克，而我哋身體每次只可以吸收500毫克左右嘅鈣，如果一次過食會吸收唔曬），至於DHA就反而冇好似葉酸咁有官方建議指示要幾時開始食同食幾多，就算依家開始食都冇問題 
子宮肌瘤同呢幾隻保健品冇特別相沖，通常只係啲同荷爾蒙相關嘅藥或者保健品先有機會影響到肌瘤
你好victor
本人IVF中，剛抽卵，中心要我等2次月經週期後才安排植入。其實我抽卵後完全沒有不適,有點不明白為什麼要等兩個周期, 正因為兩個周期後有機會遇上公眾假期，所以想請問如果
1.使用荷爾蒙藥（eg microgynon/provera)去控制下一次月經的時間會否對植入有影響？例如令內膜變薄/影響著床
2.本身pcos,現階段有食vit d 2000iu, vit e 400iu, omega 3 1000mg, swanson bioactive folate 680mcg DEF (依個form嘅folate ok嗎)，+/- 有時食materna，GI natural probiotic woman, 有無其他建議我補充？主要擔心內膜偏薄
3.L-arginine 已買，建議dosage多少？應該植入前多久開始食及該食到植入前多久要停？minimum dose 3g足夠嗎？(藥丸size大，勁難吞每次食都嘔
)
感謝你
唔該晒victor! 我買左elevit來試，但食完覺得有d唔舒服(喉嚨頂住想嘔咁)，依家就來14週，請問想轉materna 綜合維他命+DHA果隻適唔適合啊？咁我仲使唔使加攝達鈣+D啊？感謝！
唔好意思，想問埋鈣思健呢個牌子好唔好？攝達鈣好多時得孖裝，另外，如果懷孕中可唔可以食純蔓越莓supplement？因為有時會有念珠菌/尿道炎，
最後想問埋其實醫院開既supplement 同自己買有咩分別啊？諗緊要唔要醫院開既supplement 好？咁多問題，唔好意思
Ella你好，抽完卵之後要等係因為抽卵前用嘅藥（如有）通常會影響本身荷爾蒙水平，等返2個cycle係想令荷爾蒙水平回復返正常，增加成功率
而根據返最近2025年嘅統合分析，荷爾蒙藥本身唔會對植入成功率造成顯著影響，唔洗擔心；至於supplements，如果有食materna其實又唔洗額外加葉酸（理論上materna有嘅營養全面啲），L-arginine每日3g足夠，可以植入日提前around一個月開始食20日，幫助身體準備好，另外可以考慮加埋每日3mg嘅褪黑素melatonin（佢作為一個抗氧化劑，近年有研究顯示佢對PCOS準媽媽嚟講幫助提升懷孕成功率效果更好，通常臨瞓食因為食完會瞓覺），keep住食到植入之後14日
可以試下，Materna維他命DHA二合一個隻本身冇鈣，所以加埋攝達鈣+D一齊用好啲，但始終佢都有鐵，所以如果真係咁都仲係唔舒服，就可能要分開買齋葉酸+DHA咁樣食
懷孕通常原則都係盡可能唔食非必要嘅嘢，但如果真係尿道炎得頻密，都可以考慮加埋，當然飲多啲水都好緊要；鈣思健本身都係大brand，但佢係碳酸鈣，便秘嘅機會會大啲，同埋如果要食就揀500毫克一粒個隻（1000毫克一粒嘅話食完未必吸收得曬）
醫院開同自己買嘅supplements通常冇咩分別，我都係睇入邊成分，例如materna我都見過醫院會開，同出邊買嘅其實都一樣，不過有啲supplement牌子可能分開醫生line同零售line，所以有機會有啲供應比醫生嘅products你出邊買唔到咁解 
唔該晒victor! 預祝你新年快樂，事事順利！
Hi Victor, 呢個問題唔關備孕/懷孕事，我已經生左，但因為湊B搞到彈弓手，下星期要做手術，個骨科醫生話做手術監察麻醉，同埋術後要食抗生素同消炎止痛藥，所以都要停餵人奶起碼兩星期… 我想問下，係唔係冇for餵人奶安全嘅抗生素同消炎止痛藥？我已經有問同提出過可否開哺乳期適用嘅藥，但診所都係話醫生將會開畀我嘅藥，跟指引係冇足夠數據證明哺乳期安全，都係叫我要停餵人奶…
Leila你好，哺乳期可唔可以食一隻藥最簡單可以分做兩個層面去睇：
- 藥物會分泌幾多喺母乳到？
- 藥物本身對嬰兒有冇危害／佢食唔食到？
抗生素我就唔特別comment，因為療效上每隻抗生素可以針對嘅菌種唔一樣，未必可以直接用一隻取代另一隻，呢個要睇返醫生專業選擇
而消炎止痛藥以最常見ibuprofen布洛芬為例，佢分泌係母乳嘅分量唔算高（有個叫relative infant dose嘅指標，如果超過10%就比較大concern，而布洛芬係0.06%-0.6%）；而第二點好多小朋友發燒時，本身醫生都會開ibuprofen作為退燒藥（即係本身小朋友都食得），所以呢款喂母乳一般就唔大concern（除非小朋友對隻藥敏感就另計 
）
祝中秋快樂！
Victor謝謝你咁快回覆，的確之前我病睇醫生都有開ibuprofen，我都有問過手術醫生，佢話佢將會開畀我隻抗生素係針對皮膚表面傷口，而嗰隻藥係唔可以餵人奶… 咁我諗都冇辦法喇… 因為我都唔知有冇一隻同功效嘅抗生素而又係哺乳安全…
中秋節快樂！
Victor 好耐無見你上黎, 祝你中秋節假期快樂