幫到大家就好，加油啊！ 
你好，我上網睇資料見備孕要有足夠維他命d。不過因為疫情wfh 好少出街，所以我估我要補充維他命d。
請問要補充幾多先合適？
孕婦每日建議攝取600IU維他命D（IU係維他命D嘅單位，1微克=40IU），而上限每日係可以食到4000IU。
所以如果平時冇乜出去曬太陽，其實食supplement每日補充返400-600IU嘅維他命D都已經足夠（但要留意返本身食開嘅孕婦營養品係咪已經有維他命D，有時淨係食某啲產品都已經足夠）
1個讚
謝謝你！
一直見到依個post 都好想講，你真係好有心。
2個讚
多謝你嘅讚賞！
卵磷脂本身都係一啲不飽和脂肪酸，效果係令奶水變得冇咁「杰」，更加容易通過奶管出黎。
佢其中一個副作用係肚痾，因為始終痾得犀利其實都會影響身體入邊嘅電解質水平，所以係唔太理想，如果出現咁嘅情況，我會建議你試下改做每日淨係食一粒（或者將兩粒分開上下晝食，如果你依家唔係咁做嘅話），睇下仲會唔會痾。
喂人奶時要每日食四粒1200mg應該係加拿大餵哺母乳協會嘅建議，本身其實只係脂肪酸黎，所以唔需要擔心食太多。
好多謝你呀～
如果食黃色細細粒嗰隻好眼訓咁係咪都冇其他藥啱喇？
唔該晒你呀
♂
我宜家真係一次食兩粒，等我試下分開食會唔會好啲先。
我又唔算痾得犀利，每日都係痾得一次，只係果次一定係痾爛屎咁解
我醫生都建議我備孕個時食800
1個讚
如果唔想食chlorpheniramine（黃色細粒敏感丸通常係指呢隻）會眼瞓嘅話，其實都可以選擇治敏速或者佳力天呢啲唔眼瞓嘅敏感藥
（通常眼瞓個啲敏感藥我哋叫「第一代抗組織胺」，而唔眼瞓個啲叫「第二代抗組織胺」，所以可想而知「第一代」當然歷史悠久啲，亦都多啲data，但generally孕婦用抗組織胺都冇啲咩特別嘅concern）
咁都好啲 
可能只係食完lecithin條腸吸收大便水份慢左，所以變左痾爛屎，記得補充返多啲水份啦 
1個讚
其實400-800微克都係備孕合理劑量，根據返NIH建議，成年每日建議攝取上限係1000微克，所以加埋平時飲食唔超過呢個數都安全
加上如果本身開始備孕時間同計劃懷孕時間好接近（例如少過一個月），確實食高啲劑量快啲打返好個底都好啲
1個讚
之前看過有d article 話, 太多 folic acid 可能同bb 有自閉症有關. 所以都驚800mcg 加埋平時飲食會超標 
冇錯啊，我都有印象好似近年新聞有提起過
Folic acid造成bb自閉通常係指你身體葉酸水平真係好高先會造成，食緊800微克葉酸嘅時候，只要留意返自己唔會食好多動物內臟呢類含豐富葉酸嘅食物，都唔需要太擔心。
（其實我哋一般講嘅葉酸有攝取上限反而係關乎葉酸同癌症風險有關，可以簡單諗下，無論生b同生癌，其實都需要係身體到進行細胞分裂，而葉酸就係幫助細胞分裂嘅燃料，所以葉酸可以幫到懷孕，但同時間都有機會造成癌症風險）
1個讚
非常感謝
等我睇下先
1個讚
我想問吓，我都知茶會有咖啡因，所以一知有bb 就戒咗咖啡，想請問陀bb 可否每天飲少量綠茶？如2 杯？
hihi 睇左你之前d post 關於抗敏藥，你suggest 食1st gen 嘅chlorpheniramine 多D，因為多D 研究。但我之前見度有d articles 話食2nd gen 嘅loratadine 好似好D，同埋美國好似開loratadine more than chlorpheniramine for early pregnancy.
我而家仲係1st trim，但係鼻敏感得好緊要，鼻水倒流搞到咳。睇過呼吸系統專科，佢叫我食chlorpheniramine ，耳鼻喉專科叫我食loratadine，所以想seek 下你藥劑professional advice.
同埋，我對ketorolac trometamol 有敏感，但因為1d 血小板問題醫生打算叫我12W 開始食asprin。呢2隻都係NSAID ，醫生冇話2隻會有咩相衝，但有D擔心會唔會食asprin 都會有敏感。
THANKS!!!
依家建議孕婦每日咖啡因攝取最多200毫克，所以如果真係想飲，每日唔超過1-2杯都ok
如果孕婦要食敏感藥，通常都係建議first gen (chlorpheniramine)或者second gen (cetirizine/loratadine)，呢幾隻so far啲data都係safe嘅，主要分別在於你想唔想要眼瞓，但其實你兩個醫生嘅choice我都覺得make sense，又唔洗太擔心，咁當然唔好兩隻食曬，淨係揀一隻食就最safe
（懷孕揀敏感藥最主要嘅原則就係揀大路嘅antihistamine，多前人試過你再用都基本上唔洗太擔心）
NSAIDs有分selective同non-selective兩類，通常selective嘅cross-sensitivity會再低啲，但ketorolac同aspirin都屬於non-selective，所以只可以答你cross-sensitivity機會都偏低，但就排除唔到cross-sensitivity嘅可能性
不過你之前ketorolac嘅敏感反應大概係點？因為除左會唔會敏感外，敏感得有幾嚴重其實都重要，例如anaphylactic attack，直頭係敏感到呼吸唔到嘅，醫生正常都好少去搏，但如果只係出紅疹嘅話，就反而唔太大concern