我係社區藥劑師,備孕/懷孕問題你問我答

Hello Victor :hugs: 本人今年36, 希望為懷孕做好準備 :baby:t2: 想請教一下有關 supplements 嘅問題呀, Thank you!!

了解完 FH 嘅 supplements, 發現自己好似以下都有需要:

  1. FertilAid: 基本營養+改善經期規律
  2. Ovaboost: 改善卵子質素
  3. FertilCM: 增強子宮內膜 (本身經量好少,經期好短)

請問以上加埋一齊, 每日食足建議分量, 會有營養過量或不足嗎? (例如: 葉酸會否過量或需要額外補充鈣, DHA, DHEA, Vit D等等嗎?)

定直接食 FH Pro 好 D, 如直接食 FH Pro, 需要額外補充其他 supplements 嗎?

見DHEA 好多台灣營養師/中西醫都推薦,但香港好似好少人講,都想問下 Victor 你嘅意見呀, 麻煩哂!!

30週孕婦嚟講係足夠,但600mcg DFE = 353mcg folic acid,雖然啱啱符合NIH嘅孕婦葉酸營養需求,不過低過其他組織建議懷孕初期400微克補充劑葉酸嘅建議,而好多孕婦懷孕前並無服用葉酸嘅習慣,為咗避免懷孕初期體內唔夠葉酸,我會建議首12週嘅孕婦揀返分開嘅版本食會好啲 :+1:

1個讚

Hello Leanne,由於fertilaid、ovaboost同fertilcm三隻都含有grape seed extract,而有啲冇特別標明入邊具體含有grape seed extract,三隻一齊食有機會太多

如果你本身冇其他長期病/婦科疾病/食緊任何藥,可以睇返你本身經期唔算太規律,可以用Fertilaid + ovaboost;如果經期尚算規律,就可以用FH Pro(可以加埋DHEA 25毫克 x 每日3次,DHEA都有改善卵泡質素嘅效果,但如果經期規律麻麻就唔好用住,以免打亂規律)

同埋好重要嘅一點係自己最長試半年,如果半年未有自然成孕就要記得睇醫生,避免錯過黃金年齡,加油! :muscle:

1個讚

Hello Victor ,

之前請教過你的,我想試下Fairhaven Health 我高齡並想備孕第二胎,第一個小朋友已5歲,想問下產品, 咁我想提高卵子質素就想試OvaBoost ,另外我經期準既,但係量少,係咪可以OvaBoost + FertileCM ,
係咪fertilAid 係for 週期唔準既人食? 定係建議3款齊食呢?謝謝你

唔好意思想補充返多啲,我之前係有甲亢但醫生話可以備孕,同埋我宜家tsh 正常返停左藥1年了,咁我想食Fairhaven Health ,我高齡想第二胎,冇婦科病但amh 得1.4 , fsh 5.8,第一個小朋友已5歲,想問下產品, 咁我想提高卵子質素就想試OvaBoost ,另外我經期準既,但係量少,係咪可以OvaBoost +FertileCM ,
係咪fertilAid 係for 週期唔準既人食? 我怕食左fertilAid 反而變成唔準定係都值得食埋呢? 我仲有食緊coenzyme Q10 每日食緊300mg, 同埋一粒GNC B complex 100, 咁我如果食齊以上Fairhaven Health 3款,係咪就唔洗食宜家食緊果啲?
另外如果食埋天喜丸得唔得,隔4小時食?朋友食左佢bingo…

唔好意思victor , 我真係太多問題,謝謝你!謝謝你!

Wing你好!冇錯,ovaboost主要係for卵泡質素,而fertilecm對子宮內膜方面有幫助,你可以OvaBoost + FertileCM一齊用,而ovaboost入邊已經有CoQ10,所以可以停用CoQ10,而B complex你可以繼續使用,不過要留意返呢個組合嘅葉酸量唔高,我會建議你加埋單獨嘅葉酸補充劑一同使用(400微克)

至於天喜丸屬於中成藥,唔係我專業範疇就唔方便評論太多,不過好多中成藥都要睇返個人體質,未必個個啱用呢點要留意,而我個人唔建議一次crossover用太多野:因為擔心呢類supplements本身都有機會對荷爾蒙水平有影響,一齊使用反而有機會打亂平衡;另外就係吸收問題,有時唔同成分係腸道當中會互相影響各自嘅吸收,所以如果你真係想加埋一齊用,我都會建議你最好起碼將服用時間隔返開3-4小時就會安心啲 :muscle: