Hello cooffee，特效必理痛入邊含有咖啡因，如果懷孕期間一般唔建議攝取，所以用返普通panadol會較好，如果真係要用特效，唔建議你每日攝取超過200毫克咖啡因（即最多一日3粒），如果唔係會增加BB輕磅／早產風險
至於胃藥，lansoprazole屬於比較強嘅抑制胃酸藥，不過同時相對比較新，所以會少啲孕婦方面嘅安全性data，建議可以試咗比較傳統嘅omeprazole先，佢同lansoprazole屬於同一類嘅抑制胃酸藥，會勁過famotidine，不過就會比lansoprazole弱少少啦 
你好yc，益生菌方面嘅研究都日新月異，而且亦都因為太多唔同品種，所以個個研究都做唔同嘅品種，變咗每隻益生菌品種嘅研究都唔算太多
不過generally睇落，通常多菌種嘅益生菌配方會較單一菌種對預防濕疹或者過敏體質更加有效，而elevit同proven嘅配方相比，elevit嘅效果較顯著，所以我會揀elevit！
Hello Yhhy，呢個睇落有啲奇怪，通常呢啲test會有2個位顯示直線，一個係control，一個係test，對應返你件產品嘅標示就係「判定」同「確認」，前者一定會有條線，證明產品冇問題同使用方法正確，後者就用黎睇測試結果
而睇你幅相，「判定」個格下面冇顯示直線就比較奇怪，但我唔知係呢隻牌子係咁，定係件產品本身有問題先係咁，我會建議你搵clearblue用晨尿test多次睇下結果係點先，唔洗太擔心
hello victor,
想搭單問～如果我本身食開proven 咁下次轉食elevit 又得唔得呢？
本身見proven話可以防bb過敏又舒緩肚脹先揀佢，如果elevit都做到甚至更好，會想轉會
謝謝。
另外想問，我依加就15wk但胃口仲未返嚟，仲繼續嘔同反胃。BMI得返17點幾… 如果我靠supplements 補維他命，係咪都勉強夠維持bb需要？
thanks!!
可以啊 
你有冇試過維他命B6同止暈手帶？另外就係要記得補充充足水分（唔好一次飲太多，逐啲逐啲黎）同埋可以嘗試少食多餐，supplements會提供足夠嘅維他命同礦物質，不過本身食物中嘅碳水化合物、脂肪、蛋白質都係好重要架！
呢2樣見大家成日講，但都真係冇試過。等我認真物色吓先!!
飲水都真係少咗好多，呢排飲得多返都係得1L左右…所以小便個量都係好少… 抽血都有困難…
謝謝提醒，我試吓飲有味飲品/朱古力奶果啲補充返啲水份先…
Hello Victor
現在懷孕6 weeks，想請教關於supplement的問題。因聽說攝取過量維他命A會引致BB 畸胎，我依家食緊於iherb買的綜合supplement，包括維生素 A（β-胡蘿蔔素，來自胡蘿蔔）750微克，請問這個份量安全嗎? 如果平時每日有食2隻烚蛋，間唔中會食南瓜，再加埋維生素 A的750微克會否超標呢?
另外，想問頭12weeks，如果葉酸吸收過多，例如1020 微克會否有問題? 聽說吸收太多葉酸會增加自閉兒的風險。但我因有睇風濕科醫生 (因有ANA高﹑乾燥症positive )，醫生又叫我食5mg葉酸，佢話唔會有問題，又話過多會排返出黎。
附上現時食緊的MegaFood, Baby & Me 2 母嬰營養片成份，麻煩幫忙看看是否適合，感謝!
Victor，請問如果一星期飲兩至三次可樂或朱古力奶，會唔會有影響？
因為我上胎滿月出世，但醫生話佢好輕，今胎有機會早產，其實關唔關事？
但我本身個人比較細粒，150cm都冇
Hello banana，supplements中嘅維他命A有分preformed vitamin A同beta胡蘿蔔素兩種來源，前者主要來自動物內臟，屬於活性維他命A，如果大量服用呢類維他命A就有機會造成畸胎；後者就係大多數supplements（包括你呢隻）嘅種類，食咗落肚之後，我哋身體會視乎體內維他命A水平，身體缺乏先會再將beta胡蘿蔔素轉化成活性維他命A，好似「水塘」咁樣，所以唔洗擔心會超標 
而至於葉酸同樣有分合成葉酸同活性葉酸，平時聽到超過1000微克會增加自閉症風險主要係講緊合成葉酸（而你幅相入邊嘅係5MTHF → 活性葉酸），而且都要留意葉酸嘅單位通常會有2種：1 mcg = 1.7 mcg DFE，而1000mcg = 1700mcg DFE，所以1020mcg DFE並無超出一般嘅建議量
有時醫生會開更高嘅葉酸劑量，例如係for地中海貧血或者食緊某啲免疫抑制藥嘅人士（呢類藥算係風濕科醫生好常會開嘅藥），而呢啲情況有機會抑制咗身體將普通葉酸轉化成活性葉酸嘅能力，或者身體需要更多葉酸嚟造血，所以醫生有時係會視情況處方更高劑量嘅葉酸架！
你呢隻望落佢嘅葉酸量同碘嘅量都可以滿足一般媽媽需要，所以食得過，但要同醫生傾下先，費事同5mg葉酸double dose咗
可樂都有少少影響架，始終入邊都有啲咖啡因，不過你飲嘅量都唔算多
孕婦每日咖啡因上限係200毫克，但其實不論每日攝取幾多，其實都會令BB輕磅嘅風險提升，大約係每100毫克會增加13%輕磅嘅機會，所以懷孕期間都係最好忍忍口先 
謝謝victor
我會盡力忍口
路過搭下咀，難怪我2個b都輕磅！我個時介唔到茶， 日日照飲濃茶（好多杯）
謝謝Victor你咁詳盡既解釋，令我安心好多啊，原來維他命A & 葉酸都有分兩種，比起醫生，你真係解釋清楚好多，謝謝你啊 
明白明白，我會再同醫生傾下先，感謝你，真係幫到好多 
我同先生想生小朋友，未懷孕，但我成日擔心自己照顧唔掂，因為雙職父母，四大長老唔太想幫我、預左請工人。身邊最熟的朋友又唔多生左，我冇咩同小朋友相處的經驗；於是成日好驚自己生到都會搞唔掂。可以點準備懷孕，同處理自己不安的情緒呢？
戒口呢樣野知易行難，都要睇自己決心同知唔知唔戒有咩後果，有時淨係聽人講呢樣唔食得嗰樣唔食得可能都冇乜feel，但如果比醫生嚇下話食完XXX會生畸胎就應該打死都唔夠膽食架啦
唔洗客氣，加油！ 
Hello Hold_on，呢方面始終唔係我expertise，未必可以比到好專業嘅意見比你 
不過醫學角度上嚟講，長期壓力大都會增加成功懷孕嘅難度，加上懷孕期間荷爾蒙變化都一樣會對情緒有影響，所以我覺得如果依家自己覺得有壓力，不妨同先生傾下，如果可以大家一齊請假去轉日本食嘢chill下，比啲時間自己心態上做好準備先
準備懷孕呢樣野，講起可以好複雜，不過你可以諗下，以前就算未有google可以比大家查到咁多相關資訊，絕大多數媽媽都好順利咁生到小朋友出嚟，所以你都一定冇問題！
如果真係講有咩要提前做，除咗啱啱講心態上嘅準備，就係需要提前食定400-800微克葉酸，其他野到你懷孕嗰時有醫生follow住，只要跟足醫生指示同去齊覆診就唔洗太擔心 
作為未生過BB嘅準媽媽，你會覺得緊張係好正常嘅一件事，我諗多數準父母對於迎接新生命，心情都一定會有啲忐忑，不過你要比多啲信心自己、先生同BB，始終你哋骨肉相連，只有你先比到最好嘅野比自己BB 平時如果有咩問題仲可以上嚟呢到同大家傾下抒發下添
你好， victor. 又想請教你
我宜家24weeks, 陪月姨姨，建議我開始食呢款卵磷脂， 想問適合嗎？
如果適合有冇更好的牌子？
我本身食開elevit 2, 惠氏藻油DHA, 同醫生開的 Nutrilite probiotic 同埋 calcium lactate 600mg
同埋想問問，我近排每日都會食大約一飯碗的車厘茄， 突然想起車厘茄含維生素A, 想問問會否過量引起畸胎？
謝謝
Hi cat，呢隻ok啊！車厘茄就唔洗擔心，因為佢主要係beta胡蘿蔔素，唔係活性個隻維他命A 通常維他命A最容易過量嘅食物係動物內臟（豬肝呢類），呢啲懷孕期間就要避免食用啦！
