新移民好鍾意 
如果將果塊地皮攞出嚟賣，政府賺到嘅錢都唔知夠響大東北大西北起幾多條公屋村喇
一等公民要好好照顧佢地 
唉！唔少買私樓嘅人係趁以前樓價平買落嘅，當然有d真係好高收入負擔得起而家貴到痴線嘅私樓。香港呢十幾廿年樓價升幅明顯快過一般打工仔收入嘅升幅，我相信有唔少好耐以前買私樓嘅人嘅收入負擔唔到而家d樓價，就算負擔到都捱得非常辛苦。我覺得住公屋嘅人有唔少係冇趁平買樓或者好耐以前賣咗層樓嗰d人，當然有d係喺大陸有幾層樓嘅大陸新移民。
我覺得窮同有錢都唔緊要，最緊要做一個有質素嘅人。
2個讚
我覺得價值就唔可以淨係用「地段」嚟衡量，仲有其他嘅因素。就算公屋同私樓喺同一個地段，唔代表兩者嘅價值一樣。私樓有豪華會所，公屋冇。私樓嘅單位較大，公屋單位較細。私樓一梯三、四伙，公屋一梯十伙以上。所以就算兩者起喺同一個地段都唔代兩者嘅價值一樣。
1個讚
如果政府大規模重推租置公屋計劃，將間買返嚟嘅公屋裝修或許升小小值。
我承認我係住公屋，我聽過公屋影響升值呢個講法。我認為舊嘅公屋唔好睇，而新嘅公屋外表其實ok。我覺得最影響景觀係d樓嘅間距，如果私樓迫得好密個view都唔會靚。
要達成呢個目標，首先要等政府重推計劃（即係等運到），但如果真係賣時補完補地價，得返舊錢夠唔夠出去買返另一層樓住？果個裝修幫到幾多手？
簡單嚟講，公屋係比人有基本住屋，唔好諗住租置計劃可以幫人至富。我屋企人都係用呢個計劃買公屋，就算樓價升咗，地價都會照升，最後得返果舊錢都唔夠佢哋買返同樣面積私樓。
所以除非諗住搵地方住就算，咁老人家買返間公屋過世都唔錯。如果有些微諗法諗過賣公屋獲利轉私樓，甚至諗埋裝修可幫「買返嚟嘅公屋升小小值」，我認真建議儲多啲錢買私樓上車盤好過。
1個讚
公屋其實都有作用架，有公屋政府配套會起多啲同快啲。好似上面討論過嘅四小，因為果一帶至南昌起咗幾個公屋，政府終於起條行人天橋由長沙灣駁去南昌站。
私樓從來冇平過，每個年代以當代人入息去睇都係咁貴，雖然呢幾年量化寬鬆令物價尤其資產價格升得更誇張，所以更應買資產保值。
二百萬四百尺夠平未？我當年用呢個價買新界上車盤時得萬幾蚊收入（修正，之前我記錯咗
），比班住公屋嘅親戚狂恥笑我，話咁貴都買，樓價跌我就死緊。當年係得一個住居屋嘅世叔伯「雪中送炭」支持我決定。
1個讚
唔係唔抵得，係個地價可以做到更多嘢
How interesting, 你嘅諗法。
第一次見有人用南非種族隔離嚟形容香港公屋同私樓嘅分佈。
全世界都有分貴價區，平價區，連我哋偉大祖國都一樣。
建議你真係唔好亂用例子，種族隔離呢個真係唔啱攞嚟形容香港樓市。
公屋冇問題，只要有需要住公屋唔需要自卑同覺得低人一等。我租樓嗰幾年最多cash，最富有。上車後儲錢好難，乜都慳住，好窮 
我住普通私樓，隔離都有公屋，冇問題。
我只係介意個社區好多討厭既某國人，仲有大媽
你講嘢都幾好笑、由歧視講到種族隔離政策、點止住宅用地、我幾時都支持同富人荷包融合架
X2
60年代太子道西一個number 六萬，
要睇返當年物價同收入去比（我已唔講當年未有mortgage 呢回事）
公屋根本就唔應該賣同住過世、咁先幫到真正有住屋需要既人、平買係因為政府有補貼、唔通想納稅人幫人致富？
1個讚
唔識歷史先會用種族隔離、歧視去講，
簡單d講叫混淆視聽
1個讚
幾年前嗰個有三萬人嘅政府部門用猶太人比喻，引發德國以色列一齊出statement 爆佢地，變成國際笑話，我建議嗰位會員盡快del種族隔離呢個term, 我唔想南非、英國出statement咁樣衰
1個讚
同一個地段有齊晒唔同類型房屋
亦唔代表居民一定相處融合
一個社區係咪融合仲要睇居民嘅mindset
就好似一家人就算住埋同一間屋
有黃有藍都已經可能唔融合
問題在於個人mindset點處理矛盾
而住埋同一區 亦唔代表會互相認識
好多人住咗好耐都未必識隔離屋鄰居
就算識都未必會了解。。。
現實就係唔同背景 文化 學歷 思想 觀點
本來就難以溝通
點解一定要迫大家去製造和諧呢
再者 窮人可能指責富戶拉高物價
富戶又會投訴窮人影響觀感
（PS 公屋外觀係好睇咗
但同私樓比 仲有幾大段距離
起碼我哋一望落去就分得出）
唔係得富戶唔想隔離有公屋
有時可能窮人亦未必想附近有私樓