假如檢疫21日

舊年有個女富商感染,佢隻狗就係俾漁護處照顧,隻狗都有感染。最後照顧完返去主人度無幾耐死咗。我覺得係照顧得唔好。

1個讚

頭先聽電台新聞,訪問荃威花園要入營嗰啲住戶,佢哋今晚有去超巿買嘢。

1個讚

甘都幾好丫!

我情願俾錢拎去寵物酒店都唔會俾漁農處照顧囉。

睇新聞話得好少時間俾住戶拎主子俾朋友親人,臨時臨急邊度有咁快搵到酒店🥲

1個讚

我估以家冇得去旅行,寵物酒店應該易啲有位掛?
我冇幫襯過,不過都已經安排定親友照顧。

入到漁護處環境惡劣,無病都嚇死啊,諗起都覺得狗狗好慘

我隻狗狗跟媽咪住,如果佢地要入營都傾好帶狗狗去我度,人住21日無咩所謂,狗狗無人照顧咁耐真係好擔心架

調味料真心重要
入面啲飯日日唔同款但比較淡味
我朋友嗰時入帶咗日式咖哩 調劑下
同埋帶食物要預咗未必有雪櫃(竹篙灣冇但聽講其他地方有機會有)
自己整嘢食建議帶一套餐具,入面得即棄(膠碗膠刀叉筷子)
三餐好早派,晚餐5點幾六點就到,帶啲零食夜晚頂肚

另外,竹篙灣冇/廢wifi,可以問職員攞咭不過應該得1-2Gb
最好帶定自己咭穩陣啲又多啲數據
同dl定啲劇睇

1個讚

要補給其實可以搵人送入去
不過我記得要早一日通知

我朋友話補給仲要睇當時環境,佢果14日話人多入營定係人手唔夠,無得補給 :sob:

1個讚

而家咁多人入去實唔會幫手補給。
兩三個月前聽自由phone有個女人都呻過。佢父母入咗去,自己要喺亞洲博覽館。父母係退休公務員,個女人想送嘢入去,托上托、搵啲識嘅舊同事、先送到入去。仲有啲熱水爐壞,嗰陣仲係冬天。

老人家覆診睇醫生都冇啦

1個讚

唔會形容做幾好

ps 要入camp 即係大機會有病毒,咁又比佢落超市,成件事都矛盾

係呀,跟本就係白痴

2個讚

如果有寵物記得搵定人幫手

而家成日鬧市民唔抗疫,主要因為好多嘢都矛盾

同問點解細路唔聽話一樣,d龍門係咁搬,搬到細路唔服就鬧人罰人…不過佢口大,自己口細,咪一路都唔服囉

3個讚

成缸魚都唔知點揾

我嗰啲細細個缸,要幾日換一次水

1個讚

如果洗衫問題,有摺疊式洗衣機。

全棟隔離 點解唔可以比我係番自己屋企隔離 21日 我唔出街 你日日送飯比我 21日就好易過

你要我係隔離營21日 我應該會痴線

一執漏野真大鑊 個人實好亂 點可以短時間執21日行李
去旅行幾日都要跟個list執同 最快都要兩三小時先執到

21日 成件事好痴線

6個讚