而家話全座要檢疫，咁到底果個case 係咪變種先，唔係變種就唔駛全座去檢疫中心啦
岩岩新聞出左, 荃威唔係變種, 但都要全座入隔離中心
【最新】或屬本地感染的菲傭3月底抵港，居於荃威花園R座，全幢居民需送往檢疫
之前一個人中 就全幢要檢測
而家一個人中 就全幢要隔離
遲啲一個人中 就全幢要。。。。。
2個讚
之前話14日果d,朋友公司no pay 囉、今時今日你敢唔敢出聲吖
仲要冇得在家隔離
1個讚
唔係喎、報紙都話係變種
隔離就無謂帶厚質料衫，牛仔褲就唔好拎啦！
我去旅行時若有需要洗衫，我會一路冲一路洗。沖完涼先至洗衫，又係搞到身水身汗，洗完又要再冲過：
（1）如果有浴缸，我唔會浸浴，都只係企喺度用花洒冲，我會放哂D衫入浴缸，放D水、鹼液，用腳踩一陣，然後開始冲涼⋯⋯
（2）如果冇浴缸，個地乾淨的話其實都可以將D衫掉落地踩，否則可以著埋件衫揸番梘沖涼，差唔多冲完先除出嚟…
最後，冲乾淨D番梘後，有兩個方法乾衣：
（1）就咁卦響廁所直至冇滴水，拎去窗邊嗰度掛，等乾透
（2）係咁2擰吓佢，然後攤開一條大又厚毛巾，再鋪件衫上去，然後好似整壽司咁卷起後，再用小小力擰吓，咁件衫會快乾好多，但擰完最好都係先卦一卦廁所，真係冇滴水先拎去窗邊嗰度掛。
萬一掛極都唔乾透，咪用風筒吹下佢囉！
不過，好多人去旅行都係拎舊衫，一路著一路掉，小朋友就冇辦法啦，但對於大人嚟講，我覺得隔離21日可能係清衣櫃嘅好機會 
1個讚
初步確診個案：
太古康怡N2座
薄扶林豪峰
住呢兩座大廈做定準備⋯
仲有… 有寵物嘅要即刻搵人照顧，其實係咪而家要安排定所有野，寫定張Check list 到時執d乜。
漁護處會接啲動物去檢疫。不過我覺得佢哋唔會照顧得好
係咪要啲咩必需品會有社工買？冇就大煲了
近來好似可以由親友接走寵物
我入過竹篙灣10日，D嘢唔好食，帶調味料同電飯煲自己煮飯好過，再帶D即食包或罐頭，加熱就可以食嘅嘢會好D，另外要買wifi蛋加無限上網卡，如果唔係悶死。
4個讚
我上次同事確診，公司有15個同事入營，大約係1pm左右通知，6pm再通知之後8-11pm會有人pick up你，差不多接你前半個鐘再通知你。另外，我有其他同事收到call要11pm-2am先pick up，佢投訴太夜唔得，之後變咗第2日7-10am 先pick up。
佢地搬去酒店住咋
金魚呢d點搬
就算有，估計都要幾日先安排到。同一時間幾百戶要隔離，一定會混亂。
咁六點通知咗之後，其實可唔可以走出街買D嘢先入去？
我係酒店 14 日就係洗衫係內衣…
然後酒店 wifi 廢，好彩有數據卡，就係睇片打機，廢人一樣咁過活。去鴨記唔洗 100 蚊都有 30GB。
我諗緊如果有人養大蟒蛇，漁護處會點樣處理。
1個讚
佢有wifi你都咪用啦…邊忍到口唔鬧佢
3個讚