係，佢老婆係有心理問題，之前已經知，細仔未出世時已經時不時發癲，我地怕左佢，更加驚對佢唔好會將啲嘢發洩係細路身上，結果我地係咁縱容佢，我已經要同不時借錢比細佬，然後佢地過黎，最近大部分時間都係我出錢比佢地食晚餐（我自己都有食）但如果佢地唔過黎我根本唔駛咁駛錢法。再加上結婚無耐佢可以水到阿媽攞30萬返大陸買地基，我呢個女咁大個人連我借比老母既3萬蚊佢都十幾年後先還比我，從未比多過3千蚊我！
當初我細佬就係話佢老婆有產後抑鬱先搬出去，有抑鬱先打仔，但我先係真正有抑鬱既人，我當時已經同佢講有抑鬱既人唔會好似你老婆咁外向一日唔出街唔得，我當時答佢「你老婆係有精神病！但一定唔係抑鬱囉！」
我當然諗到，尋晚佢老母打佢時，佢抱住自己一直講「我好驚」果下我都好絕望，我當晚同細佬講起都喊左出黎，我同佢講既然你覺得我地令佢增加被虐機會你地以後唔好話黎，我唔要次次都睇到你地虐兒
我尋晚就係當住弟婦同佢講佢依家係虐兒，我可以報警，佢回應你咪報囉！佢係知而且唔驚，仲打大力啲，果下我先絕望同你助，但個細既其實仲要比我當時感受更慘
你喊咗、同佢哋講完，件事冇停到，即係未完。唔係就咁full stop架！你做咗乜嘢去阻止件事再發生？你唔去唔代表個細路仔唔會再比人打，你要做嘅係救佢出嚟！只要有少少勇氣打個電話就得！JM, 呻還呻，做d嘢啦！
係呀, 我啱啱補充左少少
同你一樣咁諗 你愈叫我唔打, 我愈要打
希望你地盡快搵出路
我每次見到呢D虐兒我個身都濟滾曬
呢D大人咁叻, 唔該搵個咁高咁大既去隻揪 唔好搵個咁弱小既去發洩! 垃圾!
你有冇試吓聯絡學校？
最好偷偷地影低佢打細路，同埋話搞你家人個啲證據！
係有表面傷痕，同最好你媽媽都係到，報警一齊做證人
睇文字都感受到樓主有幾無助…
講句報警係好容易, 但係貿貿然報警最後都只會話你係家庭糾紛, file 都未必會開, 唔係死咗人你估真係會有人理臨臨案咩, 搵社署佢地咪約見完當冇事,仲會打草驚蛇, 佢呀媽知你D人搞事分分鐘打多兩錢
目前樓主可以做嘅應該係減低嗰細佬兩夫婦嘅戒心
爭取機會留底佢地虐兒嘅紀錄, 影相拍片, 記低事發日期時間
唔好叫佢地唔好嚟, 連你都睇唔到佢虐兒佢地更加為所欲為
我登記唔到連登因為無個電郵。
問題係大B連我地問親佢生活上既所有野都唔會講，就算報左幼稚園都未必問到野出黎，仲有依家係我細佬完全企哂老婆果邊，我本身已經唔受阿媽歡迎，佢地（細佬、弟婦）又覺得咁係我地問題，根本我報警就係口同鼻講，的確有好幾次大B有啲身體上既傷勢，但好奇怪咁次次弟婦都好成功咁講過去，細佬佢自己都有講過佢都弟唔出佢老婆邊句真假。
而且我係因為尋晚件事先諗返以前啲嘢，我又會質疑係咪我諗多左，因為真係好多時間我係有見佢對啲細路好既。
既然你知佢讀邊間幼稚園，可以同學校舉報
好無助
如果冇人企你呢邊，你的確做唔到啲咩
好sad
好多時投訴不成立或者警察唔開案都係因為冇証據
如果我係你,為咗個小朋友,我會去鴨記/淘佬買啲偷窺CAM(有啲係鈕,有啲係筆),藉口探OR嘢俾佢地,去多幾次,裝CAM拆CAM搵証據
有証據就睇吓你想放上網定直接指証佢.只要瘋傳咗警察一定要做嘢
再簡單啲,影咗小朋友傷口,搵間報紙公開件事,總之搞大佢,政府冇得唔做嘢
為咗保護小朋友,俾我一定會做,幾難都會去做
同小朋友去睇醫生，驗傷先。起碼有documentation 證明啲傷勢唔係自己整到嘅
我贊成暫時報狗係冇用，只會令件事惡化（冇證據佢哋唔會理，學上面位JM講，可能連file都唔會開）
最好係可以錄低你弟婦打小朋友嗰陣（應該有難度），睇吓做唔做到先
但係樓主有冇諗過如果真係成功報到狗同埋真係落案charge你弟婦之後，屋企人同小朋友嗰邊點？諗住點樣處理小朋友嘅日常生活？
唔係話報狗唔好，只不過我覺得需要打算好之後嘅事
小朋友安全比較重要,我反而覺得呢啲係後話
唔想臨臨單Case再發生 
我知道當我同佢講佢咁係虐兒我報警時佢仲打得勁啲，而我更加知道警察無*用，因為我都係過黎人，之前都受過苦，結果係報警太多啲警察為左唔想煩仲搞你。
但我忍受唔到果種無助，佢地講到佢唔過黎就唔會唔食野，咁似乎你唔過黎就無事啦（實際我知係逃避）但真心我既不是家長，我地當初有講過我地湊佢地，但佢又唔信我地，我仲要同細佬講我可以唔做份工湊，但佢又係怪我。
我真心唔明點解要生佢地出黎？
問題我唔通次次佢鬧仔打仔都係做觀眾，拍下片然後睇住個細路咩都做唔到叫幫到佢咩？尋晚最令我受唔住既係我拉住條八婆佢仲癲啲咁打大力啲仲同我講你咪報警囉，跟著我一放手佢推佢落牆，個小朋友身都紅哂，抱住自己，佢仲要講「呢度無人可以幫到你」
我睇你回覆都覺得你好無助。睇弟婦咁嘅反應，似乎再靠把口勸都冇乜用。你一係拍片之後去報警啦。如果怕嘅去揾你果區嘅社工或者區議員傾下，佢哋會幫你同狗傾。
帶小朋友去睇醫生驗傷先
係屋企裝個cam,普通放係廳，影工人嗰類，影低發生經過，再俾你細佬睇，迫佢面對件事，你細佬係度逃避緊，知你好無助，但而家得你幫到大b
既然已經返學，就同學校講，等學校幫手出面
你弟婦直頭有躁狂症，的佢去睇醫生啦！
裝定 cam，唔理明裝暗裝，諗辦法裝，要收埋音嗰種。如果見到鄰居，就友善咁講「尋晚有冇嘈到你？尋日我地屋企有啲家事，小朋友又係咁喊收唔到聲，真係唔好意思」。咁樣鄰居「知道了」，下次如果再聽到小朋友喊，又會聯想到你之前講嘅野。再鏡頭錄音下同你細佬勸下，證明到係你細佬唔願意插手犯下疏忽照顧。
再之後扮鄰居打去管理處投訴先，雖然唔成立但係起碼「看更知道了」，方便你後面鋪排救小朋友。
帶小朋友去醫院用健康檢查做名義，實際驗傷，等有醫生睇傷勢嚴重程度同埋係咪自己整到，如果嚴重的話，醫生係可能轉介或者有其他途徑。
做齊曬之後，就搵日親自到幼稚園接放學，見到老師就話想同老師傾下小朋友學習情況，然後再誘導到去提起屋企媽媽可能有情緒問題，有時候對待小朋友情緒差同動手，所以小朋友會好怕事同冇自信心之類，咁老師知道了，如果老師見到情況真係嚴重，學校係應該會考慮報警。咁到時候你再提供虐兒 cam 證據，同埋有看更鄰居老師做證人（不管係佢因為你提起而留意到，定係佢平日聽到，總之就做到人證）。
咁細個要承受啲咁嘅家庭壓力，聞者傷心。以你細佬姿態，佢無動於衷。你要立案調查救小朋友，就需要更多人證同物證。