我覺得公務員都要睇咩性質，唔接受黃警察，但接受到黃圖書館理員。
如果有公務員話自己黃，又真係有食黃店etc，我非但唔會睇唔起，仲覺得佢地有勇氣認黃。正如上面有jm所講，認自己做藍容易好多。認黃冇光環之外仲好大機會被批偽黃，連登都好多post 係鬧公務員，鬧老師，鬧醫護，同時bk 亦好多人鬧佢地黑護黑老師。有時我覺得呢堆人成為左condom.
1個讚
所以只係程度唔同，好似我覺得而家有好多決策者，佢做既嘢已經向住集中營方向(向住啫，未係)，我已經接受唔到
民生政策，睇點樣interpret，真係可以好政治化，唔係我政治化，而係個黨要政府行呢條路，事在必行
我認為真正分歧就係呢度，而唔係鬥或唔鬥
我都覺得黃公務員已變condom
遲d輪到教師, 醫護
唔辭職輕則比人睇唔起
重則比人批鬥
完全唔會認同送香港人入集中營嘅可稱之為人。
1個讚
依你咁講
黃警察都係condom添
我覺得重來都冇鬥過
而係底線問題
公務員有份做決策, 執行, 而會打壓手足或影響下一代既, 都唔應該參與.
我反而覺得好多人唔捨得高薪糧準
用某D藉口去合理化自身利益而同政府朋比為奸
但口裡面話自己係黃, 言行不一
嗰種人我會鄙視
2個讚
係啦，好恐怖
好似啲警察咁，就算以前葉繼歡悍匪都應該只係制服，唔知點解可以打到啲示威者咁，只係政治訴求啫，唔係打家劫舍強姦殺人呀
仲要個個係香港人，咁對自己人
低級圖書管理員就一定唔關事，但每個圖書館館長，入書嗰下已經做緊篩查
就算係科學館館長，都會要將強國科技展品擺喺啲prominent d位置，為國家歌功頌德
每個政策都係政治，邊度仲有公共行政？
1個讚
我一早已經講過
Popo, 海關…除外
就算門口既職員、都一定係俾碼你掃先、而家生活真係離不開政治。
1個讚
食環/海關都可玩黃店, 康文署book場可能遲早好似民政/物流咁資源留曬比親x人士用來開班
1個讚
咁低層follow我就一定唔嘈
中層以上真係好多政策政治化
我自己做中層，夾喺高層同低層中間，有咩上面要做，一句下令，比個框架我，我就要死掂佢，諗好details要下面跟，我點會係磨菇？
引申落去，唔係打唔打政府工嘅問題，而係過唔過到自己良心。
自己同另一半都唔係打政府工，或者會俾人話未殺到埋身，憑咩去批評人地。公務員宣誓係第一步，之後就到公營機構、中資、親共公司，最後無一倖免。到時有幾多人可以堅持到？就係睇下自己條底線守唔守得住，捨唔捨得放棄。
唔用黃警呢個例子咁極端，一個歷史科老師，假如要政治正確跟新指引教出一個個小粉紅，咁又接唔接受到佢地「都係打份工、其實內心都係黃」？
2個讚
理性講
100%唔應該，因為要簽奴隸狀。
除非之前一直做開，為生計繼續做，都可以，但都只係暫時性，長遠而言應該盡快退出。
而新加入既，一概不成理由。
同一個道理apply to黑警。2019前當你唔知，2020都仲未辭職一律當幫兇。新加入去更加係畜牲。
3個讚
我想八一下：輔警又點？有冇人識人做緊？
我朋友以前做，話入面應該都好藍
以我所知佢哋operation應該冇dirty job？
該主題在最後一個回覆創建後30天后自動關閉。不再允許新的回覆。