有啲人真係態度差，覺得佢買你野好似施捨你咁，一嚟半價我會即刻回NO 兼block ，爭在未叫佢過主
自己都會講下價， 但係唔會太離譜， 面皮薄唔好意思開口
試過同個買家傾得7788，問佢幾時交收，佢英文覆我1日前通知，哈哈…，咁即係幾時呢？！唔知好嬲定好笑，千奇百趣
買1樣/買平價物品就議價嘅 我覺得好冇禮貌
平時你入餐廳食嘢/入舖頭買嘢會唔會問佢有冇得平幾錢幾錢…？咁點解覺得我要平俾你？
（如果佢感覺有禮貌有誠意嘅話係可以平少少嘅 但唔係劈頭就開個5折嘅價錢囉… 咁你揾過第二個啦）
然後我啲物品有寫明交收地點嘅
一見到啲人就咁塞一句過嚟 要我邊日幾點喺邊一個唔近我嘅地方交收 我就會好燥底
奉旨要就你咩
仲有 買過啲嘢賣家話全新 跟住約咗勁耐終於交收到 見到實物係好花/有跡嘅 係唔可能叫全新嘅 但賣家揾咗佢老公同我交收 我問佢咩 佢都勁唔好意思咁話唔清楚 最衰我又趕住幾日後要用 就照買
但我覺得自己俾個賣家呃咗 好嬲 俾咗劣評
仲有試過有外籍人士買嘢 夠鐘都唔出現 催佢佢話唔識嚟 要我入閘揾佢 佢俾返車錢我 去到佢又唔聽電話 唔覆 一覆就話嚟緊 最後浪費咗半個鐘
諗起就嬲!!
1個讚
咁最終有冇交收到？
我都同意你講價，網上買嘢講價我都明白，但係都唔係劈頭第一句五折，我賣親通常都係名牌，你估嗰啲嘢假嘅咩？又要平又要名牌其實好矛盾個喎！有啲又話驚你係假，咁點解唔去專門店買呢？
1個讚
無呀，之後音訊全無添🤦🤦
有時見問果個人評價唔好，直接delete佢查詢，費事嘥氣無謂
試過我係POST$680, 佢問200 得唔得
該主題在最後一個回覆創建後30天后自動關閉。不再允許新的回覆。