我都係諗一係迪士尼, 一係海洋公園酒店咋
見好多人都話2間酒店D小朋友配套好齊
1個讚
好似真係包咁多野咁既, 等我研究下先
或者等佢心情好個日 PROPOSE 下! XDDDD
我老公都係咁，而家迫左幾年好啲，可以叫佢星期日佢自己一湊二落樓下公園，但我自己都訓練到平日一湊二去玩，一架bb 車加企板，推晒二個出去
咁你先生係咪完全唔覺得可惜??
我先生真係覺得無所謂, 但我見到佢咁無所謂, 我自己心入面又有D唔舒服
之前試過有一次, 有個有錢既 AUNTIE 話楂車過來帶我兩個小朋友遊下車河出下去
我突登請日假陪小朋友一齊去, 我先生完全唔會話不如佢都請假一齊去
個 AUNTIE 咁有心, 山長水遠入來車你, 我覺得人地唔係父母都咁有心, 但作為爸爸, 點解佢唔諗呢D
諗諗下我自己就會唔開心!! 不過呢個可能只係我個人心態問題
佢個lounge 好好，d野offer靚仔又好食仲無限添，大人都夠飽，我個時疫情中都安排得好好，你可以搵下update 呢家係點～
我諗好多家庭都會遇到你呢個情況…
我覺得唔需要同人比較，譬如人哋放心比仔女響公園唔帶口罩周圍跑，並唔代表你（我）都可以
其實你老公冇錯，如果疫情爆緊，都係少出街為妙，玩咪遲啲先玩返夠本囉
小朋友幾大呀？平時推孖B車去買餸呀、行下公園呀比佢地睇下野當去左街喇，學行嘅話，就多個大人睇會好啲。
唔係個個男人係咁，我屋企係相反，我痴家（其實係疫情搞到我有啲宅）老公無有怕成日搵藉口氹我出街。
反而多係佢一湊三出街，我唔跟，見到佢湊小朋友方式我會眼火爆兼血壓上升，相信媽媽們會明白我
但係細路返黎又無穿無爛架喎，最多少少皮外傷，算佢地命大
1個讚
其實真係唔使成日睇人地屋企嘅事，特別係當你唔開心嘅時候。
陪玩只係成長入面一個部分，到一路長大，小朋友面對交友問題、學業成績困擾，老公有無好好輔導同幫助，都係非常重要。我先生雖然唔陪玩，但教學同輔導方面真係無得彈。
試下農曆新年年初三去迪士尼，會睇到唔少家庭鬧交。當日我見過
1個讚
呢個我都明白, 好似你話齋, 個個人其實都唔同, 唔需要比
疫情嚴重, 我都理解都係少出街為妙
只係我自己覺得唔舒服, 自己老公好似花咁少時間陪小朋友
其實教學同輔導都係陪伴既一種, 如果我先生做得到, 我估我都唔會屈住咁多野
先生會同我呻話公公教得唔好, 寵到壞哂
但我同佢都要返工, 比得人幫手湊, 就有呢個後果
只能夠係陪到小朋友既時候盡量教, 但教都要有技巧要時間
我要慢慢同兩個小朋友講, 佢又 BAN 我方法話唔啱, 但佢又無任何 SUGGESTION 或者佢自己同小朋友講
我成日話小朋友係我地既, 教好佢地, 令佢地有個開心既童年係我地責任
但我覺得係呢2方便, 佢比既 EFFORT 都唔夠, 我甚至覺得我細佬仲願意花時間陪2個小朋友
可能有D OFF TOPIC, 可能真係我要求多
我先生唔係唔肯陪小朋友, 但如果唔係我踢下佢, 我估佢一定會揀對住部電話/遊戲機, 都唔會陪小朋友
4個讚
其實有同感
而家就算帶個仔出街, 見佢戴住口罩, 笑都見唔到
返到屋企成面紅晒…就覺得好慘
大人都覺得焗啦, 細路仔更加辛苦…
同埋我個仔831出世
真係好難忘
所以我堅決唔會生第二個
成個社會已經唔同左
1個讚
睇吓到時零疫情佢肯唔肯同你哋出去玩，到時唔肯先再鏟佢，我支持你
呢件事真係好 SAD
如果社會運動個時我都仲未生
我都可能會卻步唔生
而家睇返個社會, 真係覺得係倒退
講句說話都要就住就住
諗唔到佢地第時點算 ><
我老公把口話好攰（佢事實真係攰，工時好長又多野做）但都會帶小朋友出去，就算我唔去，佢都會至少帶落樓下公園玩、一玩就一兩個鐘，相比之下我仲懶過佢
但係屋企，佢就唔會特別同小朋友玩啲咩，反而成日自己睇下電視電話，叫小朋友自己玩玩具，陪玩玩具佢係唔okay嘅。
1個讚
我同你調轉，反而我堅持工人唔放假嗰日先出去玩，因為豬隊友出街只會湊住佢部手機，我就扯住兩條鋼纜（兩隻馬騮成日想鬆我手四圍跑）
有次佢話我懶，我鬧鬼佢話：我出街一個顧兩個啊！你又唔醒水幫我執嘢拎嘢！佢冇聲出！
或者係疫情壓力再加本身都懶懶地咁啦，講真呢個疫情搞左年幾勁辛苦，但又唔可能要小朋友完全封閉，唯有出街多噴酒精，同埋主要係去邊度食野先緊要，人多又除晒口罩真心驚，自己帶野食去郊外就都總有偏d既地方，驚唔得太多。。。我老公就active過我添，成日叫我出去呼吸新鮮空氣，仲要爭住揹個女唔要推車，出街基本上都係佢餵奶，又會拎埋袋奶樽尿片立雜野上膊頭，所以出街我好輕鬆，如果調返轉要我黎搞晒咁重咁辛苦，相信我唔會點想出去，平時仲攰唔夠咩，我係負責出街前所有準備架咋
其實真係帶佢落下街已經足夠
係屋企個陣, 佢會同佢地講故仔, 講一個故事就完左個親子時間, 我自己認為唔係好夠
同埋… 其實小朋友日日係屋企, 佢都真係要放下電
真係唔多, 唔好話公園, 落街買下麵包我都收貨
我小朋友都係社運嗰年出世，疫情初期都驚架，之後都帶佢落公園玩，唔放電唔得，曬下太陽都好架。
我老公都肯出嘅，但成日晏起身，搞到個女過左午睡時間先返屋企，話極佢都唔聽