放心我唔會自己去，係有朋友去又想一齊去，扮吓山系女呃下like 
我只係想講，老公真係唔多有動力去搞呢啲戶外親子活動
而家疫情之下更加多個藉口要留係屋企做宅男， 毒到呢 
我唔知而家啲幼兒園點返學，我覺得返幼兒園都好過對住屋企，有正規訓練嘛。不過如果而家啲幼兒園係視像，咁同屋企又無分別。
識玩！識利用其實好好用，去disney 都可以係讀書既motivation。小朋友大左你又舒服d, 玩得又輕鬆。
我到小朋友幼稚園自己一拖二帶佢哋去坐天星小輪、機場巴士、迪欣湖、公園打秋千、沙灘玩沙（唔落水），全部我自己一個安排，仲要暪住老爺奶奶、以免佢哋阻撓。
你好勁呀!!! 可以一拖二咁帶佢地出去
我個2個出左街暫時都仲會拖住, 但見到得意野都會想標左去
得我一個就難搞D, 或者都要試下我自己湊下落公園先
定個目標比自己!!!
佢哋只係唔想和老婆仔女去街而已，因為煩
如果一班男人去踢波、隊酒，你睇吓佢哋出唔出街
都係好細個，到四歲左右可以去遠啲。
趁係呢度都想請教下，沙灘玩沙點搞？我成日覺得好污糟，沖身又煩，小朋友玩下沙又捽眼令人好抓狂，又熱好易令人理智斷裂。你咁勁仲可以一湊2，去沙灘可以點處理？
自己搞掂安排唒，然後通知佢！
呢個我曾經都試過, 我想帶小朋友去商場影相, 個期個商場有個好大既 BEAR BEAR 展, 我叫左我另一個女仔 FD 陪我去
然後通知佢話FD會同我一齊帶小朋友出去, 叫佢如果想來就來
後來佢有來, 但塊面黑到好似全世界得罪佢咁, 話忟我點解我想去一個地方唔同佢商量 =="
但我想話, 個個 BEAR BEAR 展做2個月, 我差唔多個個星期都話去, 提左5-6次都唔去, 我咪 LAST DAY 叫 FD 幫手, 佢最後話去唔到係咪咁大不了
係呢一個層面, 我同佢溝通唔到
我最近係去馬鞍山個烏溪沙沙灘，唔駛換游水衫，要一大朝早九點前去，玩一個鐘頭。玩完去到海濱長廊拍走啲沙就得，去到公園洗手。試過一次去淺水灣，都係咁嘅程序。只堆沙唔駛沖身。
咁耐只係游過一次海水，喺清水灣，嗰次老公太熱發脾四，而且海水真係污糟
笑左!!! 但真心不能同意更多!!! HAHAHA
想問下呢個沙灘有無得沖身? 我發展屋企有直接車去烏溪沙沙灘, 如果有得沖身就會成為我屋企一程車最方便沙灘.
咁去淺水灣你地有無換衫？定係無換衫地玩，玩完拍走d沙就走？腳底有d沙好難行ga wo (我少去沙灘所以真係想像唔到
)
咁以後都唔好問佢嚟唔嚟。可能佢跟本唔想嚟。
自己出街影相踢波飲飲食食就開心，帶小朋友就牙痛咁聲，呢啲男人唔要得
假如佢唔係，連自己都好慳，咁都仲算
呢個我老公話等佢地大D就會同佢地去
露營呢D要 PREPARE 既野更多, 但佢又話 OK 喎
無換衫，只除鞋，帶地墊。
去到沙灘搵地方放地墊同袋，除鞋，換拖鞋，之後堆沙。走之前坐喺地墊拍吓對腳，再用紙巾抹走啲沙，著襪著鞋，走人。
呢個流程幾方便，到小學三年級有次學校旅行又有得玩沙，小朋友已習慣自己搞掂。
1個讚
「等大啲就會同佢哋去」都可能係講吓㗎咋
2個讚
唉，我想像到自己去沙灘一定唔自在。但為左小朋友忍下啦。。。我都要試下克服。
記得沙灘要換拖鞋，因為太多垃圾、我去烏溪沙嗰度好多蠔殼，小心拮親
我都識有D爸爸因為武肺,BB 2歳都未同過佢地出街食飯。我兩公婆就冇理, 自己係屋企耐都會悶啦。BB識行都會同佢去行公園, 就算D公園圍哂膠帶都照玩, 如果唔係太多人, 有1,2個小朋友係度都會一齊玩。
因為我地2個都有返工, 本身自己都唔係100%冇感染風險, 咁我覺得小朋友做返同我地一樣就得。BB呢個時候係需要周圍探索, 又要放電, 由得佢係屋企的話我諗係我頂唔順先。
1個讚