其實去英長遠解決政治問題
但上有高堂
下有小孩
要有取捨
識得個後生仔已入籍瑞士多年，瑞士係徵兵制（唔記得女人要唔要），本身已完成服役，仲爽過太陽的後裔，
點知上年肺炎殺到, 軍部召佢入伍幫手，
呢個就係永久中立國、和平時代package
1個讚
有得簡好過冇得簡…但我真係好中意香港:(
1個讚
去台灣要讀私校 / 國際學校，公校未必付合香港人要求。
同意，台灣公立教育嘅英文程度太差。
而台灣私校競爭都好激烈
識香港人有小朋友係台灣讀公校，放學去補英文
我大仔在香港讀IB
在台私小壓力也不少，都可能考慮IB
SEN 細仔可能讀政府小學
佢會讀得輕彩D
學制係其次，逃避洗腦教育，做個明辨是非，唔為政權出賣良心嘅人更重要
唔好淨係講咩學校好唔好英文好唔好啦，台灣大把高材生，讀到書嘅邊度都讀到
對返個題：樓主係工都有埋，冇乜理由唔走
5個讚
我唔識普通話，所以
去左先算啦，已批即走，唔掂最多回流。
2個讚
如果有能力帶埋阿爸阿媽，我就一定走
留喺一個冇希望既地方，唔知做乜好喎⋯⋯
1個讚
我都有少少想逃避，我有預算將來會點？
周圍都係冬瓜人， 試過落ok, 7仔買野，竟然要街坊幫我做翻譯，店員唔識廣東話，街坊講既有福建話，客家話，閩南話。。。。 唔知乜話嘅話。
1個讚
講乜話我覺得好閒，去外地都講唔返廣東話
係生活習慣，衛生常識果類
收紅包，黑心食物呢d受不了了
2個讚
但我覺得陌生好多，一個熟識地方，唔係自已既方言，就叫講廣東話，語言唔一樣
蘿蔔=夢卜
萬字夾=迴紋針
蕃茹=西紅柿
車厘茄=聖女果
乳酪=酸奶
清潔=攪衛生
平日係群組，或者參加一d活動，發現大家用語唔一樣，對方亦未必識聽我d用語，佢地既用語我又未必識，每次要上網查：哇塞， 誇啦啦，靠譜，牛逼/NB，傻逼，
就連俾人罵你NC(腦殘)都未識解…
佢地有時講學校野，如果問個女入左咩班，有時佢地會答：咸濕班囉，咸濕班個老師點點點…，原來即B(逼)班…
因為文化唔同會產生唔同問題…
見到佢地求救話煮野淥親點算，我好心答左句「快d用水喉水沖、浸凍水一陣睇下有無起水泡」，最終被一眾人瘋狂追罵左幾日，因為佢地既正確方法係即時冰敷喎，我害到傷者要去急症喎，好彩無攪出人命…
火燭第一時間唔係走而係打卡，最後燒死左人，隔離左右座班街坊甚至衝曬入火燭大廈大堂「直擊報道」，拉著班消防追問，阻住救人，好多人塞滿出入口，消防拍門叫班街坊走，佢地仲會扭扭擰擰研究下，又問下消防員唔走又點？再頂住部 lift，個消防員嬲爆大喝走呀，佢地又唔理。
平日行去巴士站個出入口種左d高身既花，不過要兜多幾步路去，最後踏爛曬d花蒲行捷徑，曾經有居民深夜時自發用膠帶、竹枝、鐵線維修好、封好，過幾日又還原，loop幾次明白到「路係人行出黎」，踏到寸草不生囉，一條路n個「出口」。
已經未講周圍係花蒲、走廊吐痰吐口水…
係我唔適應？ 
而家真係咁啦咩？
so far 我又冇乜入大陸人圈
我公司有d藍領會煲冬瓜，但我冇乜同佢地吹水
呢d係公德，都唔止文化咁簡單
我住果到好多新移民，曾有網媒叫呢到做深圳村，曾經有香港人講佢果班全班得佢一個女全家係「真香港人」 
佢地見到新開餐廳有得食酸菜魚、毛血旺會好感動，好興奮，又掛住家鄉…又約埋一齊去食，但我真係無feel囉，亦唔食慣呢類野。
而家真係愈來愈多外省食物，應該好過響大陸食黑心一滴香