正常，Y2 已經過左 18歲，趁仲係 dependant可以拿 BNO VISA , 轉去英國讀書好過啦。
1個讚
仲有，呢班人係消費力高，唔好講大人，名校嘅學生衣食住行都對香港經濟好大幫助。名校區連珍珠奶茶都好生意啲。
考名幼，考神校 小一/中一, 高中補習，一體一藝，課外活動，全部都係錢，班港媽走哂，相關行業影響好大。
經濟影響好快會出現。
9個讚
totally agree…
的確係連消帶打。我響同學圈中已經算平養個女，一個月平均開支都要萬二至萬四，走一個學生真係唔係少個學額咁簡單。
5個讚
啱啱聽返。琴日唔知係乜無聽到。
大方向同區新明、祖利安嘅睇法差唔多
1個讚
邊度有得睇 / 聽返?
怪壇
1個讚
祖利安神棍黎架，佢講既野聽下算了
1個讚
女兒是讀直資私校嗎？有學什麼課外活動？
冇冒犯，想知點解你話佢係神棍?但Benny c fu就越聽越。。只係覺得佢只想投其所好，預測果啲全部向好，但自誇話自己百分百預測嘅都中。之後聽J c fu爆佢地以前一齊合作時，曾要求節目拍檔做預測建議投聽眾所好，丁 c fu 覺得咁樣即係cheat聽眾
我無聽Benny c fu好耐，除咗你講嗰啲之外，佢成日都好鍾意人哋吹捧佢，感覺唔好！我都想知點解話祖利安係神棍，我幾鍾意睇佢同怪壇嘅節目
1個讚
今日喜訊
歐洲議會外交委員會通過建議駐台機構「正名」台灣
唔係台北。
11個讚
係直私，學費就唔透露了，但唔係頂級貴果d。課外活動都係畫畫樂器運動各一，有時加d有限期嘅興趣班，另外每月都會買新書，主要開支係咁上下。
3個讚
唔覺點神棍，佢講嗰啲美國嘢都幾多資料。雖然多啲粗口但又幾好聽
我唔係好覺得佢係神棍，只係覺得佢好燥底，唔係咁想聽。
但我知佢每次都做足功課。
其實一體一藝，真係可以使好多錢。
學樂器 ，好貴。
體∼∼係得操水平D。乒乓，羽毛，高爾夫球都好貴。
培養一個小朋友，真係多使費。
3個讚
如果你要特異功能項目會更貴…
騎馬、冰上曲棍球、寫程式都已經是平常嘢…
2個讚
介唔介意講下，每個月學校學費、興趣班補習費、每月新書同雜項大約係幾%，因為我都想有個參考做預算
不如開新帖講
因有點離開主題
我估呢個主題有好大發展空間
3個讚
仲有到咁上下又要買/換裝備，考級，比賽，真係會無啦啦洗多一千幾百
同學學緊騎馬同溜冰，以前會飛去外國比賽，比賽前仲會加操、買裝備，樣樣都係錢。
培養個小朋友唔止錢，仲有好多愛，所以有能力都會放佢去安全地方。張堅庭講你嘅細路響邊度就等於你投邊個地方一票，真係無講錯架。所以我明點解有人放自己仔女響美國加拿大澳洲英國囉
6個讚