今日真係香港寒冬
3個讚
（貼文已被作者刪除）
車公又講真話，第一支，用嚟睇大局，刻木之夫即是木口木面，不近人情嘅人，二百斤一定係，其實好多人都係，簡單啲講，車公提醒遠離呢啲壞人，唔好貪心跟小人交往可保平安。
車公靈籤 第二十二籤
籤詩
刻木之夫不可親，
當於善惡上觀人；
但凡見利莫忘義，
須向仁中慮不仁。
呢支大鑊，係講民生，大事勿用，大 project 大白象工程做到一半就完，我話 4月有黑天鵝，車公話半途年中就浪打頭，在水中央，亂咁來易沉船，解簽講意象，年中風雨雷電，小心水上活動或水浸，易有嚴重水險。
車公 靈簽 第八十三簽：下籤
掛帆順水上揚州，半途頗耐浪打頭；
實力撐持難寸進，落橈下帆水難流。
兩支一齊睇，一班刻木之夫管香港，走唔到嘅話，大家等半途浪打頭。
7個讚
沙田呢支仲要同香港03年嗰支係一樣
1個讚
03年漁港衰到貼地
1個讚
幫香港求果個籤筒係咪會抽起晒下籤，下下籤先？
記得以前網上有人講過，但唔知係咪真
車公求籤｜陳天恩居士解籤 「但凡見利莫忘義」指別為少利令政府內部意見相左
馬年大年初二（18日），鄉議局主席劉業強按照傳統，在大圍車公廟為香港求籤，求得第22籤中籤，籤文是「刻木之夫不可親，當於善惡上觀人；但凡見利莫忘義，須向仁中慮不仁。」
沙田鄉事委員會主席莫錦貴為沙田求得第 83 籤，下籤，籤文為「掛帆順水上揚州，半途頗耐浪打頭；實力撐持難寸進，落橈下帆水難流」。
解籤逾 10 年的陳天恩居士表示，今年籤文比上年更好，首句緣自二十四孝故事當中的「丁蘭刻木」，下句「當於善惡上觀人」，意味「睇嘢唔能夠睇一面」，市民宜每事考慮清楚，「肉眼睇嘅嘢會唔會有錯誤？有時係會有，要拎個大銀出嚟睇兩面。」
陳居士續解讀「但凡見利莫忘義，須向仁中慮不仁」，指不要為少許利益問題而令政府內部意見相左，「變咗好多人無嘢做囉」，市民也不宜「郁吓就話政府唔啱，又係有過份喺度」。
末句「須向仁中慮不仁」，陳居士說，每事都要思考、過濾清楚再講再做，「例如好似𠵱家安全帶咁樣，過罰得太重，好定唔好？政府為市民安全，但佢有無錯？佢有錯，因為位置、程度…變咗會觸怒到（市民），就等如呢枝籤一樣。」經濟上，相信年初難見成效，但下半年會有復甦跡象，政府也應主力發展基建、創造職位，「都要畀時間佢哋。」
寓意沙田原地踏步
至於沙田的 83 籤下籤，陳居士解讀時，形容「開頭非常好」，「點知船去到半路海中心，（船杆）畀啲風打斷咗」，寓意沙田原地踏步，沙田市民需每事小心，如家宅、交通、身體，「呢枝籤整體而言不太理想，搵到錢都唔好亂咁揈，揈咗就無、搵唔返。」
～～～～～～～～
有口難言 
車公廟求籤2026｜鄉議局主席劉業強為香港求 22 籤中籤 莫錦貴為沙田求 83 籤下籤 - 集誌社｜鄉議局主席劉業強為香港求籤/
陳居士應該都好大壓力.
1個讚
所以 03 年嘅威力，很大機會在年尾聖誕節左右應驗
1個讚
第一簽如果唔避開刻木之夫，唔聽車公講就唔係中簽，可以當下簽，一樣瀨晒嘢。
1個讚
經濟差都算,千其唔好再黎咩病毒 