七月天氣預報
6 月真係太多屎橋生財嘅事，什麼救蟈債券，北極熊又「話」來漁村買股，惡意唔買樓又係罪，又玩消費卷，正如我之前所講，所有錢有關嘅嘢將會係白做。 天水圍大停電火爆的日子做一個 參考點，2026年 有更強嘅爆發和 downtime 之象機會提升，司機/老婆今次唔中招，多左膠官在公公登基日之前中，睇嚟小精靈剋老細之力唔會差過柒婆，而柒婆最後都攪唔成 farewell party, 眾叛親離氣場已成. 。玻璃國生財不成，7月就轉為殺氣暗藏，8月起局勢會惡化得好快，翠翠今年內會行錯一步大棋，引來未來大敗收場，傻強都救唔到大局，佢剩低時間太短。八月份起屬鐵腕管治，7 月翠翠會有一個大膽嘅想法去令呢個管治方式合理地發生，所以唔可以用常理去分析風險。 小精靈上任得一個月 honey moon, 下半年佢面對嘅問題，已經超過佢能力範圍可以應對。7月會係最後一個講/吹經濟發展嘅機會，8 月財坐絕地，即係7 月講到幾發大財都好，下個月就中回力鏢，之後就發爛渣。
6月咁熱都日日過千感染 case, 7月起有行動受制之象，防疫永遠係一個最好嘅 excuse，例如上面一個紅碼就唔可以入銀行提款，皇上話你有病就係有病， 呢啲嘢邊度都可以發生，呢個月有得出街玩去食飯去睇 Mirror 就好去，財氣一弱，我估其中一個原因又係封哂啲鋪做唔到生意，但如果只係咁，已經算好彩，我估唔只咁。
下半年嘅發展，我想先舉出幾個參數，大家有一個月 honeymoon 去自己分析，以後每個月再 fine tone ，由八月起：
小精靈 – 先當極權但老襯底，十月柒出國際，再接一個財政差嘅冬天。
玻璃蟈 - 用埋剩低嘅錢發窮惡，Fuxking 號之類嘅海鮮艇 keep 住周圍行，成個 MK 仔咁拿住把刀亂咁舞，可能會 hi 到鄰居和路人，入冬係財絕之時，財絕唔係氣絕，好似啲碼頭苦力咁，有氣有力，聲大大，有牌都未死，但窮 L 一條，無哂威信，無哂貴格。
翠翠 - 先有極多大膽嘅想法，權力之外，多數都係打人荷包主義，入冬後極其暴躁，殺氣沖天，但我見到佢同蟈力唔係同步起跌，正如一個渣大膽車司機，跑車仲識行時，佢就得把口，當佢決定玩飄移撞人時，架車又開始壞，但留意番，壞車都可能撞到人。
三樣嘢半年內發生，點樣發生，好多演繹方法。
七月吉日，其實很少。
9-10/7, 20-21/7， 歐美出招，總要在特別日子出來贈興。
12-13/7 翠翠政敵很活躍，也可能係最後機會，蘇舟過後唔係無艇搭，係反哂艇，好似海鮮皇宮咁。
七月凶日，太多，因為步向八月，最變化多端的秋季。
1/7，雖然放風下江南，但皇上多數唔會到，交俾公公主持大局。如果真係到，以小精靈剋氣，過程應該多柒事發生，如果我係國師，我會叫佢唔好來。
5-7/7 上任第一刀，係惡得好過份嘅法，食相好難睇，但如果呢兩日打風，可以減凶。
16-19/7 翠翠反攻 ，應該係大動作，否則歐美唔會在幾日之後有咁大反應。
26/7左右, 睇吓有冇火藥味，會係未來三個月嘅指標
八月無咩好嘢，消費卷到手時，盡情行樂，唔好買任何套票，生意難做，好多嘢會隨時消失。 下個月再寫。
會展地鐵站已經開通，翠翠可以不受風雨影響，到達會場。