首歌係mirror黎講soso
不過佢出乜鏡粉都受
今年另外仔仔d歌好d
呢首唔係主流K歌,唔會一聽就記得
好過D千篇一律情歌,歌詞有故事
1個讚
我完全無follow
1個讚
E先生 
1個讚
唔緊要，真係幾好聽，得閒可以YouTube 下 
上面jm講果首E先生都係wyman 作詞
另外一個mirror成員唱
兩個比較之下，我覺得姜唱功無咁好，演繹首歌某d位有缺憾
但論MV同歌嘅旋律，我比較喜歡姜嘅
E先生港味比較重，同我學生時期E神d歌路差不多呢，依家唱歌「太落力」有d out
唔係吖，姜濤唱live係好過Edan㗎
E先生呢個叫大路可能因為佢第一隻solo，所以穩陣d卦。
竟然係咁
我只憑MV做準，姜濤唱歌輕鬆d，可以話係無乜感情，但其實依家個trend係咁
學友、黑勤呢類所謂唱家班style已out，Edan個style係呢類
E先生音樂造詣高,piano,violin都好叻,感覺係温室栽培下成長,佢响造星時個樣好似嗰個壞咗嘅人
我硬係覺得姜性格有D野,佢言談行為有一種天真,親和力強,但另一方面思想一D都唔簡單,好似內在收埋好多野,令人想繼續了解佢咁
因為佢聽台灣歌多，同埋佢之前咬字唔清
呢首歌佢努力執咬字，可能咁你覺得似以前d 歌星style。
1個讚
了解Edan 要睇膠戰 
有次睇佢個live
我居然…睇完.……但佢其實成個鐘自說自話，好痴線⋯⋯
首歌由plug嘅第一日，聽咗好幾次，始終覺得佢嘅performance 好一般。我喺youtube都將我聽完嘅感覺寫咗一篇嘢，大致喺咁嘅：
『唔知係咪佢比人話得太多有懶音問題，所以呢首歌嘅verse部分太過刻意去糾正，尤其係第1 part嘅verse，過份地字正腔圓咁逐粒字讀出嚟咁滯，同chorus 完全唔夾。
佢chorus 個mood唱得好好㗎，聽多幾次都會有跟佢一齊 “un”嘅感覺。但係敗筆就係比好奇怪嘅verse部分令到隻歌變得突兀咗。
曲好正㗎，詞都係為佢度身訂做。既然wyman 嘅詞係比佢回應嗰啲為憎佢而憎嘅人，點解唔將嗰兩part 嘅 verses 演繹得寸寸地、bad boy feel少少嘅感覺去演譯呢？
而家首歌變得個mood好唔統一，但都開心佢會揀一d 新曲風去試嘅，希望佢再來緊都可以有更多用心嘅作品啦。』
雖然打咗大篇野喺YouTube 度，但feedback 仍然最多嘅係d詞好好、首歌好聽、字正腔圓咗⋯⋯但係無人覺隻歌performance 得係唔太好，係咪我太奇怪呢？
其實，佢咬字係要改善，尤其做訪問嗰陣講嘢要firm d，21歲仔就嚟22歲喇，唔可能再有人就住你細而放過你，尤其佢本身唔少人比較挑剔佢，比多少少時間upgrade 下自己內涵，錢係賺唔哂㗎，你談吐有養份先可以吸引更多人嘛！
3個讚
所以我想睇下佢live唱成點
始終mv 係執過嚟，有監製去approve 過先出街
到佢正式現場先可以知有無進步。
唔係，我都覺唱得好木獨feel，無感情咁平平穩穩
亞Ｙ明顯係黃， 上次有狗中招， 佢ＩＧ出ＰＯＳＴ係要開香檳
1個讚
其實我係叱咤頒獎個晚先識佢
唔係話佢唱歌特別好特別勁，但個晚八成上台嘅歌手都唱到甩哂反而佢keep到成個演唱正常。同埋佢個晚好明顯係shocked，上台攞獎都仲呆下呆下咁，不過唱歌個下好快恢復到表演狀態。我覺得佢表演個時d手嘅動作企姿臉嘅擺位角度都有種熟練到好似身體反應，好似好自然但又精準計過幾時郁點樣郁最靚咁，感覺似係練出黎，唔知呢d係咪韓星嘅訓練style
之後Stephen 傾睇陳志雲訪問佢好好笑。我唔算特別鍾意佢把聲但佢有首孤獨病我幾鍾意有加落playlist
1個讚
我估一定有練過，咪啫係以前d人嘅台風啫嘛，
不過時代唔同咗，呢一代尤其mirror 會走偏韓風路線。
可能諗多咗，佢哋係由經理人話事，迎合市場口味。
呢種曲風幾fresh，加埋Wyman嘅詞真係perfect池～