唔知呢度可唔可以問 唔好意思 
我有少量營養奶（for癌症） 唔知大家會唔會有需要？如果係可以送俾有需要既人…謝謝
因為家人離開了 唔想浪費 又搵唔到途徑送出去
辛苦就上嚟呻下，呢度好多人陪你 
1個讚
我係外國,呢度醫生唔興戒口,
話照食就得,其實係咪真係要戒口?
我係你會盡量戒
做咗無壞，有時會貪食，咪最多食少啲
唔駛覺得自己無用，大家都要過左個心理關口先，我初頭知道都好擔心，好驚，但到開始治療就明白驚都無用，咬緊牙關頂埋佢，同埋我有小朋友，為左佢地，幾辛苦都要頂住！
諗下有咩好想做，有咩地方好想去，有咩野好想食，總有活落去嘅理由
辛苦你，但一定可以捱得過
睇下你係用咩治療，我有電療，成個人係好熱氣，所以我有介煎炸野
你有無甩頭髮？
我準備開始化療，甩頭髮係我最擔心，假髮話就話解決問題，但就快夏天，同埋始終天生愛美麗
我查過我的五年存活率29%,但係見醫生醫生話係八到十年,都唔知信邊個好
未知乜嘢療法,仲有要照全骨掃描先決定
你睇私家定正苦，建議兩邊都睇，攞多啲醫生嘅意見
我爸爸cancer發現時已有擴散，照完ct後見過兩個私家醫生，兩個醫生嘅治療方案都唔一樣
之後決定等埋正苦果邊見腫瘤科醫生，初診時醫生提議約埋內外科醫生一齊匯診，最後3個醫生共同決定治療方案
覺得正苦醫生冇咁各自為政
我都好努力調節心態
呢個係長期病而不是絕症
未必殺死晒，但願共存長命一點
1個讚
無呀，淨係電療嘅部分會甩，但上面嗰浸頭髮遮得住，所以其他人係唔知我甩，醫生話唔係隻隻化療會甩頭髮
緊係信八至十年，同埋我成日覺得要有信念，就算五年存活率有幾低，都係數據，我就係要做存活嗰邊
係，一路積極治療一路等，話唔定又等到癌症可治癒嘅一日
多謝你鼓勵,我都唯有信醫生講,
配合醫生治療
我喺外國,呢度冇分政府私家,
由家庭醫生寫介紹信去專科
,自己冇得選去邊,仲有唔同
county, 保險唔包去唔到,
不過我去嗰間叫係西岸最好
嘅大學醫學院嘅醫院
其實香港要等幾耐先睇到腫瘤科?
由專科寫介紹信送到醫院排幾耐?
疫情之前我自己屋企人好快, 一兩個月左右已經做完手術. 已經上咗年紀.
但係MRI 需要出去搵私家醫院, 如果唔係要排兩年. MRI 完咗之後就好快安排得到.
但係而家人手應該更加緊, 依家真係唔知道.
一二個月左右，但真係要自己出去照mri 同ct, 有報告其實好快，嗰時醫院個幾月已經幫我排左治療