土生土長香港人肯定知咩情形需要使用本地急症，其他人就真係可以咩症都返內地睇。
我係『樓上』都講咗：
發燒應該先睇一般診所醫生，
由醫生先行判斷，嚴重嘅先轉去急症室。
市區有24小時診所，
有啲私家醫院都有24小時門診睇，
喺急症室等八個鐘頭，天都光啦，
好多診所都係開上午九點㗎⋯⋯
無謂咁辛苦喺急症室等啦⋯⋯
2個讚
38,39度成年人唔會睇急症 or 夜診，訓醒大把選擇。
所以我話土生土長香港人肯定知咩情形需要使用本地急症，其他人就真係可以咩症都返內地睇。
冇人會話到你知急症要等幾耐
急症室收費⋯⋯$1230 or $180，
唔知道「其他人」用急症室究竟俾幾多錢？
急症室一般來講都係發生嚴重事故先入去，
係近廿幾年被濫用，
有私家醫院廿四小時門診服務，
如果真係覺得自己生命咁緊要嘅，
行得走得嘅，點解唔去睇私家醫院。
而家政府急症室分流制度，醫護評核過，
發燒嘅，上面留言話要等八個鐘，隨時可能唔只⋯⋯
唔好話咩都唔知先得㗎，網上大把資訊，要搵嘅一定會搵到，
正常人都知道可以用來參考吓。
就算老人家，佢地都有社交圈子，會大家互相交留生活點滴，
當然這個世界一定有「孤獨精」，又或者「卸膊」嘅人，佢哋真係咩都唔知㗎⋯⋯
我唔知佢係『真唔知』定係『詐唔知』⋯⋯
2個讚
Sorry , 樓上拗緊高燒應否去急症室可能是討論緊一般情況，不過我想講新聞個單，睇清楚段新聞內文，那病人係先在專科門診覆診睇醫生，專科醫生話佢要入院，才按「程序」去急症室等候上病房（雖然我唔知點解睇專科入院要經急症室）。所以不存在那病人是否濫用急症室、或者明知急症室要等好耐都唔識搵親人睇住嘅情況
1個讚
其實你猛咁屈人濫用急症室冇乜意思？
唔刨文單睇以為你好有道理。
緊急起上黎，私家直頭唔睇添啊！
我試過！藉口呢樣個樣，我話想住半私家房都唔想睇我，推我帶bb睇政府！
我都試過n年前，唔係好夜，個初生b 10pm左右呼吸有d 窒，去私院比 reception 力勸去公院。
去到公院，d姑娘好快處理咗，唔記得咩事，應該好小事。
又係10, 11點，個 b 高燒打去最近幾間私院問，d私院都好多野講好 full 冇醫生，去到都要等唔知幾耐，唔想收，最後又係去左公院。
當年bb 高燒呼吸困難公院會即時處理，而家唔知要唔要等了
我個時都係，不過已經7年前！去到即刻望一望就上房。
個時已經少少感覺人球咁！
雖然私家冇明確話「唔睇」但係講黎講去都係叫我去政府！
政府就「頭痛醫頭 腳痛醫腳」我女發燒就打左一星期抗生素，知道咩問題，但唔會醫，要再約！
我知 - 政府係咁 - 但真係唔係好幫助到病人！
不喜勿插
冇辦法
特別夜診冇咩選擇，驚同急起上來，唯有去公院急症。
不負責任，call咪就留完左責任，病人咁清醒就唔使等入病房。
我成日去廣華。我試過呀。我係知道自己要入院嘅case。廣華真係太多人，冇辦法。
朝早7點幾去到急症室，等咗一陣分流，我都知有排等先見到醫生，仲出去食咗個早餐先再返去。見完醫生要等做入要手績，再等做快速測試（因為我話自己有少少流鼻水），嗰個男人有咳都要做啦應該，跟住又要等入隔離區（呢個真係人都癲，坐得攰又唔可以行黎行去，我仲係果度食埋飯）＋等樓上病房有位。等得黎真係上到動已經差唔多下午4點中。加加埋埋9個中。
呢度其實都好多標題黨架 
個病人係等上房時死，不過佢坐在急症等候區。不是等睇急症。
睇完呢單新聞，我反而考慮買多份高端醫療，有病一定入私家醫院。
因為樓上有網友話朋友發高燒喺急症室等咗8個鐘，所以討論去咗發高燒去唔去急症度
廣華一向都等好耐架，唔洗錢嘛。頭先 11 點半屋企老人家撼穿頭流血，好彩送去 QE 冇乜人，等 2 個鐘頭聯針畀 $180 走人。上次朋友個仔夜晚撞到手玻璃碎埋，去將軍澳醫院都等到幾乎天光先走得。
係香港人都知無論邊間醫院除非就黎 cert 得，急症都係起碼 1 個鐘，發燒嗰啲搵醫生診所睇就算，否則真係等到冇燒先輪到。
之前有個網好似有顯示各區急症室人流？
印象中鄧肇堅係最少人，試過即入即睇。
廣華係8
哇，廣華係8個鐘
好誇張
以前讀書嗰陣去廣華普通複診行經過急症，嗰到坐滿曬人，想讓條路畀人行都難，一望等幾耐，哇 6 小時。複診我更加係要學校請假 12 點去，2 點 appointment，等到 5、6 點先有得見。等到傻！