真掂唔同，冇人會煎個荷包蛋都要讚到自己係廚神咁
1個讚
大集團 
因為唔駛錢嗎？
係咪真識先？有d人要搭爹，又要錯。
上次聽到係 “你去大阪，點解唔去玩鹿呀”
大佬呀，玩鹿果度係奈良囉
真係要大先得，去街市講價我係衰硬！
e.g. 有次朋友住酒店整親，對方只肯賠幾百醫藥費，仲要串串貢。我draft 咗封email比朋友，對方2日內求和，主動賠六位數！
3個讚
係啊。 唔好執輸
1個讚
有時係真識嘅，但d語氣係好想炫耀自己咁，所以唔鍾意同呢d人傾計
明，有d人個態度係
“睇你班鄉下婆都未見過乜乜” 嘅態度
但明明人地真係讀書同去外地都多過佢囉
2個讚
插一句咀…
其實躁狂症患者會覺得自己好叻…
3個讚
真係躁狂？
有人去過一次旅行又話乜乜通
睇過一次樓又話同個經紀好frd
仲有食飯奄尖聲悶當自己好識食
有d係自大，有d係無知，但有d擺明係病黎，只係當時人唔知
我曾經有個同事係咁
聽左佢n次話買幾貴嘅香印，其他人唔識店主買唔到
又話去旅行要買波斯地毯，又話要點點點
又話自己有乜餐廳vip，但永遠去食又拎唔到出嚟
我都識呢種人，仲話食一次，就知有幾多種配料，誇張 ! 呢種人我通常都會，用好嚴苛烹飪問題考佢，例如生粉同鷹粟粉有咩分別 … 兩者打完茨有咩唔同? 鬆肉粉係咩成份 … 點解會令肉類較鬆軟? 十個認叻、十個都唔會識答得哂 ！ 
你講得完全正確，我有兩個朋友，一個由細到大講大話，任何無關痛痒事，都講一餐大話又認叻，最弊冇記性人又蠢、組織能力又低，今日講完聽日又自己篤爆自己，問番佢自己解唔到畫，最後會用發爛渣埋尾 ! 近年先學烹飪又要扮廚神，乜都話識乜都話易，其實一事無成、及誠信破產 !
另一位烹飪真係叻，其他嘢佢都係認醒，兩個都有燥狂症，發起脾氣上嚟好似白卡癲佬! 
3個讚
我有個中學同學，最近疫情大家都踩下單車，佢乜嘢單車常識都話識，乜嘢出名難踩路段、及大斜都話征服到 ! 佢踩單車腳力及持久力，係比我高出好多班，但比起我所認識之中好多朋友，佢只係小學程度 ! 我有一個朋友屬於中上，約佢一年一齊踩山佢避足一年，我特登 whatsapp 開個群組撥火，早前佢終於避唔到出席，點知踩到抽筋即場投降。但佢之後同我講番時，又完全唔提自己跟唔上及抽筋，事後仲不斷搵其他藉口，抹黑佢地話佢地出嚟、只係曬靚車及講享受生活，所以下次叫佢都唔會再去踩 ! 我話人地講生活又如何，又唔係踩你睇你唔起?! 不斷邀請得你去一齊玩，已經唔係睇低你而係當你老友啦 ! 我猛話佢份人憎人富貴、就厭人貪 !
佢唔信我另一班最勁踩單車朋友，成日喺我面前話我班朋友，冇可能可以踩到某段路、亦冇可能某個時間內完成! 總之佢自己唔得，就全世界任何人都做唔到! 我班最勁朋友叫佢一齊踩一次，但我呢位認叻朋友又唔敢應約，不斷講埋好多藍屍藉口推搪! 事實上佢呢種性格，又確實係完完全全藍屍一名!
我估係 梁靜茹 比左勇氣佢地，外行嘢仲有機會比佢扮下嘢，點知有人內行一聽就知流
仲要自命不凡呢下攞命
我而家聽到d嘢有伏味都費時提
因為有d人伏左又未必知，講唔中又唔會多謝我，但衰左就一定賴我衰多口
唔抵得你有人追,佢無
1個讚
有個朋友嫁左比個中產,成日話自己係徐子淇
4個讚
有，識d 60幾歲成日聲大大好囂張講到自己好叻嘅廢老, 講到自己事業有成，要教啲後輩搵工秘訣，但其實係啲本地公司仔撈左30年，冇退休金仲要返六日工，最搞笑有d自己樓都冇
真正叻嘅事業有成嘅老人家係唔會讚自己叻
2個讚