你咁講我醒起有好多村屋朋友鍾意放晒啲鞋喺入屋嘅走廊、門口。
其中一個、佢哋入入屋一條走廊、佢地一家六口、成條走廊二三十對拖鞋喺度、要click下click下先入到屋……呢家人的財運同夫妻關係加埋小朋友讀書又真係成日出問題
中咗就係風水，唔中就係自己學藝未精…
爆石
我覺得好有道理。我成日覺得好風水就係令人舒服嘅感覺。
咁我要比啲心機買六合彩先得 
有呀，師父叫我放咗啲銅葫蘆、銅錢、流水擺設、香薰、種富貴竹 etc.
1個讚
我都要利申下風水係好多層面上嘅配合
應該唔係1、2點去判斷成件事，但最好就加的一分得一分，盡做
講真將鞋擺係鞋櫃度，真係一件都幾make sense嘅事
但其實係我呢個post度都已經有人覺得點解要咁做
我自己覺得風水，某程度上係環境學，教下大家點樣將家居打造成適合居住嘅地方
葫蘆係天然葫蘆定係銅葫蘆？
有無得影相睇下你點擺？
其他各項我覺得係大路嘢
不過香薰呢樣嘢我覺得有d好奇，你師傅叫你擺邊？
同埋你單身？
試下
我好認同ga
風水個個都up到d嘢出黎
但就唔係個個都有料
我學緊風水，第一樣嘢就係要擺自己屋企，咁先試驗到究竟work唔work
風水擺得根本一頭半個月就會有感覺，所以根本冇得呃
呢樣嘢講就易，做就難
我有個朋友黎親我屋企都話我度好舒服，又話佢自己度「無心機搞」
我前排去佢屋企，未入門已經有5對以上鞋係門口
但…… 講緊係佢地已經睇咗風水成10年，講緊年年都要睇流年嗰隻，我反而係從來無請過師傅睇過風水。
其實呢位朋友生活一定比上不足比下有餘，佢暫時1小朋友1B，有2個工人，1個24小時陪月，一個司機
其實要添置個鞋櫃，唔會無能力
同埋，佢地主人房係無床架ga，係床褥直接放地方，跟住窗附近放有3兜大水缸（for風水），仲有個10字架（for風水，非教徒）
所以你話風水呢樣嘢，大家對佢嘅認知真係好有差異
好彩… 我學嗰派係比較似環境學，可以令人有安居樂業嘅感覺。搵到錢，一家人都有個凝聚力係度。
相反我朋友，我估佢一個月應該無一個星期會係屋企食飯（約朋友食，唔係同老公食，非工作social）
其實我覺得做為一個風水師傅，擺風水時係咪應該考慮埋一家人嘅關係呢，而唔係只係focus係個男主人搵到錢咁單一化呢
我放銅葫蘆呀，師傅話化病氣、是非。
香薰大概放嘅位置係門口（西南）、窗台（東北）同埋廁所（東南）。
7月中咗兩次！要繼續努力
但兩次都係$40，中咗都唔夠cover 股票蝕咗嘅 
有冇辦法加強返啲偏財運？ 
同埋買樓升值算係偏財？ 
呢個我嗰派都會
請問你個銅葫蘆有無拎開個蓋？
無呀，就咁成個放
買樓升值呢咁穩陣，唔係偏財
我唔幫人睇風水ga，因為我未識
只會係度討論下
不如試下開蓋擺
睇下有無改善（身體是非呢方面）
你試擺一頭半個月睇下同無開蓋有無分別
係呀，都係討論吓
呢樣我真係睇唔明for我自己嗰派就無可能會擺香薰
不過你唔使擔心，因為各派會唔同
好呀，可以試吓！
咁個蓋放返晌旁邊？
我上網見到有啲人話香薰機呀蠟燭呀嗰啲可以帶動氣流，應該同用流水擺設差唔多咁嘅原理。
但我師傅叫我放藤支香薰