有d嘢真心理唔到咁卦
我比較幸福，娘家都係黃，
62紅底，講到明兩個孫嘅未來唔關佢事佢淨係關心自己有冇工開，我同老公講到唔關佢事咁以後唔好見。
99、姑9 港豬，生活喺平衡時空咁繼續睇tvb不問世事，我嬲係因為佢哋有份唔理、支持呢個政府搞到香港家不成家。
有人話家人最緊要，咁手足呢？
俾人打到命都無斷手斷腳咁就一世，我同最親嘅親人朋友割𥱊都唔同手足割，
3個讚
奶奶話強檢都無辦法架啦 夜晚先做咋嘛 又阻唔到第二日返工
老爺話個App無咩問題呀 無犯法怕咩人睇
但講到疫苗
佢哋話 睇吓先啦 自己有冇病自己知架嘛 無事就唔洗打啦 (所謂身體最誠實 
)
真係反下白眼 冷笑下就算 講多都嘥氣 
唔好期望藍絲會有咩改變
個人本身蠢就點講都唔會明
你好心提點下 只會良心當狗吠
無論親戚定朋友 明知立場唔同 就唔會主動講呢啲話題囉
關係一定會差啲 但關係係雙方架嘛
有時會諗 如果對方都唔在意 自己都唔需要太著緊啦
不過始終對住親生父母係難受啲 唯有盡做 
2個讚
佢最信醫生同政府，佢係港英政府年代護士，連內地都未去過。佢都係算吧啦。
2個讚
我老竇都係好矛盾,覺得我哋企錯邊,又會覺得我哋陰謀論.即係我哋只可以對西方國家陰謀論？對中方就唔可以？
1個讚
手足對佢地嚟講太遠啦
佢呢d就算公司其他部門炒人，屋企隔離火燭，都應該當冇事發生
不要問，只要信
#天下無不是父母mode
#國家就係你老母
你話老公好擔心老爺迷路，不如比個追蹤器跟住，屋企裝埋cam啦笨
有時唔係企邊面…我地呢GROUP 都唔係亂反.
係睇有冇需要, 好似驗測咁…好多CASE 去驗係正常
而唔係亂咁黎
外家全藍及港豬，覺得上路app及疫苗冇問題，我話個app存取權限太多，同埋疫苗有問題，佢哋無視我
。
我已表明自己立場，唯有盡量唔講政治，係佢哋面前要平行時空，做港豬。
我希望佢哋都有呢個覺悟
反而係長輩有時衝口而出嘅說話最傷…
而家都係慢慢調節自己嘅諗法
我老公都有同我講
每個人都係獨立個體
如果對方堅持咁做
我哋都阻止唔到
理智上係認同嘅
只係未突破到心理
總係形住我唔出聲即係見死不救
但係唔記得咗可能對方覺得咁先係天堂
1個讚
有時同佢哋食飯佢哋睇 CCTVB
有啲極無稽嘅嘢我哋忍唔住冷笑同反白眼
而家要自己學習做木頭公仔
乜反應都唔俾
我自問理智
我有同佢哋講
本身跟醒追蹤呢個做法唔係問題
問題係佢個 app 寫得衰
要太多不必要嘅資料
同埋無保護性
可惜佢哋認定係為反而反
所以佢哋都係龍門任你擺嘅表表者！
佢哋會話係個別事件
又會話係因為手足出去先
同埋話我哋呢啲平民都改變唔到嫁啦
或者咁講, 一做就要全套做. 追蹤到都要D人自願去CHECK.
而家有人病發都唔CHECK…都吹佢唔漲架
古代婦女咁…比老公打…咪自己話自己命苦…完~~
呢個位就係我哋黃絲質疑成件事嘅出發點
但係佢哋會唔會睇到
我覺得黃絲只係比較容易指出矛盾位再要求正苦解釋
但係已經俾藍絲覺得我哋搞亂檔
真係一時時…
平時大家有共識唔講政治就ok,直頭熄電視唔睇新聞,佢睇我就入房,
所以久而久之佢都識做,返房先開電視,
佢睇藍youtube channel都戴earphone, 我睇黃youtube channel 都唔會比佢聽到
但有時佢都會無端端發癲,冇幾耐之前先鬧 “你呢d黑暴”, 咁我咪唯有唔出聲,唔理佢,
因為個刻佢講呢d野已經係冇左理智,同佢嘈係冇意義, 如果仲珍惜個關係, 自己唯有be the bigger person
1個讚