我都係亂咁講下，唔洗咁認真喎
我又完全無諗過結紮，是否因為唔想戴套？
我近期想試食藥，上次睇唔知乜，話食藥避孕率仲高過戴套
就係香港唔興結紮, 所以我特登提起.
其實reddit 好多childfree 人都結左紮, 仲要有啲廿幾歲就紮左. 可以盡情享受性愛. 唔駛煩惱避孕. (戴頭盔, 當然要信得過先好唔戴套啦)
https://www.reddit.com/r/childfree/
因為戴套操作上易有失誤. 當然都唔爽啦.
避孕藥比較安全, 但係會影響荷爾蒙, 有啲人反應會比較大, 例如抑鬱, 失去性慾之類.
1個讚
我戴左環差唔多五年，喺健康院戴有藥性的10年環，其實係無感覺，唔會feel到佢存在，咁多年無意外發生，好安全。
係一個方便的避孕方法。
多謝分享
真係比較少聽
老公唔敢打針，要個老婆上陣
女人真係好偉大
子宮環不是百分百避孕的…
其他避孕方法我唔清楚，但我隱約記得結紮手術係避孕率最高既，bio老師教過由男人做既創傷同風險遠遠低過女人，所以我會覺得「應該」由男人來做
可能我份人計較啦 
1個讚
其實啱架，你同Sako都啱架
理論上係男人結紮架
女人結紮/避孕真係遷就左男人。
純粹如果真係要計較，就不如索性唔生仔就唔好性愛，本來天然黎講，性就係要生仔，避孕係唔天然架，所以避孕其實唔係講咁易架
但係一係索性唔要男人，唔拍拖結婚啦，如果唔係就有時男遷就女，有時掉轉。咁囉
2個讚
請問喺邊度放（健康院？家計會？私家？） 餵緊人奶可以放嗎？（bb仲細，加上有過豬過豬嘅隊友，極唔想生二胎）
係，不過有幾多男人敢做⋯⋯
我老公打支針都暈，仲邊敢做手術⋯⋯
我記得用condom 避孕率係97點幾%, 食避孕藥係99點幾%, 前提係要日日記得準時食, 我食藥果幾年都會有好幾次唔記得食, 一醒起就食返但都有啲擔心會唔會因此而失手
對我黎講食藥既好處係可以準時黎M, 但而家餵緊人奶唔想食返藥。。。
我有諗過叫佢結紮，但好似我之前咁講，佢好驚打針同埋心理上一諗到係切嗰度既一啲嘢，佢已經要暈咁濟，所以沒可能。。
跟住我自己諗避孕，我又真係冇諗過結紮。。。
因為可能都係心理上覺得not biologically natural 加驚萬一以後想再有bb，都仲可以，所以真係沒諗過結紮。。
雖然iud都係外來物，2樣都係唔天然既方法，但我自己心理上覺得iud可以攞走，所以好似好D
所有嘢都冇科學根據，盡瘁心理影響
睇上圖，畀大家參考下
咁我都錫我老公，所以衣個係佢心理上障礙我都明，不過我都明點解你會咁諗。
你叫我去紮，我心理上都唔想，根住比我發現咗子宮環咁方便而且都容易裝，所以我覺得都好好。
1個讚
我覺得衣D真係可能緣分，因為你睇我share嘅上圖，裝環既避孕率係達超過99%的。
家計會可以，私家都得，應該就唔影響人奶，你可以問下醫生。
你係食21日嗰款嗎？
咁餵緊人奶當然唔好食啦！！！！！
係。真係好少聽，而家又知多樣資訊。謝謝你
我老公都係，再加上衣D咁敏感嘅手術，佢只係諗下，都要瞓一瞓低先
Jm你可以都考慮一下子宮環，真係好方便
1個讚