如果佢其他方面無偏心係ok嘅
同路人喎 
我細佬同個女仲向度住，屋企大小事務，電器壞咗要換，全部都係我出，我只想媽咪生活好啲。樣樣計住會唔開心架。自己又吾係冇錢。冇錢冇得比都冇辦法。
我哋幾兄弟姊妹互相唔知道大家比幾多家用，覺得無問題呀，各人能力唔同嘛
你指你父母向你收取家用越來越多？
子女之間要共產又是甚麼意思，要補貼其他弟妹生活費嗎？
舉例父母生活費需要每月20000，如兄弟一個比唔足，另一個自不然要比多啲。
父母成日個心想住，我地係兄弟姊妹，搵得多果個應該要幫下搵得少果個，唔好一個富貴一個閉翳…
搵得多啲果個未必剩得多呢，而且通常都犧牲多啲，例如陪子女時間
1個讚
你會唔會介意佢會讚比得多果個係乖d?
咁我阿爸阿媽又冇兄弟姊妹中讚過，只係有同我呻話細佬比得少，但到我幫佢出頭話細佬時，阿媽就話只係呻下話我多事
到我父母同未來老爺奶奶見面時，佢先響夫家面前讚我懂事同一路財政上支持屋企，我先知佢哋其實心中有數。
其實比得錢多又唔一定係乖d果個，就算今日佢哋響我面前讚細佬比得多家用，我諗我都唔會介意，咁證明細佬搵到又對頭家上心，我應該開心至係。
1個讚
假如，父母得一個仔/女，獨生子/女都要全負擔父母的生活費。
另一兄弟姊妹負擔唔足父母生活費不奇，尤其是現時經濟環境。
如果明明有錢，但唔供養父母另計(或只願付出小額家用)，但你都無辦法，唔通自己又做到咁絕，由得父母生活足襟見肘。
1個讚
X2
還好，我屋企並無唔生性既兄弟姐妹。
我自己能力高d我比多我家姐1倍
我家姐失業近呢年都無比。但我覺得可以體諒。
我父母都無要求
2個讚
父母識handle呢d 係好重要
1個讚
唔介意，但如果父母或兄弟姊妹奉旨我會減
咁又唔會公開講邊個比得多比得少，都係私底下講
自己俾左就算，最緊要媽咪接受啦，我地幾個都唔同，有人多有人少甚至冇俾
1個讚
有d父母唔識做會四處講，或者比說話其他仔女聽
1個讚
以前好介意有屋企人搵得多過我但一個仙都唔比，阿媽都係最錫佢，宜家睇開咗，做咗自己本份問心無愧就算
如果我唔比，幾難聽嘅說話都有
1個讚
每個人經濟能力負擔不同，點解一定要俾一樣？
做父母收幾多家用，可以跟個別子女商量，又為何要公開俾其他子女知道？
2個讚
其實最介意係唔夠就問我攞，好嘢就永無我份。簡單來講係有事鍾無艷，無事夏迎春
我同事話父母要求幾個仔女一定要比三份一人工做家用、最後大家升職加薪都唔會講；同事家姐、嫁左、小朋友上小學冇做野、同父母講呢幾年真係比唔到、能比心意錢、結果成日有說話聽（你地層樓都升左唔少啦、年年去旅行又有錢）、搞到個女唔係大時大節都唔會返娘家食飯。
唔介意, 屋企人有咩所謂