我派最多係樓下看更@$50×2,平時撞口撞面嘅都有20up人
親戚反而小,男家得奶奶,女家我差唔多係最細,而阿姨舅父佢哋係比我一家,即我同老公都有份
我又生3個,所以我買靚酒同@$100×2比我同輩嘅小朋友
朋友今年都唔見,完全唔洗派,就算派佢哋傷D,所以我什小主動去拜年
講到底量力而為,一年一次互相祝福吓,如果冇小朋友係傷D嘅,有出冇入
係呀，所以先求下安慰
我自己係係慳嘅，所以先覺得肉痛。
看更/同事/好疏既親戚 $20
朋友/普通親戚 $50
得一兩個好親既先會派$100
雖然都係有限錢… 不過結左婚開支大左心入面梗係想慳錢
我都係少親戚 無你呢個感受
一年一次 大家高興下 最緊要量力而為
今年唔洗去親戚團拜，淨係去兩邊娘家，但奶奶要放低利是俾佢娘家各家庭嘅小朋友，佢代我地派
今年我覺得已經慳左, 無乜約拜年都無乜出街, 看更都係派左3個而已, 又無得去旅行, 果度都慳唔少
我親戚少，每年都派唔到幾多
係我老公公司派得多
佢今日開工，預備左1疊利是比佢
未到lunch已經派晒
仲要即場再入
今年利是唱咗二萬，跟老公下屬全部要1001，屋企兩邊子姪1002，廿蚊只係唱咗$2000咋，其實好肉赤
絕對係…
我老公果邊慣左派得大, D姪仔姪女全部要$500 * 2封…好重皮…
我娘家果邊只係$200 * 2封就好少少…
不過同事, 看更果D就一律$20 算…仲要係見到面先派…你冇黎同我講恭喜發財我唔會洗樓咁逐個逐個派…
好彩就朋友間冇話要互相拜年咁…所以基本上都係預親戚+同事…
1個讚
JM 們，我真係圍爐取暖吓，唔係唔識量力而為，派到亦係福氣，我絕對明白嘅。
係呀係呀就係呢種感覺，好重皮。
我好驚人話：一年一次大家高興下…其實…係收嘅高興，派嘅高興極都好肉痛
男家唔洗拜年，亦無人上門拜年，淨係50x2俾叔仔。
女家派50x2俾姪仔，阿嫂d甥生都有派20x2。
保安，倒垃圾果d 20x1。
同事fd既派俾佢地d小朋友 20x2，唔fd既小朋友20x1，未結婚既同事 20x1
公司多唔多人呀？
未結婚既同事 below10
fd底有小朋友 都係below10
理得佢派慣大封定細封，總之我負擔唔到就唔會比咁大
派得到係福氣呀。我老公旅遊業停咗成年，我上年年尾又失業，以前派$50X2俾親戚小朋友，今年派$20x2就算，冇錢唔會為面子而派，留D錢俾自己小朋友好過。
2個讚
係呀我明呀，唔係話派唔起，但派得起都可以肉赤架姐。大家都係普通打份工！
2個讚
多謝你
有人明真係好重要
完全明白…唔係派唔起，但好肉赤
我唔會比自己肉赤㗎，我主要派$20，理得佢