我唔知有類人會用呢樣野黎曬…
師奶A 會講老公100% 上繳
師奶B 話拎埋個仔張提款卡任用…
類似呢D
真心我又唔覺得自己搵好多, 過得去咁…生活正常
有時睇forum…有D失業冇工開,…都比父母迫住/ 唔好意思唔比家用/零用
根本父母就唔係急用錢…
講真BD好似年齡層無亡國咁老化
大部分會員小朋友應該未出身
現實世界中，應該好少男人真係100%上繳，尤其係新一代，我地父母嗰代好似興d
我成日覺得嗰d係咪老作：
1 咁大個人點解唔會反抗？
2 今時今日仲有人咁愚孝？
3 現實生活真係無聽過d咁mean嘅父母，所以只出現係網絡？
我聽過有…
老公D同事…
但其實佢老公收埋間公司響外地, 有過億
而家響香港只係住間居屋…
唔知穿左會點呢
1 咁大個人點解唔會反抗？<–由細到大都係咁…圈養
2 今時今日仲有人咁愚孝？ <–親情騎劫…你細個又病又嘔, 我同你死鬼老豆唔瞓都打的去同你睇法國醫院…ETC
3 現實生活真係無聽過d咁mean嘅父母，所以只出現係網絡？<–我估都應該有, 我都識同學係咁…佢仲要話我呢D 比少少心意係不孝 (當年剛畢業…咁係比一千幾百咋)
1個讚
係咪老吹？咁能屈能伸？
我都覺得好傳奇, 但又冇理由要吹…真係唔知
不過佢老婆真係西太后MODE
即係係香港另一頭住家？
但大陸有一億，係香港只可以住呢個老婆嘅居屋？
好離奇
依家仲有人俾家用㗎咩 
好似古代
有呀有呀
我媽個朋友同佢講每月俾3定5萬家用俾佢 
我知亞媽同朋友會𢦓日交換情報，講下仔女比幾錢家用，但都係用黎呻多
咁父母退休冇收入，點都有嘅
半呻半曬嘅多
“唉呀，個仔都係比得一萬蚊家用我咋”
5萬？起碼要揾15萬先掂
1+2,有D人反抗,就會俾人掃出街無地方住,同住唯有忍!
3,再mean再衰既父母,我都聽過遇過,當然呢個世上不孝子都有好多~
有d人天生就唔駛say no
仲會覺得人地say no係有問題
我老公都係呢類,收埋d錢(當然無過億呢d啦)
佢其實已經穿左,但我無追問佢有幾錢,不過我唔會再咁慳,佢都唔敢再扮窮 
點解佢要咁做呢
天生唔係太識拒絕人,和平主義者