而家有人自稱得中產應該都賺好多 
除非唔知醜
香港定義嘅中產係一個住戶家庭月入 1-4 萬，我諗一個家庭兩公婆加埋先 4 萬一個月，應該唔會讀到國際學校。
2 萬一個月學費，仲未計車費、活動雜費。依家普通學校嘅車費求其都千千聲。另外讀書冇理由個仔女齋學校生活，唔玩課外活動唔玩遊學團，咁呢啲又係錢。如果想小朋友 keep 到中文，要特登請老師教，出面坊間啲班唔多啱國際學生。如果小朋友數學唔夠 fit，又要上數學班但要上英數班，英數難搵過中數，可能價錢仲貴。到高中考 AL、IB，為谷成績，要特登搵識補呢兩個 stream 嘅老師就更加貴，七八百一個鐘。如果生兩個，咁又冇理由阿大讀國際但阿細就讀本地學校（有家庭係咁，但唔多），咁即係 double 個開支，家庭收入冇返 10 萬一個月都唔敢去讀，更何況唔係有錢就入讀到。
都係嗰句，係有好多中產，不過更多係富豪 
，即係「聖保羅男女、男女拔都有普通家庭，但更多係有錢家庭」+「有唔少人係冇補習都考到好成績，但更多補過習然後攞到好成績」
3個讚
香港中產定義係一個家庭賺 1-4 萬（不過好多人覺得 3-6 萬先算中產），咁所以好多都唔係真正「中產」，不過之前薯片叔叔賺緊 37 萬都話自己係中產，咁嘅話，的確會有好多中產
我自訂中產係要有10萬一個月添 
1個讚
木木奠阝同佢班底都當自己係中產，我人工有嗰三屍嘅 10% 我都巧開心鳥
除非個小朋友真係齋讀書，唔玩活動唔去遊學唔去旅行唔補習，冇細佬妹唔請工人唔洗養老唔養車物業自住唔洗交租，一定唔出國讀高中/大學，咁家庭月入 5、6 萬應該都得嘅，但咁辛苦去讀國際學校我覺得唔抵。
咁樣只會令到小朋友越讀越自卑,身邊其他同學仔唾手可得嘅嘢佢全部乜都冇
可能讀書少（中學畢業）數口差
以為自己唔使返工湊小朋友就係太太
既然係太太，又可以買下CC迷你手袋，就自然起碼係中產，opps…
呢樣真
有d人成日一副：讀名校曉飛咩口吻，仲話讀到書嘅係邊度一樣都可以出人頭地…
（無資源嘅家庭成日用呢樣嘢去自圓其說）
但事實上，yes，可能有呢類「極少數生性」小朋友，但可惜唔會係佢地個小朋友lor
我都真係知有人無仔女都會買黎當投資，你都可以考慮趁低吸納
我識既月入100K既幾個都係讀國際學校，不過多數係讀ESF呢類平D既國際學校。
我都覺無3萬真係唔叫中產。我印象中既中產，至少要有閒錢成日去coffee shop，月入2萬既朋友帶著兩個小朋友就唔會係。
我識既生活態度上中產既人，都係月入5萬以上，甚至乎十幾萬，都係叫自己中產。我識既富豪，起碼要月入幾十萬先算。
政府統計處話 1-4 萬係佔香港人口 55%，列為中產。大學教授認為係 2-5 萬，加上係有大專學歷，佔人口 20-30%，調查就話普遍覺得 3-6 萬，並且有自己物業值 400-600 萬。
統計處 19 年寫人工 50th percentile 係 17000-18000，45000 已經係超越 90th percentile。咁所以佢個 1-4 萬並不是亂黎嘅，但如果係一個家庭嘅話，即係當 double，一個家庭 2-8 萬都可以叫中產，10 萬以上就已經好富貴喇～（不過，膠官都覺得自己係中產嘅時候，咁「中產」負擔得起 IS 絕對唔係困難，送 3 個仔女去外國讀書，外國買埋物業都仲得 ）
2020年數據
我估平時大家睇嘅「中產數據」同現實生活中嘅「中產生活」有出入
我自己睇返依家香港生活，應該最top嗰幾層（total 10%內）先開始算係中產（當兩公婆都返工）
咁計返條數，私校+國際學校大概係佔整個學校體系嘅10%，加埋直資就total約20%
PS 唔係話中產一定讀私校/國際學校
但一般都係家庭收入咁上下先負擔到讀呢類學校
即係收入top 10%嘅人（拉上補下當人工X2等於家庭收入），好大機會會比小朋友讀直資/私校/國際學校呢3類要比錢嘅教育機構
2個讚
大家對中產嘅定義唔同，政府係睇邊層佔最多人。英文有分開 middle class 同 middle income。
英國嘅 middle class 廣泛定義係讀過大專、受過私校教育/grammar school，做專業白領（工程師、醫生、律師、經理、公僕）。 middle income 嘅理解係 median 嘅 2/3 至 2 倍。
好多人心目中的中產就係 middle class 嗰個定義，但政府/統計角度係 middle income。
我對返個收入同學校%
大概都睇到人工去到咁上下先會讀私校/國際學校，如果加埋直資就佔全港約20%
人工top 20%嗰d家庭應該都會選擇呢幾類學校
我個仔都讀梗平民化的國際學校，佢讀得舒服，我唔駛傷神，又慳返啲補習費。佢又吸收到知識，我覺得好適合佢。
1個讚
我自己覺得家庭月入六萬以上先叫中產，二十萬以上就叫有錢
之後再上就分唔同程度既有錢 eg.家族企業/上流
我無諗過中產可以符合公屋申請資格，公屋係福利，政府heavily subsidized，中產無可能連住都要政府幫
咁根據樓上有位jm提供既定義，jj仲高過中產喎
佢究竟有幾多個cc袋成日攞出黎哂