我18-19果陣最多人追，同時間大概有7-8個
可能當時又返pt又報興趣班，但偏偏我鍾意既人唔鍾意我
所以全部都係爛桃花
但自從去外國讀書後就0桃花，真係一個對象都冇
拍拖後就更加唔洗講，我全身散發住taken既氣息
2個讚
我女校大，所以中學係0桃花，so sad
2個讚
讀書時期都總有幾個！
不過我比較串，男仔要好大膽（近乎唔知醜）先會追我！
我都試過兜口兜面掉左封情信落地，依家諗返…其實可以處理好啲既
出黎做野，工作環境冇男性！
後來一次過黎2個，其中一個就係依家老公喇！所以我呢個「被追求故事」已經完結🥲
1個讚
18歲左右同時間有幾個追緊
其實唔知道
試過幾次有啲男仔對我好 我當人好兄弟好朋友
係朋友提醒我先 “噢 係咩”
1個讚
我係有男仔親手送嘢比我，打電話比我，有男仔約我睇戲都唔知。我真係當好朋友
1個讚
真係追既一隻手數得晒，有d未正式講已經巴打mode左就無下文。
係呀就係類似咁 
可能佢地又做得太含蓄 點唔著我呢啲牛皮燈籠
最慘係連我媽都知，我都唔知。我當人好朋友
大左先發現男女係唔會有單純好朋友
2個讚
讀書時真係零舍多人追、最衰在同時、瘦田無人耕果種、一係就唔發市、照鏡都唔知衰咩
小學到初中, 都有一個好好朋友的男同學, 佢之後好似移民就冇聯絡.
就係因為咁, 搞到我之後高中同大學都以為個D單獨約我的男仔都係好朋友. 已經冇單純好朋友的男仔再出現.
1個讚
讀書時代多D, 揀既科男多女少。
可能蜀中無大將, 廖化作先鋒。
其實我唔係靚，個樣幾鄰家女孩下
小學有幾個男同學差唔多時間表白就好有虛榮感
大個左反而覺得要拒絕追求者先傷腦筋，次次拒絕完都冇朋友做
覺得搵到一個佢鍾意你，你又鍾意佢既人先最重要，所以唔再在意追求者
2個讚
JM 好勁 
我意思只係：傷腦筋點樣拒絕完仍然係朋友，唔會臉左左
但冇成功過，白傷腦筋
數量唔係重點，質素先係重點
1個讚
應該都係得3個左右 不過唔同時間 年代太久遠已經唔記得
十幾年前中五果時已經同老公拍拖 之後無桃花 
當時同老公都算一拍即合 識咗一兩個禮拜就拍拖
1個讚
哈哈好搞笑
我都有班frd係異性，我相信有純友誼（前提係有返少少距離）
仲要荷蘭兔一定第一時間衝出黎話自己好後生，依家仲有人以為佢係二十歲公司好多男仔追
邊個無後生過
佢嘅問題係自己就更年期仲覺得自己好後生（2X歲）
